Chin Ramkulh ah Hriamtlai thar phu 2 a dir mi Update Thar

Chin Ramkulh ah Hriamtlai thar phu 2 a dir!
==========
Chin Ramkulh ah hriamtlai phu thar pahnih Mara National Defense Force (asilo ah Mara Army) timi le Zogam Army timi an dir tiah thawngzamhnak tampi nih an thanh.

MNDF/Mara Army (MA) nih December 13 ah Chin ramkulh ah rak dirh a si cang tiah December 21 nithla khenh in cathanh an chuah. Cun, Chin ramkulh Tedim peng ah Zogam Army (Zoram tinak) dirh a si nak Online ah December 22 ah a hun kai, Department pariat langhter in Kamhau/Sokte ca in tialmi in thanhnak an tuahmi hmuh khawh a si.

Nihin tiang ah Tedim le Tonzang peng lawng ah hriamtlai phu 5, PDF-Zoland, PDA, CDF-Tonzang, CDM Sihzang, Zogam Army hna an um. Cun, India Manipur hrambunh simi le India cozah he kahdaihnak minthu cangmi ZRA (Eastern Command) hi Tedim le Tonzang peng ah an cawlcang tiah theih a si.

Mara kong he pehtlai in, Mara ahhin CDF-Mara zong an um i, Chinland Joint Defense Committee (CJDC) ah chungtel an si. Mara Army bel hi an dirh thawkka a si, cun an cathanh ah an langhtermi a um lo. A dir tharmi hriamtlai phu hnih nih an i timhmi cu miphun himhimnak, Ralhrang Kawl Ralkap le a hawikom vialte cihmih dih le Federal Ramkomh dirh khawhnak ding caah a si tiah an langhter. [Hika ah tling deuh in Mara Army kong rel khawh si.

Chin ramkulh le ramri, Sagaing le Magway ramthen telh in Chin mi bunh in a cawlcangmi hriamtlai phu hi phu 20 tluk deng an si cang tiah theih a si. A bik in, Peng khuapi (township) hna min bunh in cawlcangmi le a pengtlang hawih in dirh in cawlcangmi le a hmunhma huap in cawlcangmi tiah CDF, CNDF, PDF tbk. in an cawlcang. Credit; The Chinland Post

Chin State Chungah Hriamtlai Phu 2 An Chuah Than Cang! Tedim peng le Tonzang peng ah Zogam Army-ZA timi ralkap Phu thar an dirh t’han. Annih hi ZRA hmanmi flag zong hmang loin anmah tein flag zong an vun i ser colh. (ZRA nih zeitin a ti te hna lai dik!)

ZRA nih Tedim peng le Tonzang peng chung cu hriamtlai dang dirh a ngah lo a ti bu ah hriamtlai phu tampi an chuak thluahmah. Atu Tedim-Tonzang chung ah a ummi hriamtlai hna cu: Khirhfabu zong tam hriamtlai zong tam kan si ko lai hi.

CNA/CNF; 1. ZFU/PDF Zoland, 2. HPO/CDF Hualngoram, 3. CDF Tonzang, 4. CDM Siyin, 5. PDA Tedim, 6. Zo Defense Force, 7. Zomi PDF (annih hi Kalay kabaw cawlcaangmi an si), 8. PDF Ciimnuai, 9 Zogam Army-ZA, 10. ZRA EC/ZNV.

PDF Zoland hi CNF aa telnak CJDC ah chungtel an si. CDF Tonzang hi CNA he direct an i Pehtlai ko. CDM Siyin zong khi CNA he an i pehtlai ngai. Adang tu khi cu CNF he an i pehtlai theih si rih lo. An tamtuk luakchuak. A herh ti lo e. Minung 20 hrawnghrang lawng an si cio fawn hna.

ZA cu Zogam caah a si Lai tiah % ka ruah ZRA cu Min Aung Hline bawm tu BGF phunkhat bantuk an si caah Min Aung Hline a doh tu paoh cu an doh ve ko lai. Chinram ah chim lo Myone pakhat ah Phu thar achuak than mu. Ahohmanh hi zeihmanh asilailo.

“Mara Army” ti in Chinram chung ah hriamtlai bu thar an rak dirh than ve. Chin ramkulh chungah “Mara Army” timi hriamtlai bu thar dirh a sinak cu Facebook page in December 21 ah an thanh. Mara Army hi Arakan Army (AA) hriamtlai phu Tun Myat Naing hruaimi sin ah training an kai mi an si hna, tiah thawngpang theih a si.

Mara Army (MNDF); Mara National Defense Force an si. Annih hi Paletwa peng AA (Rakhine) sin ah Training a kaimi an si. Chin state chungum Maraland caah ral kan do lai a ti mi an si.

ZRA cu CNA He 2004 Kum April Lio ah Camp Victoria Ah Tonnak An Rak Ngeih! ZRA cu CNA he 2004 kum April lio ah Camp Victoria ah tonnak an rak ngeih. 1999-2000 lio hrawng ah buainak rak ngeih mi kha remnak rak tuah a si. CNC zong ah rak ṭuan ṭi a rak si. CNA ralkap he tonnak tuah ding in an rak sawm hna.

Si na tein Lt. Kam Do Dal le Sgt. Suan Do Hen an rak thah hna. Cu caah zumh tlak an si lo caah ton nak zong tuah a heth lo ti ah ka ruah. Cu caah fim cuh in tonnak tuah ter awk ah nan va ti mi nang mah le nang mah kha i zoh in i ruat hmasa.

2000 lio ah CNA nih phu hlam kan rak duh na tein cung lei le leng lei nih rem daihnak an duh caah kah an rak thloh. Cu caah rem daihnak tuah ding cu a si kho ti lo. An tuah zong ah an mah zia cu a chuak ṭhan ko lai.

CNF nih CNC min tangin tuanti dingin an rak sawm peng ko hna. Chikhat cu a tuan zong an rak tuanti tak ko. Nain a tu i catialtu a chim bang hin tuanti awk an tha lo. A biapi cu ZRA nih Chinram caah zei policy hmanh a ngeih lo caah CNF lawnghmanh si loin Chin paohpaoh he cun a zei ti hmanh in an ikawp kho lai lo.

ZRA le SAC Tonnak an Ngeih caah kan Kah hna tiah CNF nih Chim; Tedim peng chung ah a cangmi Zomi Revolutionary Army (ZRA) le CNA hruaimi mipi ralkap bu karlak kahdohnak kong he pehtlai in “ZRA le SAC ralhrang karlak ton biaruahnak an ngeih caah kan kah hmasami hna a si,” tiah CNF chimnak nawlngei Salai Htet Ni nih Myanmar Now ah a chim.

December 17 zinglei ah Tedim he meng 20 hrawng a hlatnak Gawsing khuate ah ZRA le CNF hruaimi mipi ralkap bu karlak ah kahdohnak a chuak i khuami pahnih hliamhma an rak pu tiah khuami nih an chim. Cu kong he pehtlai cun Salai Htet Ni nih, “Aruang bik cu SAC he ton biaruahnak an ngeih caah a si. Cucahcun, i runvennak ca ah kan kah hmasami hna a si,” tiah a chim.

Aluancia thla chung ah ZRA nih Tedim peng chung i PDF sakhaan hmun 3 ah luh hnawhnak an tuah i, an sakhaan hrawhpiaknak tibantuk an tuah pin ah December 5 PDF-Zoland i an hruaitu pakhat a simi Pu Cin Sian Suan zong a inn ah meithal in an rak kah.

“Rialdip ralkap uknak ahram chah ding in kan doh cuahmah lio ah atu bantuk i an (ZRA) rianttuannak hi kan duh lo ngai. A si awk zong a si lo. SAC le ZRA hi an ttang tti ngaingai cang maw timi zong theih a har ngai,” tiah Salai Htet Ni nih a chim chap. Credit: The Chin Journal