CNA nih an herh dingmi hriamnam!

CNA nih an herh dingmi hriamnam!
============================
Myanmar ralkap hi minung 500,000 renglo in an i chim, nain expert pawl nih cun 300,000 cung an si lai lo tiah an ti ve. Tulio Myanmar ralkap pawl hi tlangcung hriamtlai pawl caah tih a nun biknak an hriamnam cu vanlawng an i ngeih hi asi ko. Vanlawng hi ngei hlah sehlaw cu tlangcung hriamtlai pawl he ai khingkhang nawn ding khi an si ko. Cucaah tutan ah Civil War chuak sehlaw zeitindah asi lai ti ahcun a vanlawng theo hi tihnung cu asi ko lai. Si ahcun uico ralkap nihhin zei vanlawng dah an ngei timi zoh ta usih.

Raldohnak vanlawng (aircrafts) hi a tha ngaingai mi ai ngeih lem lo nain Russian ser MiG-29 pa 4 ai ngeihmi belte khi cu tih an vun nunnak asi. A dang a ngeihmi pawl cu 1960 in 1970 kar i rak siammi a chia taktak mi, CAC/PAC JF-17 Thunder (7), Nanchang Q-5 (21), Chengdu J-7 (21) le Shenyang J-6 (1), ti pawl a chia taktak mi le a hlun tuk cangmi lawngte an si.

Cucaah kan ralkap CNA zong nih khin biatak tein raldo an i timh i an area chung ah ralkap tei ve an i timh asi ahcun vanlawng kahnak an ngeih a herh ve. Tulio US siammi liangcung chuanmi FIM-92 Stinger (a tang hmanthlak) khi an i ngeih ve a herh. FIM-92 Stinger hi a man ai deng ($38,000) i men 7 huam chung (short-range) a kah khawh i MiG-29 ti lo khi cu Kawl ralkap vanlawng paohpaoh khi cu meng 7 naih in an hun zuam ahcun an kah khawh dih. MiG-29 zong khi mach 2.0 tluk rang in a zuangmi asi i FIM-92 Stinger tu hi cu mach 2.56 tluk rang in a zuangmi asi caah a area chung ahcun a kah khawh thiamthiam ve. Civil War a chuak lai i CDM mino khi hrial an tlaih deuh viar te lai caah ralkap nihhin vanlawng a hman te lai caah $38000 man te lawng asi nain a tha taktak mi FIM-92 Stinger hi CNA, KNU, KIA le TNLA nih an ngeih cu a herh bak ko. Tlangcung hriamtlai pawl caah ralkap an tihnunnak bik pahnihnak an hriamnam tank le artillery kahnak kong ka vun chim than te lai. Credit: Chelsea Bawi