CNDF CS Hlun Peter Thang Nih A Chim ning ahcun Falam ralhrang camp hi Laak khawh tuk an si nain
==========
Kan dung cu Laikhua pakhat ah kan ralbawi pawl hmuah hmuah thawn kan tlawng tlang hai. SAC ihsin CDM tuahtu kan ralbawi pakhat in Map (မြေပုံ) tumpi a rak keng ih “AGS, Falam khawsung kan va lak pei” ti ah a lak dan ding ဗျူဟာ le plan a neihmi in ruah ciamco. Falam khawsung kan lak theh veten Tio le Tibual khal an surrender ding thu in ruah.
Kei khal cun tu kan neih mi ralkap le meithal thawn Falam khawsung cu kan la thei ngai ngai kem ti ah cipciar zet in ka rak sut ih, a nih khal in ka suh mi hmuah hmuah parah cipciar zet in in rak sawn sal thei.
Kan lak theh hnu SAC pawl ih reaction a ra mi ah ziang tin kan kham ding ti thu tiang ka sut ih, leilam ral cu kan kham thei ding tiah, lei lam ih position lak dan ding tiang in sim. Kei in “cutin silen vazam in kan khawpi in siatsuah lo ding tin na အာမခံ thei pei maw ti ah ka sut. Cutik ah a nih khal cun khawpi sung in siatsuah cu ka ring lo nan, ka lo အာမခံ thei lo in ti.
Kei in “Ral kan do nak san hi kan mipi pawl hrangah a si ih, ral kan neh ih kan mipi pawl an thi hlo thluh cun um zia a um lo. Tuini tiangah District huap khawpi khuitawk hman EAO, ERO pawl khal in an lak hai lo lai ah kan nih in kan lak len, SAC ih reaction hi ziangtluk a ra ding ti hi thil fiang lo mi a si. Kan ngah ding mi le risk a mil aw lo mi cu thin sau ten hngak a tul. Kan rampi dothleng nak ah kan nih hi main kan si lo ti hi theih a tha” ka ti ruangah, lungsi ten a tlan sal.
CNDF in SAC uico pawl kan do, nunnak thap in kan do, voi 100 lenglo kan kap, sakhan lak sak tum in voi hnih kan bei ih voi khat cu kan hlawh tling. မြို့သိမ်းတိုက်ပွဲ tuah ding khal in kan ralbawi pawl in an man thep thep, an cak thloh thloh. Mahlawng ih စစ်ဦး ကျွံ pang ding ti kan ruah ruangah kan siang hrih lo mi a si.
Unau kan sipam tiah kan ramsungah um ve khal rem kan ti mi kan Unau pawl in kan ram sungum Uiaa pawl khuai terh vek ih in ra terh sak cu mah le unau par lam lam ah thin a heng thluh zik. U le nau khal remawk lo nak thu a suah can a um theu. Cuvek can ah hin neih niam aw tuk lo lawlaw sehla a tha bik theu. Curuangah hi kan unau pawl cun kan ram sung ihsin in rak suahsan hrih phawt sehla a tha vio ding, mah le mah kan tawhawk ban lo nak ah mah le inn te ah um veve sehla a tha zet ding. A tul len kan bawm aw tawn leh sawn ding. Credit: Salai Peter Thang