Chin mino hna ralkap ah lut u ti cu a fawi te hriam tlaihding zeitin dah kan zalh piak khawh hna lai!

Chin mino hna ralkap ah lut u ti cu a fawi te hriam tlaihding zeitin dah kan zalh piak khawh hna lai!
=============
Chin mino hna ralkap ah lut u ti cu a fawi te hriam tlaihding zeitin dah kan zalh piak khawh hna lai tihi a biapi bik mi cu a si ko cang! Zahan sakhan pakhat an lak ah Khan an kuan dih cang rua tu kha vaurawng nih van long kahnak an cawk mi kha vun hnok deuh tuah hna kei pu hmun ka vun nor ve lai.

Hriamnam ttha ngeih ttung lo in hriamnam tlamtling a ngeimi Kawl ralkap dironh lengmang hi kut lawng in Pawpi dironh bantuk a si. PDF ah aa telmi mino pawl I an nu an pa ca ah cun lungrethei in zan khua an dei zungzal lai. Cu ca ah CDF pawl hi a ran khawh chung in hriamnam zalh piak an herh. Hriamnam zalh piak khawh ttung lo ahcun forh len awk an si lo.

Bawipa minunh hna thazang i pek le i forhfial hi a biapi tuk ve ko. Thinlung hi a biapi bik mi a si. Hriamnam cu a bawm tu men a si ko. Bawipa thawnnak thawngin mithawng bantuk In kan cuang theu tawn ko. Israel mi hna nih cun hriamnam In si loin an thinlung zumhnak thawnnak thawngin teinak an hmuh zungzal tawn ko. Thazang chuah chin ko u si kan thazang a kai chin leng mang ko hi zawr lei kan si lo caah bei sei ngai ko hi!

Ka miphun unau asi mi Thantlang khuami hna, Thantlang khuapi in nun himnak duhah nan chuahtak mi kha Thantlang a rawk, a tlau, a tlu tiah maw ruat lai ucih. Ralhrang nih cun Thantlang khuachung i inn le lo long kha an hrawh khawh lai.

Asinain khi Inn le lo a sersiam tu mipi kan thinlung cu an hrawh khawh lo caah a tu rawk hmanh sehlaw thazing ah a rawkmi nakin a let in aa dawhdeuh mi le a ţha deuhmi inn le lo cu Thantlang khuapi ah a dirţhan zau lai. A biapi mi cu kan thinlung a rawhlo le a donghlo kha asi.

A rawk cikcek mi Jerusalem ralhau kulhnak Vampang pi le Jerusalem khuapi a remţhantu le a parter ţhantu cu Israel mipi hna thinlung kha asi. Nihin na aihram nak hi thaizang lawmhnak asi telai, nihin na temtuarnak hi thaizing na hnangamnak asi telai. Cu ni le caan cu Pathian nih kan miphun runvengtu CNA/CDF kut ah a chiah cang. Teinak cu harnak pinlei ah a um.