Covid-19 Zawtnak In A Thih Lai A Nupi Ca A Kuat Tami Cu “An Duhtu Le Hngakchia Hna Dawtu Ding Na Hmuhton Ah Cun Lunglawmte In Na Hmailei Ah Rak Kal Ko”

Maw thihnak thlachiat ruah thiamlo pa tiin au len zong ah thihnak nih cun timhcia in a kan hngah dih cio ko. Zeitik ah dah, khoika hmun ah dah hi kan taksak hi ṭheh a si lai bel a ho nih kan chim kho cio lo. Nizan ah coronavirus in a nunnak a liammi fa le pahnih hna pa Jonathan Coelho nih a dawtle hna sin donghnak cakuat a ṭialmi rel cu thinlung a kekkuai hringhran ko.

Jonathan Coelho with wife Katie Coelho and their two children Penny and Braedyn.

Coronavirus in a thihhlan deuh ah a chungkhar sin ah hi bang in cakuat a ṭial ta. Ka thinlung dihlak in kan dawt hna. Kai ruahchan ngam lomi nun a ṭha bikmi nun in nun caan nan ka hmanter. Na pasal le Braedyn le Penny hna pa ka si hi mi vanṭha le kai uanthlarpi bikmi a si. Katie ka tonmi minung vialte lak ah ai dawhbik, pasal le fale felfai bik in a zohkhenhtu na si. Nangmah bantuk hi an um bal ti lai lo. Nunnuamte in nun van i zuam law nangmah duhlak in a ka tuahtu a ka tuahtu na tuarkhawhnak kha zeitikhmanh ah van thlau hlah. Fa le caah nu ṭhabik na si ti hi fiangte in ka hngalh tiah aṭial.

Jonathan Coelho with wife Katie Coelho and their two children Penny and Braedyn.

Jonathan Coelho hi kum 32 te lawng a si rih. Kan hnu cacawn nithumni ah khan COVID-19 in a nunnak a liam. A nupi Katie Coelho hi kum 33 a si i fa pahnih Penelope thla 10 le Braedyn kum 2 an ngeih hna. Jonathan hi Danbury hospital kum ni 28 chung a kuahhnu ah hi bantuk in a nunnak thaw a dih hi a si.

Jonathan Coelho with wife Katie Coelho and their two children Penny and Braedyn.

A cakuat a donghnak ah a ṭiami hi mi thinlung a khoih bikmi pakhat cu a si. A cakuat a donghnak ah a langhtermi cu kan tonmi hi liam ve ko hna seh. Hnu lei thil hna ah kir ṭhan ti hlah. An duhtu le hngakchia hna dawtu ding na hmuhton ah cun lunglawmte in na hmailei ah rak kal ko. Zeithil na ton le na tuah hmanh ah nai lawmhnak hi ka duh bikmi a si tiin a bia a donghter. Ref: New York Post

Leave a Reply

Your email address will not be published. Required fields are marked *