Chin pa Coronavirus na ngei an ti i an hlonh khoika um ti thei asi lo

Tuluk ram ah riantuan in a um mi Chinpa pakhat cu a rianttuannak apu (Boss) nih tulio zawtnak tihnung a ngei tiah a ruah ruang ah ramlak ah a hlonh tiah theih asi.
A konglam hi a mah a Unu hrimhrim nih thlacam cahnak he a tarlangh hnu ah midang zong nih an hmuh cio hi a si i China ram ah a um mi a hawile pawl nih an buaipi cuahmah lio a si tiah an chim. Atu bantuk in hlonh a tong mi hi a min ah Vanlalmawi a si tiah an chim.
Hi kong he pehtlai in an langhter ning ah ” Vanlalmawia hi China ram, Weihai Shandong ah rianttuan in a um mi a si. February 7 in khan taksa nuam lo bantuk in a um i a thawchuah a har deuh, a hrawm ah thil pakhat khat nih kham sehlaw cu bantuk phun cu a thawchuah zong a har. A hmasa ahcun a rianttuan nak in Sizung ah an kal pi i a sining zong a ttha deuh ngai nain Febuary 13, chun suimilam 2pm hrawng ah a rianttuannak a pu le nih cun motor in an phorh i ramlak, mizei hmanh an um lonak hmun ah a hlonh. Hi an hlonh tlawmpal ah phone in kan chawnh i innchia ngai mi, Zuunput chung ah ka um ko tiah a chim, a si nain a hnubik kan chawnh ahcun Inn a tthing ngai cang mi, mizei hmanh an um ti lonak ah ka um ko tiah an kan chimh tthan” tiah a Unu nih cun a chim.
A umnak hmun a chimh ko hna nain fiang in an theih kho ngai ngai rih lo, cu pin ah phone zong an chawn tthan kho ti lo. A tu hi a hawile pawl nih an buaipi i an kawl cuahmah lio a si tiah an chim fawn.
Hi kong hi a mah a farnu nih thlacam cahnak he a tarlangh chih mi a si i a chim ning ahcun nizaan ah tu bantuk in ramlak ah hlonh a ton hi a si. A tu zong a hawile pawl nih an va kawl lio a si ti a si nain an hmuh thawng theih a si rih. Thlacamnak he bawm cio hna usih.

 

Leave a Reply

Your email address will not be published. Required fields are marked *