CNF/A Na Doh Ahcun, Kawl Ralkap (ralhrang) Na Tanh Tinak A Si

CNF/A NA DOH AHCUN, KAWL RALKAP(ralhrang) NA TtANH TINAK A SI.
===========
Thil hi a caan a um dih. Kanmah Chinmi hoih in tahchunnak an rak chim tonmi cu, Ralkap chan, Saya( sianginn) chan, Pastor chan, Ramthumnak kal chan tiah an rak chim i a zapi in a dik dih lo hmanh ah zatuak ah a uak deuh cu a rak dik lai ka zumh.

Nihin Kawlram boruak le khua caan zoh ah CHINMI long silo in TLANGCUNG MI vialte nih “Za ah Za” in kan thonter dingmi cu Kan Miphun Ralkap cio hi an si a caan nih bia a chim.

Gideon le a Ralkap tuanbia kan zoh ahcun Dan(siikan) a zullomi le Aral chiami hna cu Pathian nih Gideon hmang in a thumh hna a kirter hna bantukin CNF/A chung i a fellomi le ningcang a zullomi pawl cu Pathian nih Ralbawi le upa hna hmang in an kong cu an ceih hna lai i tuanvo an lak ko hna lai. A leng in nangmah le keimah an fel le fello kongah pakhat hmanh kan ni ceihding a um lo.

Mizeimaw hna nih online in zeihmanh thei huaha loin CNF/A doh in nan au lenmi hi ruat hmanh Kawl Ralkap (ralhrang)lei in na ttang tinak a si. ” A ruang cu CNF/A nih a herh ahcun Kawl Ralkap(ralhrang) hna hi Abia in kan doh hna lai i a ngah lo le hriam in kan doh hna lai tihi an dirpimi a si.” Cucaah Kawl Ralkap(ralhrang) a dotu CNF/A na doh hna ahcun Kawl ralkap(Ralhrang)a bawmtu na si. Credit: Mangcem Van

Relchap, CNF cu kan miphun aiawhtu hriamtlai,kan ngeihchunmi an si. An hruaitu te zong Kawlram pumpi hmanh ah a langsarmi leupatmi ah an ni tel ve. An tanglei ralkapmpawl njh an rak palhnak a tam ve hrim ko lai. Kha tu kha cu an ni uankhan awk asi. Nain kha ruang CNF kan supoort hna lai lo ti cun ruat hlah usih. Phaisa kong zong ah transparency nan ngeih awk asi tiah heh tiah auhnawh ve oo hna usih. Ziah tiah mipi nih an kan zumh hna lo ahcun supoort nak thazaang a zor chin lai. Criticise tu cukan tuahbak hna ding asi, an palhnak anni uankhan ding le remh anni zuam ve bak dingasi fawn. An rak kan hrem, an phaisa hman ning kan zum hna lo tiruang menah cun doh ding hrim cu an si lo! Kan ralkap an si! Rakhine hna khi an AA pawl kut an tuar tuk ve ko! Na in an ttanh tuk tthiam. An mipi nih an ttanh tuk hna caah an tthawn nak asi!

Tuak hmanh uh – Chinmi cu kan miphun thisen hi a niam tuk! Mah le mah leirawi le nahchuah kan hmang. 1975 hrawng maw asi kha- Major William Sa Lian Zam le a ralkap kap hna kha – Karen KNU sin ah training an rak kai hnu ah kan ram ah kan kir lai i dohhtlennak kan thawk lai an rak ti. Karen ram in,Kayah ram,Shan ram, Kachin ram,Naga tlang vialte an vun tan i kan Chin ram te him te in an rak phan. An vun ratnak lamthluan vialte ah miphun dang viakte hmanh nih an rak humhim hna, tilerawl an rak peek hna an rakbawmh hna. An rak him. Nain ,kanmah ram an rak phakhnu bak ah, anmah miphunhawi bak asi mi Chin mi lila nih ralkap sin ah an rak rawi hna i an rak thah ter dih hna! Cu ceo cu kan si. Atu CNF zong hi Tedim le Falam a tam u le bang njh cun bawmh le supoort cu chim lo, rawi le thah an duh ko hna. Thomas Thang No, Dr. Za Hlei Thang lhmanh kha Falam ansi nain an mipi nih an rak huat phah hna kha mu! Hakha, Thantlang lak zong ah heh tiahCNF a dohtu le a rawitu kan tam hoi! CNA ralkap pawl an tlsm s lting hrimhrim lo. Asinain, a institution pi kha da kaw zoh ding asi cu. Chin mi nih CNF lo in a dang hriamhlai – Pyidawngsu level tjang a kan phakpi kho tu an umtung lo! Tha te in tuak a hau! Credit: Thla Thawng Hlawn Khirh