Dawtmi nu le pa, u le nau, miphun hawi vialte hna

Dawtmi nu le pa, u le nau, miphun hawi vialte hna,
========
Chinland Club of Norway – Regional Committee (CCN-RC) leiin thawngthanhnak le lunglawmhnak kan rak chim/tuah duh. Tulio kan ram le miphun nih a tonmi kong ah, Hamar um kan miphun hawi a si mi, Calvary Chin Church Mino (CCCYF) nih, kan ram le miphun caah ¨Gospel Concert¨ an tuah i, cu Concert an tuah mi in 33061kr an hmuh mi cu CNF/A nih a herh ning in rak hmang hna seh tiah CCN-RC kut ah a zapi tein an pek.

Cun a voi2 nak ENSF ca zong ah, an mino hna nih biatak tein an cawlcang i phaisa zong an si khawh chung in an thawh cuahmah. CCCYF pumpak pakhat cio an cung ah lunglawmhnak tampi kan ngei i CCN-RC min in kan lunglawmhnak roca kan ṭial.

Bawipa nih kan ram le miphun a bawm kho chin lengmang mi le ram le miphun caah bochan mi le rian a ṭuan kho chin lengmang mi mino siter hna seh law, a thluachuah bongmal za he lam hruai chin ko hna seh.

Kan ram le miphun caah kan dihlak kutsih in, lungrual tein le lungkhat thinkhat tein dir tti in hmai nor chin ko hna usih. Teinak kan hmuh hrimhrim lai, teinak cu Bawipa ta a si. Lunglawmhnak he, Chinland Club of Norway – Regional Committee.

TRRC Khualtlawn nak; Thantlang Relief le Reconstruction Committee nih Committee kan ser Thlakhat tlinnak ah a voikhat nak Ralzam hna sin ah Riantuan nak le kan Pekchanh khawh mi le kan khual tlawn nak.

Hakha in 24.11.2021 ni in 30.11.2021 nitiang (Zarhkhat) Chung kan khual tlawnnak Chuncung, Dokthek, Ramthlo, Tlangzar, Tlangte, Hmunthar, Arcerh, Khuafo, Sopum, Sih hmuh, Thangzang, Fungkah, Lungler, Bungkhua, Hmunlipi, Thlualam, Vambai, Salen, Hriangkhan, Thau, Bungtlang hna hi Zarhkhat chung ah kan Pal khawh mi hna khua an si.
Tutan TRRC nih kan phawtmi thilpuan Hruk aih le eidin pawl hi Motor 3 phur a si i, Motor 2 phur hi Mandalay Churches Fellowship nih an kan hlut mi si. A dang motor 1 phur hi Yangon, Mukoh, Kalay le Hakha in si. Motor Pathum nih a phurh mi hi Kyats Sing – 300 (Ting 300) leng man an si.

Cu lawng si lo in Myanmar Christion Church (Dallas) in Blanket Puan Zun (1000)zong tutan ah kan Ralzam kan hawi le hna sin pek an si. Rev. Simon Thawng Hmung nih a kan tawlrel piak mi a si (Rev. Thawng Hmung cungah si seh, MCC (Dallas) cungah siseh, A dang pechan tu hna dihlak cungah kan i lawm tuk.

Thantlang Khuachungah Kangh uh nak a tong mi hna chungkhar Inn khat ah Kyats Sing 1 (100000) in i hnemh nak kan ngei kho. Tutan kan khualtlawn cu Voidang khualtlawn he ai lo lo. Khua kan phak nak kip ah Pakhat le Pakhat kan i ton nak ah a ho mithmai hmanh a panh kho lo.

Kuttlaih nak ah kan hman mi Biafang hna cu aidang ngai. Mah Biafang hna cu, “Nang Na Inn A Kang Ve Maw” ti le “Zeitik dah Thantlang kan kir khawh lai” ti mi Biafang hi a si. Culak ah Kan hawidawt cheukhat Ralzam thutdir hmuh tik ah Lung a tha lo ngai. An Tappi lungthu vanzoh ah thinlung nih a celh lo. Kan nu le kan pa Tar pawl van hmuh hrimhrim ah cun thinlung a kek kawi hnik ko.

TRRC nih Kan Hawidawt hna Thazaang kan pek khawh mi hna le Kan Hnemh nak hna biafang cu “Caan rau lo teah Thantlang khua ah kan kirthan ko lai ti mi le A Tu Kan Inn Lo A Kang Mi Nak Tha In Thantlang Khua kan serthan hna lai ti hi Thazaang kan i pek khawh mi cu a si. Kan Biak Pathian nih kan phaknak le kan umnak cio ah kan umpi hram ko seh. Credit: Pu Ram Khar