Kanpalet peng Cindwe khua ralhrang camp cu, Chin brother aa timi nih AA sawm in an tuk lio March 28. Chindwe khua ralhrang camp hi CDF kanpetlet nih an rak nam len nain an rak la kho bal lo, mah hnuah Chin unau thum timi phu an hun dir i, CDF kanpetlet cheu zong mah hna phu ah cun an lut ve.
Cindwe khua ralhrang cu nam tthan an duh caah AA an sawm hna i, Chindwe khua kiangkap ah AA tlawmpal an phanhnak a thla leng asi nain camp an nam lo.
March thla 12 ah PDF Zoland le CNDF an zapi 30/40 kar cu kanpetlet peng Cindwe khua tukdoh dingah Chinram chaklei in an i thawh i, Cindwe an va phak hnu March 23 in kahdohnak an thok i, Cindwe cu ni 5 chung an kah cang i an la kho rih lo i, kaphnih in a thi zong an um len nain lengah an chuahter lo tiah pawngkam khuami sin in kan theih.
Hi Cindwe camp kahnak minpu tu ahcun Chin brother aa timi hna an si nain mah camp namnak dingah a nawlnei tu bik cu AA an si.a ruang cu AA kha sawmmi an si caah anmah kutah zeizong te an pek dih tiah pawngkam khuami sinin kan theih.
AA nih Chinmi a kan dawttuk ruangah ral a kan tukpi a si maw? Si hlah! Thlanglei Chinram vialte khi an cawleh(sipuazi) tuah tikah zalong tein umkal an duh caah free check Gate tampi ngeih an duh.
Shanram in ritsii an hun phorh i, Bangladesh le Mizoram luhpinak dingah free check Gate kha an duh cemmi a si ko.Chinmi cu Rakhine nih an kan dawt bal maw? AA ral a tuk peng pitu hna PDF le YDF pawl AA nih an pengah ral a va tukpi hna maw? tukpi hlah.
AA nih a duh cemmi hmunhma cu, Sahanram in an hun rat tikah Magwe/Gangaw lei in Thlanglei Chinram rak luhnak le, tlanglei Chinram in Mizoram le Bangladesh ram kar kha thianhhlim i, anmah AA check Gate chiah le umter dih an duh tikha 100% a fiangmi a si ko.