Matupi Mino 4 Cu Mizoram Ah An Tlaih Hna
=========
Chin ramkulh, Matupi peng in mino 4 hna cu a luancia July 12 ah India, Mizoram ramkulh, Lawngtlai khuapi in Chin ram lei a tlun lio ah Assam ralkap nih Zawngling khua ah an tlaih hna, tiah theih a si.
Khualtlawng mino pakhat nih tangka tam ngai aa kenmi cu Assam ralkap nih an check hna lio ah an hmuh i, an phone zong an check piak hna hnu ah atu bantuk in an tlaih hna hi si, tiah theih a si. Tlaihkhih a tongmi mino hna cu kum 20 leng an si hna i khoika hmun an phak zong fiangte in theih khawh an si rih lo, tiah an chungkhar hna sin theih chih a si.
East Lairam thlanglei Matupi pengmi mino 4 hna cu, Mizoram in East Lairam lei an kai pah 2023 Chiapa 13 ah Siaha District Tuipang ah Assam Rifles nih an tlaih hna. ”Kan mino pali an tlaih hna nak kong hi Online chung lawng ah kan hmuh, Lawngtlai i a ummi cu an si lo, Aizawl lei i a ummi an si men lai. =
East Lairam Mino 4 An Tlaih Hna, East Lairam thlanglei Matupi pengmi mino 4 hna cu, Mizoram in East Lairam lei an kai pah 2023 Chiapa 13 ah Siaha District Tuipang ah Assam Rifles nih an tlaih hna. An lakah tangka tamnawn aa kenmi cu Assam Rifles nih an zohfelnak hna ah an hmuh caah an tlaih hna.
The Lairam Times nih thawng kan don ning ah cun ” Kan mino pali an tlaih hna nak kong hi Online chung lawng ah kan hmuh, Lawngtlai i a ummi cu an si lo, Aizawl lei i a ummi an si men lai khoika an um i, khoika in an i thawh kan hngal lo, ho an si an min fianghlang in kan thei rih lo, khoika an chiah hna zong kan thei lo” tiah MCRC in hruaitu pakhat nih a chim.
Kanpetlet Khuachung Ah Kahdohnak A Chuak; SAC Ralhrang Hliamtuar Mi An Tam. July 13 chun suimilam 12:30 ah Kanpetlet khua chung umhmunkhuar SAC ralhrang hna cu CDF-Kanpetlet nih hriamngan in an kah hna caah ralhrang hliamtuar an tam tiah kan theih. Mah ni lila zanlei suimilam 2 tluk ah neih tein CDF-Mindat nih an va kah than hna caah ralhrang lei nih hriamngan in an lehrul hna.
“Ralhrang hna nih mipi an kah hna pin facang zong hramhram in an lak piak hna, khua chungah umkal zong an rengh caah kan mahser mi hriamngan le Rock Ject Bom in kan va kah hna i an sakhan chungah voi 5 hrawng a tla, hliamtuar zongan um, kan mah lei cu kan him” tiah CDF-Kanpetlet tuanvo ngeitu pakhat nih a chim.
Kanpetlet khua lei ah rallam sial pah in a ra mi ralhrang 100 tluk cu Lay-kyi-ai khua an phan caah khua mi hna cu ramlak an zam hna. Longshe khua in Cindwei khua lei ah riahcaw chan dingin a kal mi ralhrang hna zong CDF-Kanpetlet nih an kah hna caah a tu lio ah kahdohnak a fah ngai, kahdohnak pawngkam khuate cheukhat zong an zam hna.
“SAC ralhrang hna cu Kanpetlet khua lut dingin phu 2 ah rallam an rak sial caah July 13 ni zongah raltuk vanlawng nih voi 5 an kan hel ” tiah Kanpetlet khuami hna nih an chim. Kanpetlet peng chung ah SAC ralhrang rallam sial ruangah ralzam an karh i caan karlak hmanding thilri bawmh an herh tiah Kanpetlet peng mipi ukhruainak tuanvo ngeitu pakhat nih a chim.
CDF-Mindat Nih SAC Ralhrang Gate An Kah Ralhrang 2 An Thi. July 13 zinglei ah Mindat khua lutlai SAC ralhrang gate cu CDF-Mindat nih an kah hna caah ralhrang 2 an thi i hliam tuar zong an um tiah CDF-Mindat nih thanhca an chuah. Zing suimilam 6:00 in 7:30 kar ah Mindat khua Khah-lah-yah (ခလရ) 274 luhnak gate le suimilam 10:47 in 11:20 tiang ralhrang gate hngah nak pakhat tiin an kah hna hi a si.
Kalay Khuachung SAC Ralhrang Hriamngan Kahmi Ruangah Lal Tha Lian Le An Nu An Thi; Kum 3 An Fa Hliamtuar. Kalay myo khuachung in SAC ralhrang nih hriamngan an kah mi cu Kalaymyo peng Cicai khua ah a tlak caah Lal Tha Lian (kum 26) le an nu Lal Pek Hlu (24) an nunnak a liam pin ah an fa kum 3 mi hliam a tuar tiah kan theih.
July 13 zan suimilam 8 tluk ah Cicai khua luhka um inn pakhat ah a tlak hi a si. Hriamngan a tlak nak inn kutka pawng um mi nu pakhat zong hliam a tuar. Mahzan ah ralhrang nih Cicai khua lei ah Bom voi 8 an thlak. Mah pin ah Kalaymyo peng Senkan khua ah Bom 2 a tla i minung 3 hliam an tuar, cun Sadaw khua zongah ralhrang hriamngan a tla than i inn rawk le minung hliamtuar an um lo tiah kan theih. Credit: Lungmili Media