Democracy Le Federal Timi Sullam Hi Zeitin Dah Fianternak

Democracy le Federal timi. Democracy timi cu Greek cafang in a ra i Demos timi cu mipi (people) a si i kratos timi cu rule asiloah power ti a si, demos-kratos timi cu power to the people. Cucaah Democracy timi cu mipi (people) nih nawlngeihnak/power a ngeimi cozah a si.
Democracy phun (type) Direct democracy cu hlan lio Athens chan i rak hman mi a si atu ahcun an hman ti lo. Mipi ni pawlisi kong ah direct vote pek tbt a si. Representative democracy cu cozah ser ding ah mipi nih aiawhtu MP (representatives) thim a si. Constitutional democracy cu phunghrampi nih mipi aho nih zeitin dah a aiawh lai tiah a langhter. Monitory democracy cu cozah a cawlcaan ning paoh kha mipi, bu, phung le lam, dingrep le ziaza that le that lo ti bantuk in zoh le ngiat peng a si. Participatory democracy cu rammi nih pawlisi kha direct in biakhiah hnu ah politicians pawl nih cu khiahmi pawlisi cu hlawhtling lak in tuah kha a si.
Pluralist democracy cu zei bantuk bu le party hmanh nih anmah pakhat lawng in uk/iap le huham ngeih lo in le nawlngeihnak lak lo in, bu le party kip nih pawlisi kha thim khawh le khiah khawh (influence) an i zuam cio. Elite democracy cu mi tlawnte (mirum le cathiam) ti bantuk nih ramrian politik ca i biakhiahnak tuah a si. Cun authoritarian, Islamic democracy le social democracy tibantuk an um rih len. Cucaah democracy hi cu fawi te in sullam fianghter khawh a si lo. Democracy a tlungtlangpi ah a tel mi zumhnak pa 4 hna cu; Phungning Sinak (Legitimacy) timi cu uktu cozah kha mipi nih thim in covo/nawl pek kha a si. Phung in i ruannak (Justice) cu minung vialte i ruannak le i rualnak (justice) umnak ding. Freedom cu self-determination timi mah te in i tawlrel khawhnak/ biakhiah khawhnak le luatte in um khawhnak; Power cu uknak phunghrampi (constitution) nih tlaihmi power/aana
Democracy Ningcang (System).
Parliamentary System cu uknak le nawlngeihnak kha upadi sertu (legislative) kut cung i chiah kha a si. England le German te pawl hman ning. Presidential System ahcun power/aana hi executive branch -riantuantu cozah cung ah a chiah deuh (legislative-upadi sermi kut chung nak in), North le South America pawl hman ning. Mixed System, hi cu Switzerland te hna bantuk i president hi a power full tuk nain upadi sernak le parliament ah zei nawl a ngei lo. Federalism timi cu central (boho) cozah le ramthen pawl (state le regional) cozah pawl power/aana le uknak nawlngeihnak i thencheuh (division of power) hi a si, mi nawl i cawn thenthen a hau lem lo i mah duhning salam in miphun le pengtlang ramthen he a tlak ning in tuah khawh/ser khawh/thit (tailor/customize) khawh a si tiah nan um har pheng ah tlawmte theihtlei rel ding ah.
Note: Rampi Daihnak Hnatlaknak – Union Peace Accord pathumnak ah, Kawlram cu bukhat ah komhnak (union) sinak in democracy le federal ningcang in cabuai cung i biaruahnak a theipar in democracy, miphun i rualnak (national equality), mahte in i tawlrel khawhnak (self-determination) hi fehter in luatnak (freedom), equality (i tluknak), i ruannak (justice) cung ah i hngat chan i Pinlong lungthin in kan ram hi federal democracy ram ah ser hna usih tiah lungtlingnak he (ralkap, cozah (NLD), USDP le tlangcung hriamtlai EAOs ) nih min an thut cang caah peace talk ca le federal caah a kan zuampiak tu CNF kan pa le cung ah upatnak pek bu in, miphun party zong an rak biapi tuk bantuk in 21st Panlong conference a hmuitinh a tuan chuah khawh le ram pumpi “democracy tling” a chuahnak ding ah kum sau pi a kan zuam piak cuahmah tu NLD cung ah lunglawmhnak le thaa pek bu in tanpi hna usih. Credit: Sui Hingz