CNA lawng zong raltuk raldo tu an si lo. CDF lawng raltu mi le raldo tu kan si lo ti kan i theih a hau.

CNA lawng zong raltuk raldo tu an si lo. CDF lawng raltu mi le raldo tu kan si lo ti kan i theih a hau.
============
US hi cu zuamcawh sawhsawh ding an rak si lo ee. US milu hi 330 millions hrawng kan si lai an ti. Vawlei cung Mirum vialte US ah an um dih. Elon Musk Net Worth hmenh hi a tam ko. Elon Musk neih mi hi kan then cheu cio seh law, US Minung hi Billionaire lawngte kan si hnga.

Hi ruang ah US cu zeibantuk harnak a ton zong ah Ramdang a bochan bal hna lo. Bawmh nak zong a hal bal hna lo.
Zeitluk in ral a tuk zong ah Ramdang a bochan hna lo. US cu Vawlei Cung Mirum bik an si caah harnak a ton mi vialte a mah tein tuanvo a lak dih.

Chin Miphun cu kan lung rual lo nak nih a kan tei tuk kan ti hnga maw, a si lo ah kei mah ti mi lungput nih dah a kan tei tuk rih hnga? Nihin ah hi tluk in ral doh lio le raltuk lio ah Ramdang um pawl nan chim tam hlah seh, Phaisa na kan kuat zong ah nan Nawl Neih nak kan kua chih hlah uh, raltuk nak kong ah nan duh paoh in ral holh hlah uh, ti a tam ngai.

Mi sawhsawh nih chim hna sehlaw, a poi Ka ti hnga lo. A si nain CDF hruaitu pakhat a si mi hna nih hi bantuk ruahnak lungput kan neih lo le kan chim lo kan tial lo kha a biapi tuk hringhran. CDF lawng raltu mi le raldo tu kan si lo ti kan i theih a hau. CNA lawng zong raltuk raldo tu an si lo. Nihin ah Vawlei Cung ram kip ah a um mi Chin Miphun dihlak ral kan tu tii ral kan do tii ti kan i theih a hau.

Ramdang um mi hna sin ah a herh lo bia tam tuk kan chim sual ahcun kan mah le kan mah kan lam kan i phit te sual lai. US hi Vawlei cung ah ram rum bik an si bantuk in Chin Miphun ramdang phan mi hna chung zong in US chin Miphun hna hi Mirum mi nei an tam bik te lai tiah ka zumh.

Nihin hmenh ah hin Chin Miphun chung in millionaire an tampi men lai, kan theih hna lo mi an tampi kho. Nihin bantuk kan Miphun thilton lio ah hin dollars a ting ting in a chuah kho ding zong an tampi ko lai. Cu hna nih biatak an chuah khawh nak ding caah bia dawh an herh bia thlum an duh, cu caah kei mah lawng ral ka tu kei mah lawng ral ka do ti i ruah lo in.

Chin Miphun Vawlei cung Khua za Ram kip um kan dihlak hmunkhat ah ral kan do tii ral kan tu tii ti hi kan hmur le kan Kaa in chuak cio seh! Cu nih lungrual nak le thazaang chuah tii duh nak lungput le ruahnak a kan pek cio lai. Cu tik ah kan ral zong fawi deuh in le tuan deuh ah tei khawh nak lam a kan pek fawn lai. Credit: Salai Ceu

Lai Pasal RC. Mah pa kong hi TT nihcun rak theih pah cio a si. Pumpak in ai theimi tu cu kan rak si lo. A chungkhat sahlawh zong cu ka thei hna lo. A min tu cu a rak thang hraat, ka rak theih ve. Nihin tiang a “pasal bak,” “ka uar bak” ka timi cu hi pa lawng si rih.

Dohthlennak kongkau ah cun, midang lam cu dai dep uh. Uar tlak pakhat hmanh nan um rih lo. Thli (ပညာတတ်လိုလို စကော်လာလိုလို လေသမားတွေဆို အမုန်းဆုံး, စပဘဲ) a thlah tukmi, interview ai tuah tukmi, laar duh pawl hrim khi cu mi hrawktu lawngte an si. Zoh te uh, khi pawl nih khua an hrawh dih te lai khih!

Khin Nyunt chan ah, ralkap sungṭhoh pawl an rak lor taktak. Cu sungṭhoh pawl nihcun Kawlram mipi zaran vialte thirh viar in rak tuah a si. Zeicahtiah cun, MI senthum nihkhin ralkap sawh Colonel reng khi thi lak in a kah zongah a rian phuah pin dantatnak sang pek a rak si lo cu. Cu tluk cun, huham an rak pek hna.

TT ah Khin Nyunt kuttang pa an rak chiah. Cu pa cu nungak a ngei. A nungak cu Lainu a si. Zan a muih hnu ahkhin a nungak cu a leeng tawn. Pasal RC nih ai bawh ziar i, Kawlpa cu a calpadar ah teng bak a hrilh ko teh. Kawl pawl an lau khawh ning. TT khuasa Kawl pawl cu zaam viar an rak itiim. A rannak i a rak zaam zong cu an rak um.

A kaaptu ho si an rak thei lo. Mak maw! A hnupi lawng ah Lai Pasal RC a si ti theih cio a rak si. “Keimah nih dawh ka rak kah ko khah!” tiah ai cua lo, an taar tale lo. Ituak uh. Tuchan laar duh rual, “keimah nih ka kah” tiah ai cuh ding lawngte nan si men lai. Facebook ah nan hei itaar colh hnga.

A hnu ah a kong ka hal. Ka hawi W sinah ka rak hal. Vei ah a phan le cuti cun a si, tiah a rak ka chimh. Ka lung nuam lo ngai. ka uar bak vemi asi aral atha a nun anem fawn a tu ah achan lio he i tawng seh law a hliam viar men hna lai ti tluk in ka ruah.

Mah tluk in a rak lormi KN le a hnuzul dihlak vabu hlawm in an rak hlawm khawh viar kha a mak ngai ka ti. (anmah le anmah i nawn hi an duh taktak rua lo ti awk in)A kan liamtaak cang 2019 ah si rua ka ti. Laitlang ka va tlawn ah chikhat kan tlawnglengti, hlan an cawlcanghnak pawl cu khuaruahhar an si, an ral a rak tha lawlaw khi si!

KLMyo i amah tein a tuarnak hrawnghrang tiang ka rak theih le ka ngaih chia ngai. Pu Ral Ceu tuanbia hi tial phu te bak a si tiah ka ruah lengmang i a si ve. An unau in Chin ralkap tuan bia ah mi roling an si!! A upa zong Rambo hnak in a pasal deuh ka ti! A tu tiang a kut khat in a dir onh peng rih ko hna!

RC hi cu nung rihsehlaw a mah lawng nih TT rallokap pawl khi cu a thio nak hna a sau cang lai. Mah lio kha Immigration ka tuan lio cu si kaw na van chim cu teh kawlpawl tam ial an rak zaam tak tak.. ပဲခုဣူ ကား pawl deuh lawng lai tlang ah rak um kaw kankaw lei in an rak i chek len ko hna kha mu..RC kha cu ka uar bak ve mi asi..Christ for myanmar Mission ka tuan hnu Than Tlang ah Disable Bomhnak tuah lio ah Thantlang ah kan ii tong le ka ngaih vhia tuk..A mit khua hmu ti lo ii mu.

RC cu 1986 April TT tibing ah ram kan rak riak hna, tibing kan phaak ah thingkung ṭhia nawn saang taktak a hnah pakhat hman a um lomi a parpahlek ah thlanthla (va) a fu, RC khi thlanthla khi na chai khan tla lak na chaih khawh ahcun hika ahhin buuk kan sual hna lai ka ti, Aa tinh aa tinh i thlanthla cu tla lak a chaih ko. Cun cuka ah cun buuk kan sual, a zanlei ah Lian Cham nih kutter ah SAKHI a kah, a thaizing ah PPP nih kutter ah SAZA a kah ve. RC cu CNA a um lio zong ahkhan atu CNF chairman Pu Zing Cung i a bodyguard a si.

Nai i Lungler sakhan an ṭhiam kha a naupa SC nih a hruai hna i amah SC kha sakhan chung a lut hmasa cem si an ti. Mah RC cu hmuh ka duh ning a hmanthlak le a konglam tam deuh in theih ka duh ning. Sungthoh pa an kah ti tiang lawng ka rak theih i a kaptu kong ka theibal ve lo. Credit: Salai C Alexander