Coronavirus thonginn luatnak kutka aa hon thluahmah

Coronavirus thonginn luatnak kutka aa hon thluahmah—virus khamhnak sii(kaa-kuai-sii) an ser khawh cang. Ka-kuai-sii hi pahnih an ser cang, pakhat hi Pfizer company nih an ser, 90% rian a tuan(virus a thawl khawh) tiah an ruah. A dang pakhat hi US company Moderna nih an ser ve i 94.5% rian a tuan tiah an ruah ve.

Mah kaa-kuai-sii pawl hi hmaithla December chung ah US ramchung ah tar le siizung riantuantu tam deuh cu an pek cang hna lai tiah an zumh. Mino deuh cu a hnu deuh ah pek a si te lai.

Kaa-kuai-sii hi ram tha ah cun tuan deuh ah an ngah ko lai nain ram sifak Myanmar bantuk caah cun tuan ah ngah khawh dawh a si lo, ram rum deuh an ngah dih hnu lawng ah ngah dawh kan si, thla 4-5 cu rau rih dawh a si.

Thawngpang dang zong Relchap khawh asi. US president thim zaan ah khan Pu Trump nih swing state vialte ah ceilak a tei, vote 90% cung an rel cang hna. Democrat nih kan sung cang tiah an i ruah, Trump nih ka tei cang tiah mitku thaw ngai in a it. Trump nih a tei tuk caah election zohfeltu thiamsang tampi an khuaruahhar tuk cio.

Nain, khuadei lai zinglei ah Biden a vun thawng than i Trump nih a tei cia nak states ah Biden nih a tei than dih. A bingtalet in thil a vun cang. Mail in kuatmi vote ah Biden mee a tam tiah an ruah. Nain, ningcang lo riantuannak le mee firnak a um tiah Trump phu nih an ruah.

Tutan thimnak a buaiter tu cu mail in vote an pekmi hi a si ko, mah hi a hlankan tein Trump nih a doh ciami a si. Trump phu nih biaceihzung ah ningcang lo riantuannak tet-te he an langhter khawh ahcun ruah lo ning in thil aa mer than kho ko. Credit: Salai Lungthli Tum

Leave a Reply

Your email address will not be published. Required fields are marked *