Central cozah cii le daal a bawhmi Mizo pawl Khrihfa min hi nan i bunh sawhsawh i a si ko!!

Central cozah cii le daal a bawhmi Mizo pawl
================================
Central cozah cii le daal a bawhmi Mizo pawl hi cu… Khrihfa min hi nan/an ibunh sawhsawh i a si ko. An/nan mah hmuhtheihnak (corrupt) ding a umlo ahcun thiltha tuah a duhlo bakmi nan/an si. Mizo Singer vialte USA/Ausi le Europe i a cahtu le a autu bik hi Chinmi kan si. Mizo le Lai thleidannak ngaingai kan ngei lemlo.

Nain Mizo cu nan/an si lo. Khrihfa zirtiang in nan um. Chin ralzam Mizoram an luh hlan piin Drug le corruption cu kham khawhlo peng a si ko. Mizoram i drug cartel pawl khi Tahan hrawng Mizo bak an si fawn ko. Hi tluk kan ram buai lio i kan unau tiin kan hei in bochan hna nain voikhat thil ah ramri nan kan phih kanh ko.

Nan bia thinlung he Laimi zeizatdah nan kan thah cang? Drug le corruption nan doh nain nan mah lila nih nan tuah ko. Mizo thukhat cawi ho he hin cun hmunkhat khuasak itimh ding a rak si lo. Chinmi nih lungfimnak ah hmang usih. Crd-Dkung Hrangtlung

Sangau Sub Hqrs YLA lei thil tuah ning hi cu hei chim sau lo rih phawt u sih law. CDF lei nih hin, ziah an i chonh ning te cun Pangkhua cu an kaipi loh aw ka ti a si, YLA lei nih an duh cem mi cu, Mizoram lei an tlaih mi he an bia a kalh maw kalh lo, ho dah a zungpi si ti hei thei hngal kha a si ko le. Tipi an phan khawh cun Pangkhua hna cu hei kal a har mi zong a si trung loh.

Cun, CDF lei nih tipi kai an i har sat a si cun, zei ruangah dah Pangkhua kai an i lungsak deuh nak cu si hnga ti hna fiang te in YLA lei sinah hin thawng an thanh loh maw si hnga kan va hngal ti trung loh le. A thra cem ding i ka ruah mi cu, a hmat khawh nakin CDF lei kan nu le pa le, YLA sangau lei nih i biak nak tha te an kalpi a si ko. Mizoram lei zapi lungthin ah tu ah hin Ruahnak si lo lo a ser pah ko cang rua ti thawngpang a karh liu ah mah bantuk thawngpang hngalh cu ngaih a chia i, lung a fak ko.

Sangau YLA le cdf bu bia an i kamh bantukin ,CDF kan unau le nih hin rit haisi a petu hi pangkhuaah hin vankai pi hna selaw,tha tein bia an hal la le,hniarhnawk lo te in an i khirh athan ding a siko nain Cdf bu nih sangau YLA he biakam an zul lo ruangah vailampi hi phihkhar a siko.U le nau tichak le tithlang kan si.Bia kan i kamh ah cun i hlengrawi lo le lih chimlo te in kan bia zul u si law,dai te in kan umko hnga i , u le nau kan i dawt nak le,zangfah nak hi a fek chin lengmang ko hnga.

Hngakchia khuaruah he aa lo, Rithaisii hi Chin ram in Chin mi aiawh in luhter a si lo i CDF,CNA zong nih an tuahter mihna asi loh, unau phunkhat cungah a cangmi le ţhatlonak a tuahmi pa/nu kha dan ningin tawlrel in va bawmhchanhnak a tuahtu CDF,CNA sin tuah lawmh ding le nawlpat ding asi deuh, khi Rithaisii a tuahtu hna khi Mizo ram ah a zuartu le a karhter tu umhna hlah sehlaw hika leiin an luhpi nakding sullam a umloh, dawtnak le unau khat sinah in rianţuanţinak ah i tisan tuk le i uahtuk le mi tangthlak in rianţuan cu pacang lungput asi loh.

Pakokku Thonginn Ah Mindat Khua In Tlaih A Tongmi 70 Leng An Chiah Hna, Magway ramṭhen, Pakokku thonginn ah Mindat peng in tlaih a tongmi 70 leng cu an chiah hna, cu chung ah thih hlan lo thong tla ding zong an i tel, tiah theih a si. Mindat peng cu SAC ralkap nih martial law an chiahnak a si i, Pakokko thonginn ah an chiahmi hna cu Mindat SAC ralkap biaceih zung nih bia an khiah piak hna i Pokokku ah an kuat hna.

“Pakokku thonginn ah a ummi chung in Mindat peng in a rak phanmi hi 70 an si. A luancia zarh zong ah 10 an rak phan chap. Thong tlami hna chung ah kum upa hna zong an i tel. A tlawm bik dan an tatmi hna hi rianhrang ṭuan le thong kum 3 tla ding an si,” tiah thonginn he naihniam mi sin in theih a si. Ralkap uknak tang in biaceih khawhmi sualnak hna cu SAC nih nawlpeknak(order) No. 3/2021 in 2021 March 15 ah cathanh an rak chuah.

Cu cathanh an chuahmi chung ah rampi rawiphiarnak, dohnak, cozah hlimhang thlaknak, ralkap rianṭuan dohkalhnak, ralkap sin rianṭuantu thlauhnak, Yazatatkyi section 505, zung rianṭuantu pakhat khat cu sual tuah ding in lemnak, a dik lomi thawngzamhnak hna aa tel, tiah theih a si.

Sezin Khua Kahdohnak Ah Tualchung Mi 18 Cu KIA Le PDF Nih An Chanhchuah Khawh Hna, Kachin ramkulh, Hpakant peng, Sezin khuate ah SAC ralkap sakhan pakhat cu nizan August 8 ah KIA le PDF nih an laak khawh. Cu sakhan ah a ummi, SAC nih an tlaihmi minung 18 cu an chanhchuah khawh hna, tiah tualchung mi hna nih a chim. Sezin khuate um SAC ralkap sakhan pakhat le Humalin peng ramri um Shwepyimyint(ရွှေပြည်မြင့်) khuate pawng ummi, Shan tapung(SNA) sakhan pakhnih cu KIA le PDF nih an laak khawh, tiah theih a si.

Tualchung mi pakhat nih, “July 20 le 23 lio ah SAC ralkap le SNA ṭangrual phu hna nih an rak tlaihmi tualchung mi 18 cu an va khamh khawh hna. Cun, an sakhan zong an laak,” tiah a chim. Sezin khuate ahhin a luancia July 16 in kahdohnak a chuak i, July 21 ah tualchung mi ral an hrial khawh nakhnga kahdohnak an rak ngol chung. Kahdohnak ruang ah Sezin khuami 2000 leng cu Ṭamakhan, Moehngin le Humalin peng ah an zaam, tiah theih a si.

Monywa PDF Sakhan Pakhat Cu SAC Ralkap Nih An Laak, Khuami Pathum An Thah Hna!: Sagaing ramṭhen, Monywa peng Tapepin khuate komh PDF sakhan pakhat cu, SAC ralkap nih August 8 zinglei ah an laak, tiah tualchung mi hna sin in theih a si. Zing suimilam 6:00 hrawng ah Monywa Economics Sianghleirun ah umhmun khuarmi SAC ralkap 40 hrawng cu Kaingtaw(ကိုင်းတော) khua ah an kal i, lakphakti dawr ah lakphakti a ding lio mi pa pakhat cu an tlaih. Cu hnu ah Tapepin PDF sakhan cu an va laak.

Tualchung mi pakhat nih, “Kaingtaw in Tapepin khua lei ah SAC ralkap cu an ra i, PDF sakhan pakhat cu an khangh dih,” tiah a chim. SAC ralkap nih 40 mm lung thum in an kah hnu ah PDF sakhan cu mei in an khangh dih, tiah theih a si. Cu pinah an kut an ṭemmi pa pahnih le khual pa pakhat cu an lu ah an tuk chih hna i, an thah beh hna. An ruak cu an phum hna, tiah Monywa thawngpang fiantertu phu nih cathanh an chuah.

Institute of Chin Affairs(ICA) Nih Myanmar Ralzaam Thiamhlei Panga Cu Ca Cawng Ding In A Auh Hna, Tukum October 3 thawk in Aizawl khuapi, Mizoram Sianghleirun ah kherhhlainak Fellowship training kai ding in Mizoram ah a um mi, Myanmar ralzaam chung in cathiamhlei siangngakchia panga cu Institute of Chin Affairs (ICA) nih a thim hna, tiah theih a si.

Fellowship training cu 2022 October in 2023 October tiang cawn a si lai i, thla 18 chung tiang kai khawhnak lam a um. Siangngakchia hna an dih heumi, umṭhutnak le sianginn thilri hna cu an rin dih hna lai. Cu pinah siangngakchia hna cu ramkip thiam sang hna he pehtlaihnak an tuahpiak hna lai i, ramkip sianghleirun le fimcawnnak phu in thiam sang hna nih an hruai hna lai, tiah theih a si.

Israel Le Palestine Nih Kahdaihnak An Tuah, kahdaihnak an tuahmi cu lunglawm tein kan don hna, tiah UN nih August 8 ah an chim. Egypt cozah nih a karlak in remnak ser ding in a forhfial hna caah August 7 ah kahdaihnak an tuah, tiah theih a si.

Middle East kongkau i ṭuanvo ngeitu UN Coordinator, Tor Wennesland nih, “Kahdaih biakamnak le biahrennak cu a rawh a fawi. Kahdohnak a chuah ṭhan ahcun ramkhel ṭhanchonak a nuar tuk lai,” tiah a chim. Israel-Palestine kahdohnak ahhin Palestine lei in 44 an thi i, 360 hliamhma an pu. Israel lei in 70 hrawng hliamhma an pu ve, tiah UN nih an langhter.