China ram nih thawng an thanh mi cu A Mak kho Tuk Cang

Sifahnak kan tei cang an ti
=====================
A cu laklai ah China cu sifah ral kan doh mi kan tei cang tiah puai an tuah. Xi Jinping nih China president a ttuan kum 2012 thok in sifaknak hi China ram ah um lo ding in kan hloh lai tiah target a rak chiah (the goal of eliminating extreme poverty). Cucu 2020 kum dongh lei ah kan itinh ning bantukin sifahnak kan tei cang tiah Xi Jinping nih a thanh i tuzarh cacawn nili ni (25.02.20) ah puai(ceremony) an tuah. Xi Jinping nih vawlei tuanbia ah chinchiah ding mi khuaruahhar thil China ram nih kan ttuanchuah tiah a ti.

Experts cheukhat nih cun China nih sifahnak a tah ning hi a niam tuk deuh an ti. Zeicatiah China tahfung ahcun nikhat ah $ 1.69 a hmu lo mi kha fak piin sifahnak a tuar mi (extreme poverty) ah chiah an si. World Bank nih extreme poverty an tahning ah nikhat $ 1.90 asi ve. Extreme poverty chung ah a um ti lo tiah an thanh mi hmun ah a um mi Lian Yong cu The Economist nih bia an ruah i, “A hmaning te chim ahcun kan umnak hmun sifahnak hmun in a luat cang an ti mi hi cu lih le hlennak asi. Kan thinlung te in thil hman taktak cu kan theih ko e” a ti.

Vawleicung ah superpower asi ve i economy ah US changtu asi mi China nih sifak dirhmun an tahning cu a niam tuk rumro ko (an ram chung thilman umtuning nih lai a rel pah ve lai nain). Ramdang sining he van tahchunh ahcun ningzak khi asi. China nih sifak dirhmun in an tahning cu kumkhat phaisa lut $ 620 asi, Norway phaisa in 5200 kroner hrawng asi. China tahfung cun kumkhat ah 5200 kroner a hmu lo mi lawng kha sifak cazin ah an khumh hna ti nak khi asi. Norway ram nih sifahnak an tahning cu kumkhat income 247000 kroner asi i kumkhat ah 247000 kroner a hmu lo mi kha sifak dirhmun ah chiah asi ve. Ai thlau tuk lawmmam ko. P.S. Kawlram kong kan ruahnak ah kan thinlung a ba tuk ai, thawngpang dang van rel chih pah sih ti bia asi. Ref. BBC News (26.02.21), NRK (26.02.21), The Economist (27.02.21), Sangukceu Zinhlawng