Chin/ Lai miphun hi mi sawsawh cu kan rak si bak lo ti hi kai fiang chin lengmang.

Chin/ Lai miphun hi mi sawsawh cu kan rak si bak lo ti hi kai fiang chin lengmang. Kan ram a that lo ruang le kan nunhar deuh ruang ah kan pahrang tak a rak lang kho hna lo. Fimnak, pumrua muisam, Zaangleknak, Ringawn tum, Hlasak , tbk ah kan laimi chung in a rak za mi an tam tuk hna.

Pathian dawtnak thawng in ram thumnak, hmunkip ah Chin miphun kan umlonak a um tuk ti lo. Kan fa, kan nau hna caah opportunity / Chance tha tuk an nei kho cang hna. Tahchunhnak ah Lailei um lio ahkhan cun Pumpululh chuihthiam an si ah, Tennis celh thiam an si ah, Ca thiam mi an si ah opportunity an rak nei kho hna lo, cu cu kan ram chiat tuk ruang ah sungh dih cikcek a rak si.

Kan Chin/ Lai miphun chung i fa nau le vialte sin ah langhter ka duh mi cu, caan tha tuk na nei ti hi si. Pathian bochan bu le zuamnak tak he na pahrang kha na kal pi khawh ahcun nikhat khat ahcun teinak lianpi na co hrimhrim lai. Kan naupa Tial Cung Thang zong hi Pathian ai bochan, a tuah mi ah ai biatak, atu ahcun kan lai miphun lawng si loin vawlei pi nih Tial Thang ti an theih ve cang, a sunglawi tuk hringhran. Kan fanau hna zong nih “Tinh Mi” tak nan ngeih hau ve, cu nan i tinh mi, nan dream cu a tlin khawhnak ding ah Pathian bochan bu le zuamnak tak he na kal ciahmah ko ahcun cu na dream pi cu a tling hrimhrim lai. Hmailei zong ah kan miphun cawisang tu le bochantlak mino tampi chuak hram ko u ti hi ka saduhthah a si zungzal! Note.Mah ca hi Tial “The Dragon Leg” Thang lawmhpinak le ram thumnak um fanau hna thazaang peknak caah tiin ka tial mi si. Credit: Van Lian Hum