Chinland Driving School kan thok than cang

Chinland Driving School kan thok than cang
=====================================
Chinland Driving School dawtu hna caan zeimawzat kan hun i din hnak cu Bawipa thawng in kan thok cang lai.
Caan saunawn lungsau tein a ka hngakmi nan cungah ka lawm tuk. Nan i manh caan cio thawngthanh in kan peh than cang hna lai.

Chinland Driving School cu chawhleh chawhhrawlnak ( Business) ca ruah men in si loin dawtnak he pakhat le pakhat i bawmhchanh duhnak he tuanmi a si.

Motor mongh cawnnak ah tam tuk na dih maw? Motor mongh na tih tuk maw? Lam zulhphung kongah na lungre a thei tuk maw? Motor mongh awnnak men siloin thiam taktak na duh maw? Motor mongh cawnpah in Centerlink kong theih le bawmh na herh maw? Motor insurance le khawnden ton sual tikah zeitindah kan tuah lai?

A cunglei hna hi Motor mongh cawnpah in le a herhning in kan i bawmchan hna lai. Bawipa ka lawm tuk. Nunnak le caantha na ka ser piak than. Thank you Lord. Now! Ready to Goooo! Lawmhnak he, Chinland Driving School

Relchap Lo ahcun a pam tuk hringhran, MYANMAR DEPUTY FOREIGN MINISTER AH PU. HAU DO SUAN AN CHIAH. ICJ LE FOREIGN KONG A TLAIH LAI.( A kong lam tawi) December1,2020 ah khan Myanmar President U. Win Myint nih Myanmar Ambassador to UN hlun Pu. Hau Do Suan cu, Deputy Minister of Foreign Cooperation ah a chiah. Pu. Hau hi kan ram Rakhiang State i, Bengali buainak ah khan UN Assembly le International Court of Justice ah Myanmar aiawh in biatak te’in a dirhkamh tu kha asi i, kanmah Chinmi lakah a hmasa bik i Foreign Dy- Minister rank a tlaihmi asi. January 2020 ah ICJ nih thla 4 le -6 vawikhat report pek dingin Myanmar cu bia a khiahpiak ca’ah, March thla ah le a tu 23 November,2020 ah khan Myanmar nih ” Provisional Measures” Report a pek than cang i, a ralaiding 2021Kum thar ah ceihhmai tha’n ding asi.

Hi ICJ he pehtlaih in Myanmar ah a ceihhmai kho tu ding cu Special Expert Pu. Hau Do Suan lawng lawng hi asi ca’ah Urgent Minister Post ah an chiah chungnak asi ti’ah theih asi. Tutan Myanmar nih report a pe mi ah ICJ lei nih cun Rakhiang i Bengali(Rohingya) pawl nan uah duh hna lo pinah Politics Election zongah nan thleidan tha’n hna ti’ah Myanmar Cozah cu an mawh chiat tha’n hoi. Hi kong hi Pu. Hau Do Suan, Dy. Minister nih UNO, ICJ le Foreigns ram pawl ah Lobby tuahin a buaipi cang lai.

Pu. Hau Do Suan hi a Pa.Khaizadal le a Nu. Luanzen te fapa asi i, 11 November,1954 ah Teddim peng Keizang khua ah a chuak. Rangon Arts and Science University (RASU) in BA(His) a dih hnu ah Singapore University in Master of Public Administration(MPA) a dih hnu, 1979 khan Foreign Ministry of Burma ah a lut i, Nupi Cing San Niang( Nwe Nwe Aye Ex- Dy Minister Paukhanthang) he an i nei i, a fapa Mungpi zong US ah Nupi a ngei cang.

Pu. Hau Do Suan hi Myanmar Foreign Ministry ah Director General a rak tuan dih hnu in 2013 ah Myanmar Ambassador to Canada ah a tuan hnu in 14 June,2016 ah Ambassador to UN ah an chiah i, New York ah a um. Cun, 15 February 2017 le 7 February, 2017 ah Maxico le Cuba i Myanmar Ambassador sinak an kemhter chih. 23 October,2018 UN Assembly i Myanmar kong Rohinga an ceih lio ah biatak thlakin Kawlram pi a khamh khawh ca’ah a min a thang ngai ngai. Credit: MC Biklian