CDF Paral tha Salai Sui Hnin (Leitak khua) Bia roling!

CDF Paral tha Salai Sui Hnin (Leitak khua) Bia roling.
========
Dothlenak ral kan dohnak ah harnak phun phun kan tong. Kan hawi le cheukhat nih an nunnak an pek, a cheu nih pum tlamtling lo tiang in fak pin hliamhma kan tuar ko nain kan lung a dong hrimhrim lo. Aruang cu kan lei ah a tangmi Pathian nung kan ngei. Chin mipi nih kan hnu lei in nan kan dirhkamh ti kan theih tikah kan lung a dong lo.

Raltuk movies ah mitha lo cu a donghnak cun an sung peng. Mitha lei cu ral an i tuk tikah meithal kuan tampi in an kah hna, bom in an puah hnawh hna nain kuan nih a kheng hna lo Bom nih a puah hnawh hna lo a ruang cu Video tuahtu Director nih thi lo ding le i khawng lo dingin a tuah piak hna caah a si.

CDF/CNA ralkap hna zong ralhrang he kan i do tikah meithel kuan tampi in ralhrang nih a kan kah, bom a kan thlak hnawh nain a kan kheng lo an bom thlakmi hna a puak kho lo a ruang cu Director Pathian nih a kan ven caah a si. Ralhrang he hmaitonh in kan i ton tikah kan thinphan lung le Pathian um pi ruang ah lungpang cung zongin kan zuang.

A sawhsawh ah cun peisa tampi pek hmanh in kan zuan ngam lo dingmi a si ko nan Pathian nih a kan huhphenh caah kan i ruah lo leng in kan i phen kho. Raltuk lio cun kan batuk ko nain inn kan phak cun mipi thazaang peknak le thlacam piaknak thawng in kan thabat kan philh dih. Director thatuk mi Pathian kan ngeih caah kan lung a dong hrimhrim lo, mipi zong nih thlacamnak he nan chawva he dothlennak caah rak kan dirpi peng ko uh.

CDF/CNA ram caah nunnak an pekmi cu a aihram mi le a tlu cangmi kan ram a thaw ai hrim than khawhnak hnga caah a si. Raltuk nak ah ai hliam i a kutke bul mi nih a tlu cuahmah mi kan ram tun thannak caah kan kut kan ke kan pekmi a si i kan tha a chia hrim hrim lo. Dothlennak a si bantuk in hi hnu thisen tampi a luang rih lai, hliamhma tuarmi an um rih lai nain mipi nan tha chia hrimhrim hlah uh Pathian nih a kan um pi ko.

Raltuk nai ah kai hliam a tuantuk mi hi kai lung si bak lo a ruang cu miphun caah tamtuk riantuan ding ka ngeih rih caah a si. Ka pum cu a tlamtling ti lo nain sizung ka chuah in kq sikhawh tawk in miphun le ram caah riantuan ka duh rih.

Salai Sui Hnin cu Lungler sakhan laknak ah ai khawng mi a si i a Orhlei ke a bul pin ah a kehlei ke zong fak taktak in ai hliam rih. A bia chim le a holh rel ngaih tikah upat lo awk a tha lo. Pathian tu nih damnak pe zau ko seh. Credit : Vaurawng zuunthil, SangBawi N Mah Sung