A nai CNF/CNA le CC “ Lakhah an i pe dih “ ti hi cu an i chim sual deuh ngai rua ka ti. CNA nih Kum zeizat dah lakhah pek loin miphun caah rian an rak awt nak a sau ti ruat a hau. A tu zongah lakhah taktak ngaingai in kan pek kho hna lo.
Cun CC Upa ah hin kum 13 chung kan hawi le hnu te zulh in Upa ah ka tel ve cang I piakhat hmanh ka ei bal rih lo. Kan gas man hmanh an ka liam bal lo. Meeting kai ah kan kal lio ka motor (Toyota Camry ) 28 miles long a kal rih mi kan I khong i 911 nih sizungpi ah a kan kal pi. Ka motor zong lak awk tha ti lo. cu lio hmanh ah CC Upa tuanti hawi hna nih $500 an rak ka pek i ka rak duh lo.
Kan u le nih (zangfah tein hihi cu na kan co hlang hrimhrim a hau na motor na hlonh mi le na mipum sizung na um nak hmanh ah fang khat hmanh kan in bawm kho lo hi ) an rak ka ti caah $500 cu a bia all ngam lo ah ka cohlang hna i CC meeting kan dihin Zophei meeting kai dingah ka va kal I cu lio cu USA Zophei community nih CDF caah phaisa thawh ding a voikhatnak rak ceih khan lio a si i mah ah cun cu $500 te cu ka rak pek than dih.
Meeting lio ah cun Zophei fanau rian tuanmi poh $20 cio thawh dingin biakhiah nak an vun tuah hnik lio ah, ka kut ka thlir i “Pu Chairman zangfah tein bia toite ka chim kho maw) tiah ka hal i Pu chairman nih bia chim caan cu a rak on ve
(khah! Kan Mino vial te ral hmai ah thaizing thih dingin miphun caah ready in an i tlang ko lio ah maw $20 long cu kan ti ko lai? A tu $500 Kan chiahtak hna lai i thaizing $500 kan pek chap hna lai i $1000.00 kan chiah tak hna lai. Cun zophei riantuan mi poh nih $200.00 cio tal cu thawhding in bia funnak kan ngeipi hram ko u) tiah ka rak ti hna i $200.00 cio thawhding cun bia chahnak an rak kan tuah pi than.
Hi tin ka ti tikah hin kei mah kong langter duh si loin (Kei mah nakin CC upa Ka tuanti hawi le vial te hna hi let tampi in miphun dawtnak ah a rak i biatak deuh mi longte an si,) ti mi langter ka duh khun bik cu a si.
CC Kum 7 kal hnu pi ah Full time in minung kan um lo ah cun a si kho ti lo tiah, “Salai Tial Hmung” hi lakhah ngaingai cu kan tuah piak kho lai lo. Kum khat ah 28000.00 te tal in tuah piak u sih law retheih kan in piak ko seh tiah rak fial a si. USA ah hin Kum khat ah income chiadeuhdeuh hi thong50 / 60 kar hi a tlawm lei kan si. Cu tin a rian chiah ter in rian kan khinh khi a si. Hawi cio bang Business a tuah kho tuk mi an si ko. Kan mah cio cu tin rian tuan lo bakin kan rian chiah in a pumpe ngam mi ka rak um lo.
Rampi ral a vun thawh hnu in a kakip in Miphun caah nan thil tikhawh nak cio kan in upat tuk hringhran hna i nan cungah a lawmh zong kan i lawm tuk hringhran. Cubelte khat le khat kan miphun caah kan tuah tuannak Cung cio ah hin pakhat le khat I upat tein credit i pe cio hna u si law , mah le mah tein credit i pekin midang tangthlak in khuh i tim hi hmang lo hram ko hna u si. Cucu Kan miphun damnak a si lai lo.
Ramchung ral thawh hnu in thil si ning nih mi lung a vun thlen i thinlung a vun i hlok cuahmah hnu ah online in thut hmun tein inn kipah va kal hnawh lengmang hau ti loin Kum2 fai te au in kan bia kan luan deuh sual hlah maw ka ti. Zei tlukin dah mi nih ram an rak Dawt ve cio ti hngalh piak thiam le i hmuh piak thiam cio buin khat le khat I upat thiam cio kho u sihlaw a tha tuk hnga. By CNF/CNA Chungtel.