Chin State Chief Minister Caah Vuanci Pu Soe Htet

Chin State Chief Minister Caah Vuanci Pu Soe Htet
****************************************
Chin state chief Minister caah a ho dah siseh law a ttha lai ti hi Chin mipi nih rua lo awk a tha lo. Keimah ka hmuh ning ahcun atu lio Sipyin Minister a tuan liomi U Soe Htet hi si dingah a tlak bik tiah ka hmuh. Chin miphun hruaitu nih khua thukpi in ruah ah cun si awk hrim a si tiah ka hmuh.(a) Atu ah AA pawlnih Paletwa cu ramri cuh phun in an kan um hnawh lengmang lio a si caah amah nih Chinram Chief Minister a tuan ahcun midang nak in thil tampi a tuah kho dingmi a si.

(b) Amah chief Minister a ttuan ahcun Paletwa mipi thazang thawnnak le lungthawnnak tampi a pek hna lai. (c) Hlanlio democracy chan ah siseh, ralkap uknak chan zong ah siseh Paletwa in Chinram hruaitu a ttuammi an um bal rih lo. Paletwa peng aiawh in Chinram a hruai khotu a ttuan khotu an um lio ah anmah tuan caan hrimhrim a si ti hi ruah lo awk a tha lo. U Soe Htet pa, Pu That Hlaing lawng hi Paletwa peng in Chin affairs council ah Chairman (taba pattih )tiang a rak ttuanbal mi, Democracy chan lio ah Paletwa aiawh in Chinram hruaitu an rak um bal rih lo.

(d) Pu Soe Htet nih a rian a chanmi Isaac Khen le amah lawng hi thim lomi Chinram cozah ah term khat a tuanmi an si. Pu Soe Htet cu Chinram cozah hruaitu a ttuannak experience ngeih cang lawng si loin sianghleirun a kai lio tein Chinmi Uiversity siangaklchia hruai lak ah hruaitu pakhat in aa tel zungzalmi asi, Chin miphun nunphung, thinlung le khuaruahning zong a hngal cia cangmi a si hlei ah Chin miphun a dawmi pakhat a si.(e) Cucaah tutan Chin cozah thar sernak ah U Soe Htet bantuk in chinram I hruaidan a thiam cangmi, rian zong a tuan balmi cang miphun zawn a ruatmi hi hmailei ah Paletwa peng in an har kho men.

(f) Soe Htet apa nih Paletwa peng cu Chinram ah arak luhpi nak chanbia ruah than tik ah Paletwa in Chinram a hruaitu luban an um bal timi hi a herh ngaimi le Chin miphun nih leiba cham ding bantuk in kan ngeimi an si. Atu bantu in fimnkthiamnak le riantunanak experience a ngeimi U Soe Htet bantuk hi Paletwa in an chuak te lai timi hi rak ruah khawh a si lo. Cucaah Chinram le Chin miphun a dawmi le a tlaichantu, U That Hlaing I, fapa, U Soe Htet hi Chin miphun a kan hruaitu dingah atu lio ahcun a tlak bimi a si tiah ka ruah. Zeiruang ah Chief Minister ah a tlak bik timi cu a tanglei ah facts in ka langher lai.

(g) Chin State Hluttaw chungah mipi nih thim lomi ralbawi pa 6 zong an I tel rih caah ralkap pawl a hip khotu ding cu U Soe Htet lawng a si. Ralkap lei rank sang zong atuan bal cangmi a si caah hluttaw chung ralkap pawl nih a bia an ngaih dingmi le an upat dingmi cu vuanci, U Soe Htet hi a si. Cucaah 2021 Chin State Chief Minister thar caah a tlak bikmi cu vuanci U Soe Htet a si tiah ka ruah. Credit: Salai Lairamthang