Congratulations: Dr. Lian Hmung Sakhong Le Dr. Sasa Lawmhpi Cio Hna Usih.

Committee Representing Pyidaungsu Hluttaw nih “National Unity Government” ti’ah CRPH nih an Siammi, Myanmar ram Bawizik le WuanKyi an chiahmi cheukhat pawl an si ko hih. CRPH nih cozah thar an dirhnak ah Chin miphun chungin Dr. Sasa le Dr. Lian Hmung Sakhong an telh ve hna, lawmhpi cio hna usih. April 16, 2021 ni ah CRPH nih cozah thar caah thawngthanhnak an tuah cang. President U Win Myint, State Counsellor Daw Aung San Suu Kyi cu anmah thingning tein an chiah than hna.

Dr. Lian Hmung Sakhong cu Pyidaungsu Federal lei Vuanci ah an chiah i, Dr. Sasa cu pyidaungsu vuanci pakhat ah an thim ve. Tutan CRPH nih cozah thar an dirhnak ah Chin miphun chungin minung pahnih bak Pyidaungsu vuanci ah an i tel khawh cu a sunglawi tuk hringhran. Kawlram mipi lak le tlangcung miphun lak ah a kan cawisantu Kan Biak Pathian cungah lawmh bia chimh peng ko hna usih.

Nihin cu thawngpang tha theih a nuam kho taktak. Dr. Lian Hmung Sakhong cu President hmanh a tuan kho dingmi mifim thiam sang a si. Asinain, Pyidaungsu vuanci rian sang pakhat an pek. Dr. Sasa zong rian sang pakhat an pek ve. Atu lio ah Dr. Sasa cu vawleicung minthang media pawl nih interview an tuahnak le ramkip cuhin a cawlcanghnak pawl zoh tikah Kawl mipi cheukhat nih an tuah khawh lomi lawngte a si. Bawipa a tha tuk hringhran ko, Chin miphun kan fimthiamnak le kan cawlcanghnak a lak a si ter bal lo tu Kan Pathian cungah kan i lawmhtuk hringhran. Amen.

Zaran nih tuah khawh lomi rian biapi taktak Laimi kan pale khinh an si. Kawlram level in Pyitaungsuh vuanci hmuh hi thil fawi a si lo. Cu lak ah cun tutan CRPH cozah thar thimmi ah a Laimi kan pale Dr pahnih an i tel. Dr Lian Hmung Sakhong rian hi a biapi taktak. Tlangcung mi nih kan hal pengmi mah te khuakhan lairel khawhnak zunglei (federal pyitaungsuh) ah vuanci a si lai.

Atu lio kawlram ramkhel lei cun dictionary tluk ah ruahmi a si. Dr SaSa tu hi ram leng lei pehtlaihnak zung ah vuanci si ve lai. Hihi Kawl miphun nih an zenh ngaimi rian biapi a si ve. Kawlram chung thil poimawh a chuah caan zongah lamkal an si lai.Zaran tuan khawh lomi si.