CRPH Tinhmi Cu Tihnung A Si, Ralkap uknak thlak i 2008 Phunghram ningin NLD nih cozah tlaih ding

CRPH, GSC le GSCN; Committee Representing Pyidaungsu Hluttaw (ပြည်ထောင်စုလွှတ်တော် ကိုယ်စားပြုကော်မတီ)
===================
CRPH hi Feb 5 in an ser. NLD lawngte in sermi phu an si. MP 70 nih biakamnak an tuah i kum 5 chung caah kanmah hi mipi aiawhtu Hlutdaw MP kan si tiah an ithanh. CRPH ah cun chungtel 15 an um. A hnu ah mipi thim lomi ram lengmi pahnih an chap hna. Mino deuh lawngte an si. Phyu Phyu Thin nih biapi in a hruai hna. State Counsellor Law zong an dirkamh rih i Daw Suu caan kum 5 kan sauhpiak tiah an thanh ning cu si.

Ta’ang National Party (TNP) in Lamin Htun, Kayah State Democratic Party (KySDP) in Robert Nyeye cu hna pahnih lawng party dang cun an itel. Mon ramkulh NLD in Myat Thida Htun zong an telh chih ve. February 22 ni thawk in Sasa le Htin Lin Aung cu UN le ramdang pawl he an pehtlaitu ding ai-awh minung ah an thim hna.

Tinhmi: Ralkap uknak thlak i 2008 Phunghram ningin NLD nih cozah tlaih ding. 2008 Phunghram an cohlan peng rih caah ralkap cu Kawlram uknak chungah itel peng rih hna seh ti an pomnak a lang. Siloah, ralkap he uknak icheuhbaoh in Kawlram hruaitu ding an duhnak zong si kho. Tlangcungmi cu hnu ah an chit rih hna.

General Strike Committee (အထွေထွေသပိတ်ကော်မတီ) GSC timi min a chuah hlanah Moe Thee Zun dirhmi a si ti in social media ah soisel an tong colh. Sinain, cucu an rak si lo. GSCN tiin miphun kip fonh do-aunak phu nih mipi hmai an chuah hnu ah, GSC timi min zong social media buantual ah zapi hmai i a hung chuak cu si ve. GSC cu party phuntling chungtel kip nih an dirhmi si tiah Kawl media nganmi nih an thanh. Party 25 chungtel pawl dirhmi a si, ti si. Cu chungah NLD, Saffron phungki pawl, New Society Democratic Party le NUP chungtel tehna an itel.

Tinhmi: 2008 Phunghram hrawh i Federal Union ser ding. General Strike Committee of Nationalities – GSCN (လူမျိုးပေါင်းစုံ အထွေထွေသပိတ်ကော်မတီ). Kawl, Chin le Kayin tehna telh in miphun phu 27 nih an dirhmi a si. Tinhmi: Ralkap uknak hrawh ding, 2008 Phunghram hrawh ding, Federal Union ser ding le phung ningloin an tlaihmi hna vialte thlah ding tipawl an si. Credit: Salai C Alexander