CNF Camp ah ralkap an lut, ziah an kah hna lo, an kan deuh tuk, ralchiat za kan puh hna

CNF Camp ah ralkap an lut, ziah an kah hna lo, an kan deuh tuk, ralchiat za kan puh hna. Nang le kei si usihlaw kan kut i hriam a um phot ahcun kan kah men tak ko hna hnga tak in. Nain kanmah btk an si lo. Chinmi humhimtu, veengtu, a miphun le ram caah nun thaap in harsat tuar innak aa thimtu an sinak a lang.

Atulio caan cu CDM in rampumpi nih Ralkap uknak chiahru kan doh lio a si. CDM kan si tiah tampi an chim an ttial cang khah. Pasal hriamtlai ciocio an tlawm an tam ah i ttih timi hi chim hlah u sih. Ralkap 30-40 te hna cu maw! CNA nih kap hna sehlaw an dihlak in Ttio va hmanh an phan manh lai lo. Raltuknak thawng an thanh rih lo. Kawl ralkap hi CNA tuk ah an kal lo, tuk ah a kalmi si hna sehlaw CNA nih an kah hna lo zongah kawl ralkap nih an kah ko hna hnga.

CNF nih rampumpi dirhmun CDM a dirpitu an sinak an fianter tiah ruah khawh a si. Nan chim tatakmi KNU pawl khuapi chungah an luut maw, anmah an cawlcanghnak hmun lawngah a si ko lo maw. KIA-KIO teh Mitcina khuapi ah zeitin an cawlcanghnak hmuh awk a um rih lo. Zeithil poh hi kal-hmang, daan le duun an um viar. Tutan ah CNA nih kawl ralkap 30-40 cu that viar hna sehlaw a dih lai tiah maw kan ruah. Mittthep ah kan Hakha pi, kan rampi khi BOM in an deng lai lo tiah a hodah fekte in a chim kho. CNF/A hruaitu hna nih an hmuh cia tuk lai. Keimah hmanh nih ka ttial khawh ahcun.

Annih cu kum 30 reng lo pumpaak chungkhar zawn hmanh ruat thiam lo in hi kong an ruat. Bia in an i tu, ruahnak in an i tu, thinlung in an i do. Kanmah nak in an fiangdeuh, an thiamdeuh, an hngaldeuh men lai ti tal hi i ruahter hraam hna u sihlaw hiti taitai cun kan ti siang hna hnga lo dah mu ti ka ruat. Credit: Salai Vkling