CNA/CDF Nih Thantlang Khuami Zaam Uh An kan Ti Lo Dakaw!

CNA/CDF Nih Thantlang Khuami Zaam Uh An kan Ti Lo Dakaw!
===========
“CNA/CDF nih zaam uh an ti hna caah Thantlang khuapi an zam. Cu ruang ah Thantlang khua a ciam dih nak hi asi” atitu kan tampi. Asihrim. Tutan Sui Thantlang nih kan ton mi Tuksapur Tio nak le khuapi ciam nak hi,Vawlei tuanbia ah aum ballo i, a um bal ti lo ding mi asi.

Jerusalem khualipi hmanh hi tlukin a rawk lo i a ciam fawn lo cu tah. Rome Khualipi zong Sui Thantlang tlukin a urhkang lo. Nero SPH nih Krifa a hremhnak hna aruang cu Rome Khualipi mei ah aciam caah asi. Neru cu 666 asi ati tu zong an um.

CNA/CDF nih hin zaam ko uh tiah caa an thanh mi ka hmuh lo i an hmurka in an chimh zong ka theih bak lo. CDM tuah in CNA ah a um mi Kan Farnu pakhat nih, a chung le kha, Ttl khuapi ah ral thawh asi cang lai caah zam uh tiah a ti hna. Cu bia cu an theih cio tikah, zam cio asi tiah, Sui Ttl upa cheukhat nih an ka chimh.

Cu caah Ttl boruak kong ah CNA/CDF sual phawt mi vialte hna, ngawl cang usih. CNA/CDF nih zam uh an ti hrim hna lo.
Dr. Sa Sa nih Meithal an kan cawk piak lai ti zong Pathian duhning asilo caah tlamtlin lo asi tiah, mah kutke to nun cawn nak ah hmang ve cang usih.

Dr. Lian Hmung Sakhong le Dr. Sa Sa sual phawt tu hna zong ngawl cang ko usih. Zeitindah Ralhrang an cihmih in Kan Sui Thantlang kan lak than khawh lai timi lei tuin tan lak deuh cang usih. Thazang Thinlung le Ngeichia dihlak tuin cuka ahcun bungh hnawh cang hna usih.

CNA/CDF, Dr. Lian Hmung Sakhong, Dr. Sa Sa, tbk min in siloin, Amah Pathian min in TEINAK hmuhco nak tu asi tiah lung i sak cio usih!

Mah le Mah I Doh I Thah buin Ral Tei Khawh Asi Lai Maw? Zo Nih MAH hi Thura an pek than hnik rua? ZRA Ralkap pahnih nih PDF- Zoland hruaitu, Cinsiansum (kum 38) cu a inn ah an va thah. CNF/CNA le CDF ah i fonh in pum khat si khawh lo tal ah kanmah le kanmah i dohthat ding asilo.

Paucan Dothlennak dawnkhan tu bik caah MAH Tactics cu Thencheu hi asi. Pumkhat si ter lo hi asi. Kawlram PDF siseh, Chinram CDF, CNDF, CNA siseh, Pengkulh dang PDF siseh pum khat kan si khawh lo, apak pak in mah le Cangai khur cawh cio in kan cawlcang cio. Kanmah hmunhma ah cun Mipi tanhpi nak thawng in ral tei derhhmun ah kan um cio nain, Ralhrang Ralkap a thaw chat khawh ding cu kan si khawh rih lo.

Voi voi khat in kan namh khawh rih hna lo caah Ralhrang Rallokap hi kan tei rih hna lo hi asi. NUG nih hriam tha tha in an kan bawmh zong ah Buu khat in kan namh khawh lo ahcun aa hlei ruam lai lo ti hi philh lo ding. Cu chinchap i Zo pawl nih ZRA le PDF – Zoland, Chin Falam nih CNO/CNDF, Mara nih Mara Army, MNDF (CDF – Maraland ti duh nak), CFA – Chin Federal Army tiah aa cheu dih.

Mara Army cu AA nih Tidan an pe hna i Rakhine ah an um. Chinram ah MAH le Rallokap an doh ve tilo. MNDF/ CDF – Maraland nih Rallokap doh loin an um. PEACE TALK an tuah rua ti awkin thil aum. Dr Sa Sa Khua Lailenpi Rallokap le a pawng Sabawngpi Rallokap cu hnangam lungdeih ngai in khua an sa. A cheu chimh nak ahcun, Mara Pastorte nih kap hlah uh, mipi harsat nak, thihlohnak, tlikzamnak le tio nak asi caah kap lo ding Pastorte nih an duh lo an ti ve.

Chinland ah i za ding asiko lo maw? Maraland le Zoland btk ril fonghlei hi aum awk asi maw? Chinland hlei in LAND aum rih mi hi Terrorist Theory le Ralhrang Political Ideology asi. Chin virus asi te kho mi asi.

Kawlram hmunkip ah Rallokap he i kah in, Dr. Sa Sa khuaram le Peng ah Ralhrang Ralkap he PEACE TALK cu asi te hrim nan si lo. Nan poi tuk khi asi ko. Nan ti tuk lawmmam. Mi dang lawng forh i mah vial i zuk phiar ko khi a lawh ngai ngai. Ral tei duh mi poah nih CNA/ CDF ah i pum khat uh law, Ral sungh a duh mi poah nih i then cheuh ko uh. Hna ngei mi nih theih hna seh. Credit: Joseph R. Thang