Chinlandclub Phaisa kan thawh mi khua zei ah a kal zeitin nan hman ti a tam ngai.

Chinlandclub Phaisa kan thawh mi khua zei ah a kal zeitin nan hman ti a tam ngai. US ramchung Chin Miphun thong 70 hrawng um nak ram ah Chinlandclub caah kum khat ah Minung 1,000 hmenh nih nan thawh lo. Ralkap pakhat nih thlakhat ah 200$ hi a hman ding ah ruah piak a si. Cu caah kum khat ah riantuan mi nih 200$ thawh si seh ti a si. Kum khat ah Minung pakhat nih $5 te hna $10 te hna a thawh mi kan tampi, 200$ tlin nak ding ah Minung pakhat nih $10 kan pek ahcun Minung 20 thawh mi cu Ralkap pakhat thlakhat hman ding lawng a si.

Pastor te zong i ruat cikcek uh khrihfa upa zong i ruat cikcek uh, kan Chin Miphun kan dihlak i ruat cikcek hna uh sih! Kan hmur le kan Kaa lawng in kan chim ding le kan phuan ding a si lo. A tak in kan tuahser nak in kan langhter i kan tuan ding a si. Kan Chin Miphun kan Ralkap hna hi thing le lung bantuk sawhsawh ah maw kan ruah hna. Nun nak a nei mi Minung an si ti hi philh hna hlah uh sih! Miphun le ram sersiam nak le Miphun kilven nak Ram kilven nak ding caah kum khat ah $10 na thawh mi nih Miphun le ram hi a kilven khawh lai tiah na ruat maw?

Nikhat ah $10 hmuh ding lawng in riantuan zungzal law na paw na cawm kho lai maw? Na Inn chungkhar na zohkhenh kho hna lai maw? Kan Miphun le kan Ram hi kan mah kut chung ah um ter kan duh ahcun kan mah nih kan tuan a hau, kan kilven a hau zei dah na tuah khawh mi a si? Na Miphun le na Ram caah? Chinlandclub ah Phaisa na thawh i na lungtlin lo nak vialte hal khawh dih kan si. Credit: Salai Ceu