Democrat pawl zong mee firnak kong ah an lau tuk cang!

Democrat pawl zong mee firnak kong ah an lau tuk cang! Pennsylvania state thimnak cu palik le FBI nih an dothlat cuahmah lio pi a si tiah Department of Justice (DOJ) nih a chim. Tu zarh chung ah an hlawnhmi mee (9) an hmuh. A zapi tein Trump ta lawngte an si.

Wisconsin state zong ah county (2) ah nawncek lakah an hlawnhmi beng (3) an hmuh. Winconsin hi atu ah mee a voihnihnak an rel cuahmah liopi a si. Atu te taktak ah 2018 thimnak lio ah Texas ah mee a firmi mibu kha an tlaih hna.

Pennsylvania ah hin mee rel ni an rak sauter mi hi hi bantuk in mee kha an thim i hlawnh an rak duh caah a si. Mee rel ni rak sauter ding biakhahnak hi supreme court i beiceihtu pahnih he ti in biaceihtu (7) nih an rak tuahmi a si. an zapi in Democrat lawngte an si. Zan khat chungah rel dih rak sisehlaw mee hi an rak hlawnh manh lai lo.

Cun Michigan i biaceihtu (video ah an tarmi nu) hi a ngaingai ti ahcun politics activist a si. University pakhat ah puarhrannak (activist) tuahnak kong a rak chim balmi zong a um. Cun kan hnu February ah Iowa state i thimnak ah a ho nih dah teinak a hmuh ti kha a rak i fiang lo. Democrat lei nih teinak puan an rak zaar. Sihmanhsehlaw thla (7) hnu ah mee fir ruang ah a si ti biafiang an theih cang. Hi teinak a hmumi nu hi Hilary Clinton le Biden nih ruahnak petu ah an i hmanmi a si. Hitihin hlathlainak cu a hram in an domh cang lai. Trump cu teinak lampi ah kal hram aa thawk cang.

Relchap ding thawngpang dang pawl: Atu te bak ah Democrat lei tangmi media tampi cu Trump lei ah an i mer cang i Trump lei ah a laan an thlir cang. Trump nih a tei hrimhrim lai tiah aa-mah-an-khan (guaranteed) cang hi. Press le media hna nih Trump kong lawng te an tial cang. Trump angki le Trump luchin lawng te an chuah cang. Pathian nih Trump cu teinak pekthan a timh cang. Khrihfa vialte “Amen! Halleluijah! ti hna u si! Amen! Halleluijah!

A tanh zuammi nih rak tanh rih ko u! A chimmi cu hi ti hin a si: “Lungrual tein kan rak tuahtimi dirhmun, hi hlan ah Obama uk lio caan ah mee nan rak firmi bantuk dirhmun kan phan than cang. American politics tuanphung chungah a ngan bikmi le mi phun kip a telmi mee firnak organization kan ser khawh cang tiah ka zumh” tiah a chim. Biden nih Miraang holh in hitihin a chim: ” We’re in the situation where we’ve put together and (as) you guys did a fraud in the Obama’s administration before this. We’ve put together, I think, the most extensive and inclusive voter fraud organization in the history of American politics.”

US ummi Biden tanhtu pawl, hi zat remruam tangka hi nan pe kho taktak lai maw? Biden tanhtu pawl cu “ngakchia nih naamte kha lentecelhnak ah a hal bantuk khi nan si. Nanmah le nanmah naan in an i chun te lai. Biden nih pakhaknak ah Green New Deal ka tuah lai tiah a timi hi zei thei loin na tanh ve sual maw? Thil tha cu a si ko nain hihi tuah taktak sehlaw, nan chungkhar nih zeidah nan tuar ve lai ti na hngal taktak maw?

Green New Deal an timi cu a tawifiannak in kan chim ahcun motor, sehzung tbk in a khu a chuakmi carbon um lo ding in tuah i vawlei a liinmi zorter kha a si. Hi Green New Deal ca ah hin Biden nih 2 trillion ka hman lai tiah a ti. Cu tin a tuah taktak ahcun chungkhar pakhat nih $20,000 cio nan thawh a herh te lai.

Sihmanhsehlaw mithiamsang hna nih cun 10 trillion a dih lai an ti. Cutin a si ahcun chungkhar pakhat nih $100,000 cio nan thawh a herh te lai. Cun nan motor hlun kha nan zuar a herh lai i motor thar (electric motor) kha nan i cawk a herh te lai. Tangka a hlei in na dih chap lai.

Hi ruang ah hin pei Biden nih mee tampi a sungh phah nak a si cu. Kha Biden hi president hun si taktak seh law, a chim ning in a tuah taktak ahcun, kha zatzat tangka kha na tho kho taktak lai maw? Ni tampi cu nan inn man leiba hmanh nan pe kho dih rih lo kha mu. Na zumh lo cun a tanglei video kha ra zoh. Rev. Biak Lian Vel

Leave a Reply

Your email address will not be published. Required fields are marked *