CDF Zophei le CDF Thantlang hruaitu kar ah i theihthiam lonak a fah ngai caah!

CDF Update News
=======
Lautu CDF nih Mara CDF an hmunhma ah hmunhma an laak pinah Mara peng Chapy (khuamin kaipalh kho) timi khua cu an laak i khuami vialte an zaam dih ti asi. CDF Lautu nih khuachung le khua kiken ah bom an hmanh dih caah uico pakhat le vok pakhat zong an bom nih a puah hna.

Khuami pakhat zong fak ngai in an velh rih. Cu lawng siloin khuachung ah bom an hmanhnak hmunhma pawl an i cinken lo caah atu hi khuami cu khuachung ah khua an sa ngam tilo. Hiti ningte asi ahcun CDF Lautu le CDF Mara hi, hi nakin an linsa te kho men.

CDF Zophei le CDF Thantlang hruaitu kar ah i theihthiam lonak a fah ngai caah an commando thazaang tiangin an i hrocer tiah theih asi. CDF le CNA kannau le kar zongah i theih thiam lo nak hi a tam ngaingai cang. CDF Hakha zong an hruaitu pawl an dirhmun a chiakha ngaingai ti asi. A nichiar zuu an din khawh pengmi hi ka khuaruah a har.

Mipi nih har le fe tein a kan bawmhnak tangka zuudin nak men i hruaitu nih an hman mi hi cu ka lungtha lo ngai. Cu lawng siloin council meeting zong a kan tuahpi kho tilo tiah CDF Hakha chungtel pakhat sinin theih asi. Hihnu kumhnih kankal rih ahcun CDF hi a dirhmun a chia ngaingai te lai. Atu a kan hruaitu mipi nih ramdaw tiah kan ruah mi hna minung pawl nihkhin mipi kan thi tu a kan dawp deuh te lai.

Hi thil ka tial mi ah CDF a doh hna tiah nan ka ruah khawh men nain atu bantuk in kan tial kan chim pah lo ahcun zeitik hmanh ah ai remh ding kan silo caah a dik micu phuan thluamah ding. Thuh piak len ding kan silo. Credit: Cung Cem

Salai Dokhar; CNF Sin Nawlnak Cakuat; 1. A luan cia CNF Bu chungah Bu Phunglam abuarmi pakhat ruang ah mah le mah kar ah buaibainak a chuak mi cu Hriamnam Thazaang hmang in nan rak phisin ruang ah nan cung ah hmuh thiam lo nak tamtuk a chuak i 2021 hlan tiang cu Chin miphun tam deuh nih Hakha le Thantlang hrambunh hriamtlai Bu pakhat in hmuh nan rak si.

2021 Ralhrang nih Uknak hram hram in lak an timh hnu ah CNF le nan ralkap CNA cu Chinmi caah ruahchannak phurtu le Miphun caah bochan mi nan si tiah cohlantu a karh liopi asi. Cu caah Mah le Mah kar ah buaibainak a chuak mi kong ah CNF/CNA nih nan rak ton ciami tuanbia ruah chih in hriannam thazaang hmang in Phisintu ah nan i tel lo ding in nawl kan duh hna.

2. Atu lio hi Tedim peng ah a um mi kan unau hna ZFU/PDF-Zoland (NLD thimfung a thlakmi hna tiah sualphawtmi) le ZRA le ZCD (ZCD thimfung pekmi pawl tiah sualphawtmi) kar ah buaibainak a chuah lio asi. Hi caan lio ah remdeihnak a sertu ding cu Falam, Hakha, Mindat, etc hna kan si. Chin huap in a cawlcang liotu Bu pakhat cu CNF/CNA nan si caah ttanh hlei mi ngei loin remdaihnak lamtu kawl khawh nan i zuam ding ah nawl kan duh hna.

3. CNF hi 1988 in rak dirh cangmi asi. ZRA hi 1990 hnu dirhmi asi. Kawlram sining zoh ah cun CNF cu remdaihnak cabuaicung ah USDP le NLD Cozah hna he bia a ruah bal cangmi nan si. Cu caah Kawlram ramkhel kong ah ZRA nakin experience tam deuh nan ngei. Cabuai cung ah biaruah in remdeihnak ser hi zei thluk in dah a tthat ti cu nan mah nih nan theih fian dih . Cu caah ZRA hi CNF leitu nih remdeihnak ser ding in nan sawm ding ah nawl kan duh hna.

4. Chin ram hriamtlai Bu hna karlak ah hriamnam in phisinmi hi culture pakhat asi sual nak hnga lo ding ah Chin ram hriamtlai Bu nganbik le caan saubik asimi ZRA le CNA nih nan cawlcanghnak hi i zoh chih ding asi te lai caah nan tuahmi thil kip ah zohchuntlak Bu kan si piak hram u tiah nawl kan duh hna.

5. Chin ramkhel kong ah Kawlram Chin State ca lawng ruah loin India ram um Chinmi, Bangladesh ram um Chinmi kan dihlak kar lak ah lungrualnak kan ser khawh rih lo hmanh ah ram thum ah a ummi Chinmi karlak lungrual lonak a chuah pi dingmi tuahsernak poh kan hrial piak hram u tiah nawl buin ka bia ka donghter.

(Note: Federal kan ngah tik ah Manipur ummi ee, Mizoram ummi ee tiah lungrual lonak a chuak ah cun tthanchonak serkhawhnak lam a pit lai). Upatnak he, Salai Dokhar