Chinmi (Laimi) tamdeuh cu Trump khi hruhttanh le molhttanh in an ttanh

NH Ling timi hi a thiam ngai ka ti. Trump ttanhtu pawl a tining hna hi a tawite ttung a fiang tuk ttung. A chim bang in Chinmi (Laimi) tamdeuh cu Trump khi hruhttanh le molhttanh in an ttanh. Trump a ttanhtu lakah catiam le a fimdeuh, Khrihfa ttha le a felmi le a piangthar mi pawl cu dai tein an um ko lai. Silole ca an ttial tik le comment an pek tik zongah ralring te le fimkhur tein an ttial lai. Asinan a tamdeuh cathiam lo, fim lem lo, carel bal lo, Khrihfa tha le a fel zong a si lomi, le a piangthar lo deuh pawl cu Biden a ttanhtu kan cungah nan thinhar lai, nan kan huat lai, holh ttha lo le holh dawh lo nan hmang lai, hehtiah nan kan volhpamh lai. Atak te cun Biden a ttanhtu pawl thluachuah nan kan pek a si ko/thluachuah nan kan hampiak bantuk a si ko. Mahti bia ttha lo le thinhar in biachiakha nan chim ruangah nan Khrihfa nun le ziaza a rawk dih i thluachuah hmuh lonak le hmailei nan lamthluan ah lamtluang lonak lawng a miak nan hmuhmi a si ko lai. Mahtluk in nan kan ti nan kan nih cu kan in hua hna lo. Kan in dawt thotho ko hna. Miphun khat cu pei kan si cu kan ti. Nan chungah thlarau ttha lo a lut zong kan hngalh ko i mah ruangah fawh thla zong kan in campiak hnanak a si cu.

Molhttanh le hruhttanh in Trump a ttanhtu tamdeuh pawl khi zoh hna hmanh uh law, a piangthar lomi, a fel lomi, Khrihfa ttha a si lomi, carel bal lo, a fim lem lo, fa le cawnpiak zong a thiam lomi, Bible a rel bal lomi, thla zong a cam bal set lomi, pumhkhawmh zong a fel lomi, thawhhlawm thawh zong a hmang lem lomi, misifak bawmh zong a hmang lem lomi, cawnnak zong a nei lomi deuh pawl an si ko lai. Khrihfa biaknak le cawnpiaknak cu hruhttanh le molhttanh lawng in an ttanh ko lai. Ramdang ummi Trump ttanhtu tamdeuh pawl khi Laitlang an khua cio ah va tlung hna seh law an khua khuabawi ttuanding hmanh ah thim duh lo dingmi lawngte an si lai. Aruang cu Laica hmanh ttha tein ttial thiam lo pawl, Kawlca zong a rel le a holh a thiam lomi pawl lawngte an si caah Laitlang khuate khuabawi ca hmanh ah thim duh lo ding lawngte an si.

Mah bantuk minung pawl nih khin teh Pathian duhmi tuah le biakdan teh an thiam hnga maw ka ti. Keicu ka zum bak hna lo. Pathian duhnak tuah le zulh, biakdan zong an thiam bal lai lo. An i fiang bal lai lo. Aruang cu an fim lo tuk i an chungah thlarau ttha lo a luh ruangah a si ko lai. Hruhttanh le molhttanh in Trump a ttanhtu, Laimi (Chinmi) a tamdeuh pawl, Vancung khua i nan kai ahcun Isarel miphun million 6 leng a rak thattu hna, Adolf Hitler, ISIS le Musalim ralhrang pawl zong an kai ve ko lai. Biden a ttanhtu pawl nih Trump a ttantu pawl, Lai thluak le Lai ruahnak lawng in a nungmi pawl, kan in dawt ko hna ti kha philh hlah u. Credit: Saya Van Tum