Columbus, OH Um ECBC Church Nih CC Riantuannak Caah $30,000 Bawmh Dingin Biachahnak An Ngei.

Mupi, cu Thlichia a hran poh ah Van ah a kai chinchin bantuk in, Columbus,OH um ECBC Church nih, CC rianṭuannak ca’h Dollar$30,000.00 bawmh dingin biachahnak a ngei. Nihin ah minung pumpak pakhat cio zongnih a tanglei bantukin an thawh hna. 1. Pu Zing Cung Nung.$1,700, 2. Pu Dawt Cung Lian $500, 3. Pu Tei Sang Lian $500, 4. Pu Ngun Kung Lian $500, 5. Pu Ṭial Za Iap $500, 6. Pu Ṭuan Bik $500, 7. Pu Lawm Bik $500, 8. Pu Ṭial Kio $500, 9. Pu Siang Hnin $500, 10. Pu Rum Thang $500, 11. Pu Duh Bik $500, 12. Pu Za Tling $500, 13. Leng Van Hnem Par $500, 14. Pu Tha Lian $500, 15. Pu Duh Ceu Cin $500, 16. Pu Kam Bik $500, 17. Ṭinaa nu $2,000 Newyork. Kan ilawm tuk.

Relchap, 𝐂𝐍𝐅/𝐀 𝐥𝐞 𝐊𝐞𝐢𝐦𝐚𝐡 𝐊𝐚 𝐃𝐢𝐫𝐡𝐦𝐮𝐧. Laimi chung in CNF/A thazang a petu le a ttan pitu tampi um a si bantukin, a soiseltu le a dokalh zungzaltu zong zeimawzat um a si ve. CNF/A kan pale an khua khanmi le an thil tuahmi cungah ifimter phun in criticize tuah kaa tim bal lo. A ruang cu ram le miphun caah an caan le an nunnak vialte an pek bantukin ka pek khawhmi pakhat hmanh a um lo. Cun vawlei fimnak le ramkhel kong theihhngalhnak lei zongah an philh zat hmanh ka thei lai lo ti kaa fiang. Cucaah kan pale nih a ttha, a rem an ti cangmi cungah keimah bantuk hna nih criticize va tuah len a hau lo ti ka zumh.

Cun micheu khat nih CNF/A bawmh ti lo ding kong heh tiah tlang an au. Cu bantuk minung pawl an tlang aumi nih ka dirhmun a pelte hmanh a ka thleng fawn lo. A ruang cu, kan miphun a himnak ding caah le Kawl ralkap telh in miphun dang hmai ah mithmai kan ngeih khawhnak ding caah CNA a tthawn a herh timi fiang tein ka zumh. AA ralbawi zik Bogyoke Tun Myat Naing nih hitihin a kan ti. “CNA thazang a tthawn lo ahcun kawl ralkap nih zeihmanh ah an rel hna lai lo. KNU an hruaitu Mutu Say Poe meeting rum a vun luh ahcun MAH nih a va zuanhnawh i a va kup. Nain ralkap thazang a ngei lomi hruaitu pawl an luh ahcun a zoh hmanh a zoh hna lo. Cucaah cun CNA thazang tthawnter u law SANPIOH hmanh an chumh piak hna lai” tiah a ti. A chimmi al ding a um lo. Mithmuh kuttongh bak a si ko.

Cucaah cun ka pawngkam ah zeitluk in CNF/A bawmh lo ding an au len zong ka zeite hmanh a ka hnin lo. Kumkhat $ 150 long siloin zeitindah tam deuh thazang ka chuah khawh chin lai timi tu ka ruat deuh. CNA a tthawn longah kan miphun a him lai. CNA a tthawn longah miphun dang hmai ah mithmai kan ngei lai. CNA a tthawn longah kawl ralkap nih kan miphun an kan ttihzah lai. Credit: Salai Biak Tum Lian