Chin Ram kilvengtu CNF/CNA

Chin Ram kilvengtu CNF/CNA (Part II)
========
(Pengtlang nawlngeihnak le thawnnak nak in Chinram nawl ngeihnak le thawnnak hi kan duhdeuh awk a si.). Lahri hmanh tampifawnh ah cun Cakei thilak in a awkkho ti a si I, lahri bantuk pengtlang kipThazang thawng sehlaw, Chinram thazang thawn chinchin ding si na in, pengtlang thazang thongin, Chinram thazangdertertu si hi cu a rakpoi ko.

CDF Halkha le CDF senthang/ CDF ThanTlang le CDF Zophei/CDF LauTu le CDF MaRa/CDF Zoland le ZRA ti bantuk in chin mi phun kar ah pakhat le pakhat I hmuhthiam lo nak thongtheih hi Chin miphun caah ngeih chiat ngai a rak si.

Cu caah peng/tlang dirh in thazang thawng seh kan ti mi hi Chinram thazang dertertu a si sual hnga maw ti hi zohthan a hau, Pengtlang thazang thongseh kan ti mi nih hin Chinram hmailei chin miphun caah zeipi pa thathnem nak chuahpi ding ka hmu hrim hrim lo. Kan tha zang dih mi le remlonak i hmuh thiamlo nak tu hi kan I hlawk mi si te ko lai.

Dohthlen nak tuah mi vawlei cung tuanbia kan rel tik ah meithal tlaih in a thencheu mi pawl hna khi raltei cu chimhlah, zeipipa thathnemnak an chuahpi lo pin ah a dongnak ah cun mipi raltu ah an cang theutawn. Hmunkhat te ah dirti in dohthlennak tuah mi lawng nih teinak an hmuh ti hi kan hmuh.

Ka chimduhnak cu Meithal tlaih ti mi hi duhlonak va langhter I sandahpiah bantuk si loin phungphai tang ah thatein thutum a herh mi a si caah Miphun ral kap ca le Mipi caah tih a rak nung ko. A tu kan dohthlennak hi hlanlio kan pu kan pa peng khat le peng khat, khua khat le khuakhat ralpi ralte doh bantuk kha a si ti lo ti hi kan I fian a hau. Fimthiamnak a sang chin chin bantuk in ruahnak zong a kau chin chin ding a herh.

A te nau tuk mi thilpi pa a chuah kholo ding mi napeng kapeng /na phun kaphun /na biaknak ka biak nak ti bantuk thleidannak le namnehnak lungthin le ruahnak ah buailen hi cu kaltak in kan chin ram sersiam can a cu cang. Ramchung ramleng fimthiam nak lei ah cawnnak sang sang le thazang chuahkhotu mirum kan nin ngeih mi hna, dohthlennak nih kan chin miphun Pengtlang in siseh, miphun in siseh thencheunak lam lei kan panhcang mi hi lung si vang in nan um theu lai.

Pengtlang thazang thawnnak ca rian kan tuan hi cu zeipi pa a chuah kho hrim hrim lo pin ah thencheunak le sungzatlak nak lam lei ah a phante hnga ding mi dirhmun a si caah CNF/A tuhi thazang kan thawnter a herh tiah ka hmuh. Pengtlang Miphun ralkap zong nih CNF/CNA ah lut law law in phungphai tangte ah training zong thate tuah khawh/hriamnam zong thate in I tlaih hnu ah ralram kan kal ah cun kan him deuh pin ah suallam tam pi a ngei lai. Pengtlang nawlngeinak le Pengtlang minthatnak nak in Chin ram nawl ngeihnak le Chin ram minthatnak tuhi kan duhdeuh awk a si.

CNF/CNA cu chin ram caah nunnak pe mi an rak si bantuk in hmailei zong ah pehzulh in ram caah nunnak pek in riantuan hnga ding mi an si pin ah Upa lungfim nih zulhphung tang ah an thithruai hna I thate in training pek mi an si. Cu caah cun Pengtlang ralkap hi cu a um lo zong ah zeihmanh a poinak a um lo. An I thithruainak zong ah hin upa lungfim an tlawm, mino lawngte an sitik ah pakhat le pakhat nawl ngeih zong hi a harko lai ti cu kan tawn mi thilcung hin fiang tein kan hmuh khawh.

Cu caah cun CNF/CNA tu hi thazang thawngter chin chin ding ah Chin mi a si mi paoh paoh nih rian kan ngei. Hnu lei can bantuk in hmailei can zong ah Kan Chinram kilveng tu ding tak tak le Miphun Ralkap cu CNF/CNA hi an si. Credit: Hrangtin Thang