CNF emergency meeting cu Indianapolis khua ah kan peh rih

Nihin (02/27/2021) ah CNF emergency meeting cu Indianapolis khua ah kan peh rih. Zoom lawng ah tuah lengmang hi kan ni lung si ti lo caah raichia lak ah a si nain hmaitawnh in kan tuah. Nihin kan tawn mi he peh tlai in kan ram le kan miphun fek tak tak in dirkamh nak caah Emergency National Security Fundraise tuahnak ding kong le a dang a herh ni pawl kan ni ceih.

CNF Chairman Pu Zing Cung le General Secretary Pu Thla Hei nih an kan hruai i kan meeting ah USA CNF regional committee lutlai tampi an phan kho. Cu hlei ah CNF a rak dirhkamhzungzal tu kan Pastor hna le Upa dang zong an kan tel pi kho i an cung ah kan ni lawm.

Zan CNF Chairman Pu Zing Cung le GS Pu Thla Hei nih CNF a hnu lei ah tthawng tak tak in a rak dirhkamh peng tu CBCUSA hruaitu hna le Pastor dang pawl cu Pu Pau Lam Piang dawr KimubRestaurant ah rawl ei an sawm hna i, CNF an rak bawmhnak vialte cung ah lunglawmhnak le hmailei rianttuan ttinak kong an chimh hna. Kan Chin miphun biaknak le hruaitu hna nih CNF tthawng tak tak i an dirkamhmi kan hmuh tik ah miphun ca rianttuan tha a nuam i hmai lei kan kal nak caah hna a ngam.

Relchap, Indiana Chin Baptist Church (ICBC) Pastor le hruaitu hna nih CNF General Secretary Pu Thla Hei, CNF USA Regional Committee Chairman Pu Tial Hmung le tiah nihin (02/25/2021) cu chuncaw an kan dangh. A tu lio CNF dirhmun le kan Burma ram i a cang mi kong Pu Thla Hei nih a kan ruah hnu ah CNF hmailei zeitindah kan tthawn ter chin chin lai ti kan ni ruah. An pastor pawl hi CNF bawmhnak Chinland Club ah member fek tak tak pawl an si hlei ah CNF a tthawn chin chin nak ca i an siaherh bia an kan ruah mi le an mithmai hmuh tik ah mi hna an ngam ter.

USA ram i Chin miphun dirhmi member 3,000 leng umnak Church nganpi pakhat i hruaitu le pastor hna nih hi bantuk in CNF an ttanhnak an langh ter hi CNF caah lawmh a um, sullam ngantuk a ngei. A tu lio COVID-19 ralrin ruang ah an Senior Pastor Rev.Dr. Stephen Hre Kio le an Church Chairman Pu Lian Cin te pawl belte an ra kho lo. Kan hlam ngai hna. ICBC cu CNF chungkhar zohkhenhnak caah tuah mi UCCF ah an Church Budget i 1% ($20,000) le (nubu nih $500 ) a zaapi ($20,500) in kum fatin a kan bawm zungzal tu an si. Chuncaw thaw tak tak an kan dangh lawng si loin, CNF caah zingzan thla a kan cam piak zungzal tu ICBC member zaapi cung ah kan ni lawm. Credit: Daniel Sakhong