Covid-19 zawtnak kongah lungthin damnak cakuat tlawmpal te nan si ah ka rak tial

Dear careltu hna, Covid-19 zawtnak kongah lungthin damnak cakuat tlawmpal te nan si ah ka rak tial. Na riantuanti hawi pakhat khat cu Covid-19 zawtnak a ngei tiin na theih siloah na hawi pakhat khat cu mah zawtnak a ngei ti na theih tikah na lungre a thei ko lai. Mah zawtnak kong ruah hmanh ah lungre a thei cio caan a um tawn.

Nangmah pakhat lawng mah tiin a lungre a theimi na si hrim lo. Zaan i hngilh khawh loin a ummi zong nangmah lawng na si hrim lo. A lung a tur, a thinphannak atu le atu a chuah lengmangmi zong nangmah lawng na si hrim lo ti hi hmasa cem ah nai fian dingah kan duh piak. An tampi ve ko. Mah zawtnak hi miphun zong thleidan lo mirum sifak zong dang l, minak mirang vunsen zong hrial loin a tlungmi pulrai a si.

Na thin a ba, na lungretheih ahcun thut sawhsawh ding a si lo. Cawlcanhnak (exercise ) pakhat khat tuah, na hawikom le na chungkhar le chungkhat pakhat he muihmuh phone lole viber i chawn tawn. Na lungretheihnak le thinphannak kha bia i ruah tawn uh. Ca rel khomi nih carel, cun video hna suimilam pakhat le cheunak tam lo zoh piak ah a tha. Coffee lakphakti ( tea) ding hrial ah a tha kho– zan i hngilh khawh lo na ngeih ahcun. Cun lungtur hna na ngeih ahcun tulio caan ahcun na ding lo ah na caah bawmtu a si kho.

Nangmah le nangmah bia tha i chim tawn. Ka thawng, mitha ka si, Pathian nih a ka dawt tbk bia pawl hi nangmah le nangmah i chim tawn. Zeimawzat cu kan temtur rih ko lai nain ni tha deuh pawl kan phan than te ko lai tiin kan i hnem awk a si tiin British siangpahrangnu nih a chim. Mah hihi bia ropui taktak a si.

Hla zongah an sak , bia zongah an chim tawnmi bia cu An thah lotu harsatnak pawl hi na caah thawngnak an petu an si ti a si. Cucaah mah zawtnak ruangah thinphannak le lungretheihnak na tonmi hi hmailei ah na thawng chinnak tu a si te lai. Cun hmailei caan ah ni tha deuh pawl kan phan than hrim te ko lai. Salai Z T Lian

Leave a Reply

Your email address will not be published. Required fields are marked *