Chin State Constitution Le Chinram Hla

Chin State Constitution le ChinRam hla

Kan chim voihra kan tlawn hranhring.Chin miphun hi, Miphun, ram, nunphung, ca le holh tlingte in anei mi kan si. Miphu hmelchunhnak asimi pangpar, ramsa zong kan nei. Chinram hla kan neih baibai ahau.

National Symbol; Miphun hmelchunh nak ramsa; Vakok tiah cun Chin miphun le Chin miphun he ai neihniam mi poh nih cun Chin miphun hmelchunh nak tiah ruah dih, cohlan dih asi.

Miphun hmelchunh nak pangpar; Chokhlei par tiah cun Chin miphun le Chin miphun he ai neihmi mizei poh nih Chin miphun hna hmelchunhnak pangpar tiah theih dih colh le cohlan dih colh asi.

Ram anei mi miphun hmelchunhnak thantar (flag); Ram a nei mi mipphun kan si caah Asen, arang le a dum cung ah vakok nupa acuang mi thantar (Flag) cu Miphun minchal in dothlennak a tuah mi, le Chin miphun aiawh in a kan uk, akan pen tu Kawl he ai chawn mi Chin National Front nih an hman mi thantar asi. Asen mi raltthatnak, a rangmi thianhlimnak le, adum mi zumhtlak sinak cung ah vakok nupa Chinmi phun hmelchunh nak a cuang mi asi caah Chin miphun poh nih el awk umlo in miphun thantar Chin National Flag ah hmun tampi ah pom asi cang.

Miphun pakhat, ram a nei mi nih an neih mi Miphun hla (National Anthem) bel hi kan hmang kho rih hna lo. Cu caah a tu aralami 2021 Chin Miphunpi ni (Chin National Day) ah cun Chin ram le Vawlei cung Chinmi umnak vialte ah Chin National Anthem kan sak khawh ding abiapi ngaingai.

Hla cu a aw nih mi a kan fun. Cu caah Chin mi nih kau ngai in le sunglawi ngai in kan sak lengmang mi Chin Christian Hlabu (ahlan deuh ah ZBC hla bu rak timi) number 513 Saza Kaw Kaw nih arak phuah mi kha abia tlawmpal te vun remh ah cun Miphun hla (National Anthem) ah sak khawh ding mi asi.

Hlaphuah tu nih Lairam dawtnak le tlaihchan nak in a rak phuah mi asi. Asi na in National Anthem ca phun in a rak timh mi cu asi rualo. National Anthem phun in rak phuah sehlaw ahla bia hi phundang deuh arak si hnga. A aw kal ning cu apical, ni pipa ah hrokual ngai in sak khawh mi asi.

Cu caah a bia tlawmpal te khi remh siseh law, National Anthem ah a um awk asi mi, Chinram adawh nak, Chinram cu kan pipu ro asi nak, Chinmi dihlak lungrua in kilven ahauh nak biafagn tlawmpal vun thlen ah cun National Anthem ah sak khawh ding asi.
Mah hla hi Lai mi nih Laihla bia kan bunh lai, Zomi nih Zomi hlabia an bunh lai, Cho nih Chohlabia an bunh lai etc..etcc. in kan ti ah cun miphun ni pipa ah awkhat in kan sak khawh dih lai.

Miphun Hmelchunhnak pangpar Chokhlei kan nei, miphun hmelchunhnak ramsa Vakok kan nei, Miphun hmelchunh nak thantar kan nei, Miphun le ram anei mi a za along mi miphun poh nih an neih mi Miphun Hla (National Anthem) kan neih ahau. Zeica tiah a rauh hlan ah Chin State Constitution kan ttial lai caah mah cu Chin State Constitution ah khumh ding mi Chin National Anthem kan neih ahau.

Atang ah hin AHME RAM LAITLANG timi hla Saza kawkaw tial mi ka vun thil chih. A bia zeimaw zawn tete vun thlen ah cun Chinram hla asi kho colh ding asi.

AHME RAM LAITLANG: Ahme ram Lai Tlang, tiva atam pangpar atam Fing le tlang kip ah an aw cio in vate an awn. Lawmhnak in hla kan s alai mi vialte

Vanrang atian apau khua vialte Maw Laitlang keimah caah na tha ngai ve ko maw kan khua, khua.T tam hmanh she, kan lawmh cio kan lo kan hmuh tik, An hring fangvoi fang, thlinih a rak hranh tonglawi thong.

Asang kan umnak, zil nih lenghna dai siarmar in Can sa chuak hmanh she, Lairam len a nuam zungzal ko.Ram nuam tlawng hmanh ning, maw chilchial ten lang lai pei tin Khoimaw Lai khua kha lungleng in ka ngai riangmang tawn. Credit: Salai Bawi Lian Mang

Leave a Reply

Your email address will not be published. Required fields are marked *