CNF le Ralkap Hakha Ah An Itong

CNF le Ralkap West Northern Commander Hakha Ah An ITong
============
CNF Vice Chairman Dr. Sui Khar le Thantlang CNF Liaison Office In Charge Pu Ral Hnin nih tulio boruak kong he pehtlai in Chinram ralkap bawizik West Nothern Commander cu Hakha ah nihin zanlei 4pm-5:30pm kar tonnak an ngei.
Tlaihkhihmi hna thlah ding le Duhlonak lamzawhmi pawl harnak peklo ding CNF lei nih an hal i Ralkap lei nih CDM aatuahmi palek pawl nan kan pek than lai tiah an hal hna. CDM aa tuahmi palek pawl cu CNF camp ah um lo in India ram an zam dih cg caah pek ding an um tilo tiah CNF nih an leh hna.

CDM aa tuahmi Palek pawl zoh dingah Thantlang Ralkap minung 23 cu Tlanglo in camp tiang an kalter ve hna tiah theih a si. Thantlang ralkap bawipa cu zu a ri ngai i chonh awk tha in a umlo tiah a hmutu minung pakhat nih TCP ah an chim. Credit: The Chinland Post

Relchap, Ralkap le CNA/F biaruahnak an ngeih dih hnu ah ralkap camp ah an lan. 2021 March 10 Chin National Army/Front le ralkap Tlangpi khua ah ton biaruahnak an ngeih hnu ralkap cu CNF/A camp lei ah an lan tiah theih a si. Hi kong he pehtlai in Tlangpi khuami pakhat nih, “Nihin kan khua Tlangpi ah biaruahnak an ngei hna. Ralkap lei nih nan camp ah len kan duh ko tiah Dr. Sui Khar sin ah an hal nain Dr. Sui Khar nih a duh lo.

Biaruahnak an ngeih dih hnu ah lenh hrimhrim kan duh ko an ti than i an len. Atu hi ralkap cu camp in an rak kir lio a si. Amah Dr. Sui Khar le a hawile dang tu cu Hakha lei ah an lan ve. Thinphan awk cu a um lo,” tiah a chim.
Nihin CNF/A le ralkap bia i ruahnak ah ralkap lei hi motor le motorcycle in minung 40 hrawng an si tiah kan theih.
Bia an i ruahmi a si khawh chung in hlat le thawngthanh kan rak in zuam than hna lai. Credit: The Hakha Post

Ralkap le CNF/CNA Camp Victoria ah an i tong. Ralkap le CNF/CNA upa cheukhat cu nihin March 10 ah Camp Victoria ah an i tong tiah thawng kan theih. Hi an i tonnak kong he pehtlai in CNF in Dr. Sui Khar nih โ€œAn ra ko. Hihi voi dang an rak kan tlawn bal bantuk kha a si ko. Kan i tonnak zong a tluang, tlam a tling ko,โ€ tiah The Hakha Times ah a chim.
Ralkap a ra mi pawl kong he pehtlai in โ€œRalkap lei hi bus le motor dang le motorcycle in an ra i minung 33 hrawng an si. Ralkap an si bantuk in an hriamnam he an si. An hruaitu hi Major nih a van hruai hna. Atu hi Ralkap cu Camp Victoria pawng Tlanglo khua ah zaan an riak,โ€ tiah khuami sin in thawng kan theih.

Nihin ah Ralkap nih CNF/CNA hmun Camp Victoria ah va lut in an i ton mi cu, Ralkap nih Cozah uknak nawlngeihnak a chuh ruang ah rammi nih duhlonak an langhter i rammi le Ralkap, Palek karah buainak faktuk kan ton lio a si ca ah hi an i ton mi kong ah khuami le rammi kan lungre a thei ngai tiah kiangkap khuami sin in kan theih. Hi an i tonnak ah zei kong dah an i ceih ti cu a chung thil le kap hnih ralkap thil a si ca ah zapi nih theih awk a tha rih lo mi a si. Cucaah a hnu ah pehzulh in thawng thanh khawh kan van i zuam lai. Credit: The Hakha Times