CDF – Mindat In Kum 73 Chin Hero, philh nih na um ti Lai lo!

CDF-Mindat in Kum 73 kan Putar nih Ram le Miphun ca ah Nunnak a Pek
———-
Nihin zinglei, Matupi-Mindat karlak ah a cangmi kahdohnak ah CDF-Mindat ah bochan ngaimi kum 73 kan putar nih ram le miphun ca ah a nunnak a pek, tiah Mindat mipi uknak lei bu nih thanwg an chuah.

“A nunnak a liammi kan putar hi kum 73 a si cang i CDF-Mindat ca ah meithal le zen pawl a kan serpiaktu a si. Kan i bochan taktakmi ram le miphun dawtu kan pu a si,” tiah an langhter. Nihin zinglei Matupi-Mindat karlak kahdohnak ah SAC ralhrang 10 hrawng an thi i, CDF-Mindat in hliam (fak lo) a pumi minung 2 zong an um ve.

Ram le miphun ca ah a nunnak a pemi kan putar hi sianginn saya rian a rak ttuan balmi a si. Mah tluk an tar cang nain khuaram miphun caah ral an doh mi hi aw aw aw khuaruah tam… Rest In Peace!! Bawipa nih kaltak mi chungkhar hnangam daihnak pe ko hna seh. Lung a fak tuk ee. Bawipa nih tantakmi chungkhar dihlak hnem ko hna sehlaw.

Nihin November 3, Mindat Peng kahdohnak ah CDF-Mindat lei in kumkhua upa kum 73 (min langhter lo, Siangcachim in pension la mi) nih nunnak a pek, tiah kan theih. Ralhrang lei in minung 10 hrawng an thi i hliamh mi an tam.

CDF-Mindat lei in minung 3 aa hliam mi lak ah kumkhua upa kum 73 cu a hliam a fak i a nunnak liam. Aa hliam ve mi minung 2 cu thinphang an si lo, tiah CDF-Mindat nih an thanh.

Matupi -Mindat kar lam i kah nak ah kum 73 asi cang mi CDF-Mindat in pakhat a nun nak a liam. Chin ramkulh Matupi-Mindat kar lam meng 40 le 50 kar ah tuni zinglei 10:00 in 11:00 AM tiang hrawng Ralhrang le CDF mindat kaphnih kar kahdoh nak achuak i Ralkap lei nih hriamnam ngan in an kah hna caah CDF-Mindat lei in Kum 73 asi cang mi miralttha pakhat a nunnak a liam.

“Na Fa le nih mah tluk kan in thloh ko nain a dik mi le a dik lo mi i do nak, Mipi le Sachia ralkap i do nak ah na nun nak hmanh i ruat loin hmaikal in raldo mi Ka Pa na rian tlam na tlinh. Hi Dothlennak ah a nunnak a pe cang mi Miraltha CDF vial te he upat nak kan in pek hna Ka Pa. Na sin a ra kho lo mi Na Fa ka ngaithiam ko Ka Pa” tiin a Facebook ca hmai ah a ttial.

CDF-Mindat nih Matupi in Mindat lei a kir mi Ralkap motor pawl an kah dih hna hnu CDF-Mindat hnu lei an i thawn pah ah Ralkap nih hriamngan in an kah hna caah a nunnak a liam hi asi. “Kan kah dih hna in hnu lei kan i thawn pah ah hriamngan in an khen caah a nun nak a liam, a nih hi Fimthiam nak zung i cozah riantuan pension a la cang mi kum 73 asi cang mi asi.

Kan mah zawng nih kah nak ah kal lo ding in kan thloh ko, a mah hrim raldo nak ah a thi sa a ngan, a lung a tthawng tuk i asi. Hriamngan nih a khen caah a hliamhma a ngan tuk i a nunnak a liam asi” tiin CDF-Mindat chimphuan nak nawl ngei tu Ko Yaw Mang nih a chim. Thaizing zawng Ralkap le CDF-Mindat kar kah nak a um khawh rih caah zohchun kan hau rih ko tiin Ko Yaw Mang nih a chim chap.

Kum(73) a si cangmi ralhrang a kan dohpiak i a nunnak a liammi upatnak sang bik kan in pek. Kan nunnak ah thil tampi na kan cawnpiak. Hmurkaa nih tlinhlo tiangin Thinlung hi a kekkuai hringhran ko e. Zei tuahkhawh mi kan ngeifawn lo ka thlik chung tiangah hling chunh in a kan chunh e.

Upat thlak kum upa zongah khua le ram thant nak caah tiah kum no he rallokap a dir hnawh mi hrimhrim upat thlak tuk e a tuan bia ral leng Mang a si Te Lai. Upatnak ka pek ve. Tantak Chungkhar Bawipa nih daihnak hnangamnak in pe ko hna seh.

Kalay peng Kahdohnak ah SAC Ralhrang 47 an Thi, Mipi chung in Nutung Pakhat a Thi. Nihin zinglei Kalay peng chung kahdohnak ah SAC ralhrang lei in minung 47 an thi i, an ruak pawl cu Kalay ralkap sizung ah an phakpi hna, tiah Kalay-PDF nih thawngpang an chuah.

SAC ralhrang bomb nih Chaungkhuah inn a tlak i minung 4 hliam an pu. Nutung pakhat (Kawlmi) a nunnak a liam, tiah kan theih.

Council ralhraang pawl nih Kalaymyo peng Natchaung ah phone dawr an bauh i an fir than. Kalaymyo peng, Natchaung khua Super High horha seh le Phone dawr cu Ralhraang Council ralkap pawl nih an bauh i a chung ah a um mi mobile phone, top up hna cu an fir tiah theih a si.

Ralhraang Council ralkap pawl nih Kalay Thlanglei ah a um mi Natchaung, Natmyaung, Chaungkhuah khua hrawng ah thapi chuah in an nawr ca ah khuami pawl cu umhmun chuah taak in an zaam tiah theih a si.

Natchaung khua ah ralhraang nih duhpoh in hriamnam ngan an kah caah khuami pahnih an thi. November 2 thawk in ralhraang nih Kalay peng Thlanglei an nawrchih caah tualchung mizapi vengtu PDF hna he kahdohnak faak ngai in a chuak. Kahdohnak ah ralhraang nih PDF hna cu an zuamcawh khawh hna lo caah voi dang keel bantuk in pawngkam khua hna cu duhpoh in meithal le hriamnam ngan in an kah.

Kalay Thlanglei meng 15 hrawng ah a um mi Natchaung, Natmyaung le Chaunggwa khua hna ah hriamngan a tlak caah khuami an zaam tiah kan theih. Natchaung khua ah hriamngan a tla i hliam tuar an um caah bawmh ding in a kal mi motor pakhat pawng ah bomb hriamngan a tla than i Yaw Eagle phu chungtel pahnih hma an pu tiah theih a si.

Hriamngan tlak ruang ah Natchaung khuami nu ngakchia pakhat le Natchaung Thlanglei um U Maung Yi an thi tiah kan theih. Hriamnam ngan hi Kalay- Gangaw lam cung um, Sitha khu luh sianginn ah umhmun a khuar mi ralhraang pawl nih pehtlai in an kah lengmang mi a si tiah kan theih.

Matupi in a rak kir mi ralhraang motor phu CDF-Mindat nih an kah hna i ralhraang 10 hrawng an thi. Matupi in a rak kir mi raldonak motor pahnih tel in ralhraang motor 75 cu Mindat-Matupi lam hmun pakhat ah CDF-Mindat nih tu zing ah an kah hna tiah kan theih.

Cuka ral an i tuknak ah cun ralhraang lei in 10 hrawng an thi i tampi hma an pu. CDF-Mindat lei in pathum hma an pu i cu chung ah pakhat cu a hma a fah ca ah a nunnak a liam, a dang pahnih cu thinphaang dirhmun an si lo tiah CDF-Mindat nih an thanh.