Chin State caah biatak tein thlacam kan herh!

Chin State caah biatak tein thlacam kan herh! (Midang tampi sinin thil sining ka halmi asi)
============
Kan hnu zarh ah ralhrang truck 52 (ralkap 700) nih CNA Victoria Camp la dingin Kalay leiin an hungkai. Truck 11 tluk le tanks 2 he an thawhter hmasa hna i tianzan ah Taingen ah an riak. Huamsan tein lampi ah bomb an phum maw phum lo tiin an kawl dih.

An lunghrin deuhnak paoh drone an zuanter i khua an ngiat cikcek ter. Cuhmanh ahcun kan kap ngam hna hlah seh tiin khualtlawng motor a laiah an kalter rih. A hmaiah truck 11 le tanks 2 tluk nih ralhma an tawn i bomb le ambush a um dingmi an rak doh hmasa hna i nikhat hnu (tunai ah) ah truck 40 tluk nih an vun zulh colh ve hna.

Tedim peng cu an lawnh rih rua hna lo nain an rak kham kho lai lo i CDF, CNDF le Zoland bantuk caah cun kham kho ding zong cu a fawi lo. Zaan ah cun an kal duh bak lo khuamulak ah ambush an kan tuah sual lai ti ah phang i chun i CDF le CNA pawl nih ambush an tuah ahcun vanlawng cah ding zongin ready tein um dawh an si. Chirhtah bakin kal I him tein an ding hmun phak i timh dawh an si, Kalay in Thantlang hi zarh 2 rauh zongah poi lo ti phun in ralrin tein le fimkhur taktak in kal dawh ah si.

Cucaah, sau an kal khawhnak hnga lo le caansaupi an tap nak hnga thing lian pipi lampi ah hau ding, lam hrawh viar ding, biapi vialte zong chah phawt viar ding, chengbalang zawn paoh ah lungtum hrilh hnawh hna ding. Cun Camp ah a ummi CNA zong nih thapi chuah in rak bawh ve hna i a rem biknak in rak kah viar hna ding.

Tuni thok in ahohmanh lampi ah umkalter ti hna lo ding aruang cu hmaiah zeidah a um tiin mipi (dalaan) kha rak thlah-ngiatter hmasa dingin an vun thlah hrimhrim lai, CDF nih an rak kan bawmh maw timi le lampi ah zei an tuah timi ngiattu an thlah hnasa rih hrimhrim lai.

Camp pawng ah phak hnu cun chim awk um ti lo asi lai caah lampi hrimhrim ah kawmdawm ah canter i zuam hrimhrim hna ding. Laitlang ahcun an tank le miakpi khi sullam ngeiin hman khawh an si lo, lungtum hrilh hnawh hna ahcun a dih viar ko, chengah sawp pet in an ril ko lai.

Thlacaamnak he chawva he i bawm cio hna usih, lungre a theih tuk hi motor 52 a hungkaimi kong ruah ah. Lungre theih damnak caah kan siaherhnak tete kan vun tial cio ve. Bawipa nih Chin miphun hi ralhrang hna kut in kan luatter sehlaw teinak kan pe hram seh!

Ralkap hi rak fimzir tuk timi kha thei uh! Ralhrang hi an rak fimtuk ning le thil an rak ngiat tuk ning cu mu mipi nih zeidah ah celh lo bikmi asi timi dawh an theih tuk le cu bak cu caantha ah an i lak cuh, ngia hmanh u. CDF, PDF le hriamtlai pawl an ti kho ti hna lo i mipi nih celh lo ding bakin mipi zeitindah harnak kan pek hna lai i an celh lai lo i khua an chuahtak lai i CDF, PDF le hriamtlai pawl an mawhchiat hna lai tiin dawh an cawl khi ngia hmanh hna u.

Kawl ralhrang nih an thiam bikmi tactic cu hriamtlai phu pawl ti khawh ti hna lo riangmang i an mipi pawl tu an khua khangh piak i Ralzaam in umter dih hna i hriamtlai phu nih mipi zawnruah ah thin i sum peng dingin le kahdohnak hi hrial lengmang hna seh, timi khi an thiam bikmi asi.

A sullam cu khua an zaamtak ahkhin an i timhmi atlamtling bik lio caan asi tiin voi tamtuk ka tial bal cang khah. Cucaah asi khawh ko ahcun khua hi cu zaam tak lo awk a that ko ahcun zaamtak lo bak hi kei cu ka duhbik ko. Ralhrang cu international ah hmunhma an ngei ti lo i an caah cun sual chinchin lawng ai tang cang.

Ralhrang hi an dirhmun a cak lemlo, ralkap zong hi an i chim ning in an rak tan lo timi a fiangtuk ko cang. an hriamnam zong hi a tha tuk lemlo i, an i phazo bak ti fawn lo. 1950 kum lio hriamnam level lawng khi ralhrang zapi nih an hman khawh mi khi asi.

Cucaah mipi hriamtlai deuh kan herh, khuakhan thiam (ral lei) kan herh, bomb tampi kan herh, lungrual kan herh. Tu i Tayagone hrawng I motor 20 tluk in a ra mi pawl khi an thapi dihlak nawn an si lai, khikhi tei khawh ahcun an thazaang 70% tluk cu a dih nawn lai, Kalay chehvel ah mu. An i phazo ti lo Ralhrang hi timi kha theih i an thapi khi voikhat chah khawh ahcun an thawphet a dawr thai cang hnga. Credit: Chelsea Bawi

European Parliament nih NUG le CRPH Dirkamh ding in Biachahnak a Tuah. October 7 ah European Parliament (EP) tonpumhnak an tuah i “Phungning in Myanmar mipi a aiawhtu NUG le CRPH cu kan cohlan i kan dirkamh,” tiah vote an thlak. EP cu chungtel ram 27 an umnak European Union (EU) i upadi sertu bu pakhat a si. EP ah chungtel palai milu 705 an um.

NUG le CRPH cohlan le cohlan lo kong ah vote an lak i a cohlangtu vote 647, a cohlang lotu vote 2 le vote thlak lo (neutral) in a ummi 31 an si. Myanmar ramchung hmun kip ah SAC nih tuksum nuhrin covo buarnak pehzul in a tuahmi kong ah EP nih fak piin mawhchaitnak le sualphawtnak zong a tuah.

EU chungtel a simi ram 27 hna cu:Croatia, Republic of Cyprus, Czech Republic, Denmark, Estonia, Finland, France, Germany, Greece, Hungary, Ireland, Italy, Latvia, Lithuania, Luxembourg, Malta, Netherlands, Poland, Portugal, Romania, Slovakia, Slovenia, Spain le Sweden hna hi an si.

October 5 zong ah khan French Senate ah NUG cohlan ding in biatung an chuahmi cu zapi hnatlaknak in cohlan a si.
Cun, October 5 thotho ah US Lower House ah SAC fak khun in dantat khawh nakding upadi “Burma Unified through Rigorous Military Accountability Act of 2021″ timi an chuahpi fawn. Credit; The Chin Journal

USA le Geneva Mit Ah NUG A Puitling Lomi Hi Rianrang In Thilh A Herh: PG65. 14 September UNGA ah Mipi kan hlawhtlin tilo. SAC le NUG he cozah cohlan lo ve ve asi. UN Palai cu a ṭhing rinh asi. Biachim can an pe lo. Afghan Cozah Taliban le NUG lawng hi bia chimh nak nawl an pe lomi ansi. Aralai mi UNGA ah, Lairel awk ah, an ṭhial (Postpone). SAC le NUG cozah an si tiah biachahnak he cohlan nak cu cutikah asi ve te lai.

Aruang hi tampi aum kho men. Abikin “DDay thanh a tuan tuk deuh rua” ti hi asi. UNGA Meeting dih hnu ah DDay thanh sisehlaw thil aa ningcang khawh an ti cio.

US, EU, China, Russia le Geneva nih NUG DDay an hna tlakpi lonak aruang hi tuak lo awk a ṭha tilo. Mipi an intuar tuk lai i an rethei tuk lai, Konglam lo le a herh lo ah, Mipi tamtuk an thih sual lai tiah “Humanitarian” timi zawnruahnak ruang ah DDay an cawng lawmh lo hi asibik.

PDF hi mipi humhim tu le khumzual tu si awk ah an puitling rih lo. Mipi safety le Security alak khawh ding mi Ralkap derhmun an phan rih lo an ti. Cozah pakhat tukin athlak khawh mi Thazang, Hriam, experience tbk an ngei rih lo. Civil War ah mipi a thih mi an tamtuk lai ti kha UN le USA nih an phang bik mi asi.

EAOs min in raltuk ahcun UN le USA nih DDay hi lunglawm tein cohlan dawh ansi. Ground level ah cuticun thil asi ve ti lo. UN, EU, Geneva nih cun EAOs Ṭhit hruai nak in CDF / PDF le Mipi nih Ralkap Ralhrang cu namh hna sehlaw, a cihmih kha asi. Geneva nih an duh mi asi.

Hnukir awk ah a si khawh tilo caah, lam (2) i thimh ding aum. EAOs min in maw Ral kan doh lai (or) CDF / PDF maw Ralkap Puitling ah kan sersiam lai?

UN Tahfung Ah NUG Abau I NUG Tahfung ah CDF Abau ve: PG63 Failing to Plan is Planning to Fail. Hi tahfung le Biachahnak (2) hi ka duh ruam lo. Ka lungtlin ti a har ngai te. DDay hnu Ni (11) ah SAC le NUG ral i dohnak kong cu NUG nih an thanh. Lungler camp laknak le Sui Thantlang Boruak aatel ko buin CDF cu 10th nak ah an kan chiah.

An Tahfung hna cu: Sandah piah nak (Voi 350), Mytel Tower telin PDF nih bomh puak nak, Dalaan an thah nak le CDF, PDF le SAC raldohnak voi (333) tbk an si. Times timi a voi tam deuh kha first an pe. Acceleration (Ahmual a fak le fak lo) le Intensity (thihnak le Nunnak kar ah um) asi maw? timi tahfung an hmang lo. Nunnak le thisen thap in Raldoh asi le silo tuak loin, fawi salam tukin le tuaktan loin an tuak ko rua ti awk in.

Nehnu an langhter tikah Raldoh nak lawng in tuak hna seh law ti ka duh. Raldoh nak a mual afak le adintawi mi cung ah hngat in level ṭhen ah a ṭha. DDay timi cu Raldohnak ti asiko (Hmun kip ah 24 hours raldoh asi) caah adang hi cu telh ah aa relrem lo. Telh an duh ahcun adang tein tuak hna seh law, raltuknah he fawn lo ah a ṭha deuh. Hi tluk Ttl khuaci a mui mi (Tukhal le Khua Nupa tiang an kan thah piak), Rangoon nih a tei hi aa dawh cah lemlo. Cuti an duh lo hrat ahcun hi program hi hlawt law law ah a ṭha deuh. Mi lungthin a zaw ter tuk i Kawl Ngian Ṭheu ti kan tla deng.

Ralkap phu hnih ral i doh nak he i lawh loin, terrorists pawl thil tuah he aa lawh tiah, PDF cu Ralkap tling ah cohlan duh loin, USA le UN member tampi nih DDay an cohlan lo hi asi ti zong philh hlah usih.

PDF, CDF dirhmun hi Ralkap tling ah Geneva nih an cohlan duh lo. Tidan kai nak can tawisau, Kai mi tidan phun, Ngeih mi hriamnam, Policy ngeih mi le Code of Conduct, Geneva he pehtlai ning, Geneva law le Human Rights an zulh ning, Institution le OD (Organizational Development) ah strong an si maw, Political Ideology he aa seh chih mi ralkapbu an si maw, tbk he epchunh asi tikah rampi pakhat dohtu Ralkapbu sining le derhmun a tlin deuh lo ti asi. UN mit ah PDF, CDF cu kg a tlin lo ti asi.

Rallokap nih konglam um loin, a buin mino an thah hna, Ngakchia le tar thlu loin an thah hna, Khuanu Khuapa le Kan Tukhal an thah mi hna (Aruang umloin), khuapi le Innlo mei an duah mi tbk vialte hi, Nuhrin covo an buar ti tiang lawng asi. War Crimes, Crimes Against Humanity le Genocide ah an pawm lo. ICC le ICJ ah a phan khawh ding asilo. Aruang cu PDF, CDF dirhmun cuaithlir rih aherh tinak asiko. Standard santer a herh i hriamtling ngei aherh ti le Sanchin hmi Ralkapbu ah CDF, PDF sersiam uh tinak asiko. Zeitintiah Ral tei awk ah NUG le Mipi nih CDF / PDF kutke lawng lawng kanto caah.

September 14-27 tiang tuahmi UNGA ah NUG muisam cu hngalh cio asiko. UN, USA le EU mit ah NUG kg a tlin ve lo. Apuitling mi CDF le NUG sersiam ding in i zuam rih a herh. Kan derthawm nak cu i rem zokzok ko usih, a can a luan rih lo tiah agenda chuahpi tu asi deuh. Soisel asi hrim lo. Credit: Saya Rung Kaw