Satawn Khuami Sațil Thih Kong Ah CNDF Nih Ram Chuaktak Dingin Nawl!
=========
Central Lairam, Lawngtlai 2023 Hniang 21: ‘Satawn khua hi Mizoram, Saikhumphai ral Țio chak Hualngoram ah a ummi a si. Satawn khua in km 3 hrawng hla ah Tuibual khua a um. Tuibual khua ah hin ralhraang camp a um. Ralhraang chuakvak zohding in Satawn khua ah zapi ralkap CNDF an um tawn. Khuami nawlnak bantukin khua leng ah an i țhial i, an herhhai hna cu khuami nih a si.
khawhchung in kan chanh tawn hna. Thilsual an tuahmi a um zongah ngaihthiam an si tawn. Tutan thil tlungmi tu ah cun Satawn khuami le Satawn khuachuak paoh kan lung a si hrimhrim lo’. ‘2023 Hniang 18 ah Satawn khua pawng ah bomb a puak.
Ralhraang thiltuah maw si hnga tiah CNDF nih meithal an thlah. Media i kan hmuhmi ah cun Satawn khua pawng ah ralhraang le CNDF an i kap tiah kan hmuh. Mizoram ah a ummi Satawn khuami zong biahalnak tampi kan dong. Thil kan dothlet tikah CNDF nih tarhmi bomb cu zuva nih rak pal hna seh law a dawh. Hlan zongah zu va nih an bomb an phelh piak theo hna. Bomb a puah ahhin khuami cu ‘Nan satil an him maw’ tiah an chawnh tawn hna’.
‘Tutan ah khuami sia 2 an thi, khuami theih lo in a sa an can dih. Sia sa an phurh lio cu khuami nih an hmuh hna i an va dothlat, Sia pakhat cu a sa an rak phorh dih manh cang. Sia pakhat deuh cu a umnak hmun ai rem deuh lo caah a rak um. Hi bantuk thil can hi cu a poi ngaingai’.
‘CNDF nih bomb an tarh mi vialte la dih dingin le Satawn ramchung in chuak hna seh tiah kan duh. Satawn khuachung le ramchung ah an thiltuah ruangah inn hmanh ah um ngam lo in Țio kam le Mizoram ah ralzaam a si. Kan khua le kan ram zalong te’n um ve seh ti kan duh’.
‘Hi nawlnak hi a tlamtlin lo cun Global Satawn min in kan si khawhchung hmainor pehzulh kan i zuam lai. Ram ngeitu Hualngoram Peoples Organization le CDF Hualngoram hna zong nih hmai kan norpi u’ tiah Global Satawn nih cathanh an chuah.
Global Satawm Nih CNDF Cu An Ramchung In Chuak Dingin Cathanh An Chuahhnawh Hna. Satawm khua kiangkap ah a ummi CNDF ralkap hna cu Global Satawm Mizoram nih an khua ramchung in chuak dingin nizan August 20 ah theihternak cathanh an chuah.
Global Satawm nih an cathanh i an langhter ning ah, August 18 zan ah khan Satawm khua pawngah bomb a puak i, SAC ralkap puahmi a si rua tiah CNDF lei zong nih meithal an puah len ve. Media lei ah cun kahdohnak a chuak tiah thawngpang a thang manh. Satawm khuami hna nih an hlat hnu ah bomb puakmi cu CNDF nih an hmanh mi bomb a si i, bomb puah ruangah Satawm khuami sia pahnih a thi.
Tualchung mi hna theihternak um loin sia pakhat sa cu an rak i laak dih i, sia pakhat cu belte cu a umnak a thuk deuh caah an la manh lo. Kan zuatmi saṭil an tawngh caah kan lung a ṭha hrim lo, tiah Global Satawm nih cun an langhter.
Curuangah CNDF nih Saṭawm khua ramchung i an hmanhmi bomb vialte zong phelh ṭhan dih ding in le anmah lila zong Saṭawm ramchung in chuak dingin theihterhnak cathanh an chuah. Saṭawm tualchung le ramchung i an tuahsernak ruangah mipi cu mah inn hmanh ah um ngam loin Ṭiau kam le Mizoram ah ralzam in kan um, hnangam tein um ve kan duh cang, tiah an langhter.
Hi nawlnak kan tuahmi hi a tlamtlin lo ahcun Global Satawm min in kan pehzulh peng lai. A ram ngeitu Hualngoram Peoples Organisation le CDF-Hualngoram hna zong nih ṭuanvo hung kan laakpiak ding in kan in nawl hna, tiah an cathanh ah an langhter. Credit: The Chin Post, The Lairam Times