CDF-Hualngoram in thawngpang tha taktak theih a si!

CDF-Hualngoram Nih LIANDO Hospital Honnak An Tuah
========
Chin ramkulh, Hualngoram ah Hualngoram Peoples Organization CDF-Hualngoram nih tuah mi LIANDO Hospital honnak cu November 12 ah tluang te in an tuah khawh, tiah theih a si.

LIANDO Hospital onnak ah hin HPO/CDF-Hualngoram hruaitu hna le Mizoram Lianpui khua in VC, YMA, MHIP, NGOs hruaitu hna nih an telpi hna i hruaitu hna nih biatawi chimnak an ngeih hna pin ah lawmhpinak ah Rs.5000 an pek hna. LIANDO Hospital honnak a dih hnu in CDF-Hualngoram hriamnam thar a phan mi le mawṭaw thar an ngeih mi Pathian sin pek chanhnak zong an ngeih chih, tiah theih a si.

LIANDO Hospital hi CDF-Hualngoram vennak in Ṭio kam ah hon a si i Mizaw ihkhun 8 le Operations khankhat a um, Mizaw zoh man laak a si lai lo. Mizaw a rak i zohtermi hna tu nih mahle sian tawk cio bawm chung ah chiah khawh a si. LIANDO Hospital hi Hualngoram mipi ca lawng siloin Mizoram lei mipi hna ca zong ah santlai ngai mi a si, tiah CDF-Hualngoram hruaitu pakhat nih cun a chim.

Ralhrang Sakhan (3) An Kah Hna, Ralhrang (11) An Thi I Hriamnam Tampi An Lak Khawh. Bago ramṭhen Shwegyin le Kyaukkyi karlak um ralhrang sakhan pathum kan kah hna i ralhrang (11) an thi i hriamnam le zenkuan tampi kan lak tiah KNU nih an thanh. KNU Brigade 3 hmunhma chung ah KNLA battalion 7 le 9 fonh in SAC Tanseik sakhaan, Bawkahta le Tungtanṭa sakhaan hna cu November 12 zinglei ah an lak khawh i SAC ralkap 11 an thi, hriam phun tampi, meithal phun 17 le kuan thong tampi an lak khawh tiah KNU nih a thanh.

Sikpar 12 zinglei sml 4:00 hrawng ah Bago ramṭhen Shwegyin(ရွှေကျင်) peng le Kyaukkyi(ကျောက်ကြီး)peng karlak i a ummi သံဆိပ်စခန်း၊ ဘောကထာ le တုံးတံတာစခန်း hna cu KNLA nih nikhat chung te ah an kah hna i an laknak kong Khit Thit Media nih a langhter.

Sikpar 12 zinglei sml 4:00 ah ralhrang sakhan pathum hna cu kan kah hna i zinglei sml 11:30 ah kan lak khawh i kan hrawhdih hnu ah hnu kan kir ṭhan tiah KNU nih a thanh. Ralhrang sakhan a simi သံဆိပ်စခန်း le ဘောကထာစခန်းhna cu KNLA ke ralkap nih vawlei in an kah i an lak. တုံးတံတာစခန်း tu cu KNLA nih Drone in an tuk i an hrawh dih tiah theih a si.

Ralhrang sakhan pathum an kahnak ah ralhrang lei in minung (11) an thi i minung zeizat hliam an tuar fiang rih lo. MA meithal zun 8 le kuan 3070, 9MM zun 2, 81 MM zunkhat le kuan 68, 60MM a saumi zunkhat, 60MM a tawimi zun 4 le 60MM kuan 113, RPG-7 pakhat le kuan 77, kuthlonh bomb 28, Short Gun zunkhat le kuan 88, M14 kelamh mine 10 le țeih mine 10, kuanbawm 27 le mine kawlnak seh pakhat an lak khawh tiah theih a si.

Ralhrang sakhan an lak lio ah ralhrang nih voi (20) hrawng vanlei in an kah hna caah sakhan chung a ummi thilri an la dih kho lo. Ralhrang nih mipi hna zong aa tinh ve hna caah minung 20,000 hrawng an himnak hmunhma cio ah an zam hna tiah KNU nih a chim.

SAC sakhaan 3 cu November 12 zinglei sml 4:00am ah an kah hna i zing sml 11:30am hrawng ah sakhaan 3 ning tein an lak khawh i him tein an kir kho. Tanseik sakhaan le Bawkahta sakhaan cu KNLA kekal phu nih an lak khawh i Tungtanṭa sakhaan cu KNLA Drone phu nih an hrawh khawh.

SAC sakhaan 3 cu an hrawh lio ah SAC ralhrang 11 an thi i hliam a tuar mi zong an tam tiah theih a si. SAC sakhaan chung in MA meithal zuun 8, kuan 3,070, 9mm zuun 2, 81mm kuan 68, 60mm a sau mi zuun 1, 60mm a tawi mi zuun 4, 60mm kuan 113, RPG 7 zuun 1, RPG 7 kuan 77, Grenade 28, Short Gun zuun 1, Short Gun kuan 88, M14 bomrap 10, adang bomrap 10, kuanbawm 27 le bomrap kawlnak seh 1 hna KNLA nih an lak khawh.

Sakhaan an thianh lio ah SAC nih vanlei in voi 20 hrawng an kah hna caah thilri a zapi tein an la kho lo tiah a langhter. SAC nih hramhram in uknak an lak hnu ah Brigade 3 hmunhma chung ah KNLA le KNDO nih SAC sakhaan 7 an hrawh khawh cang tiah theih a si. Credit: The Chinland Post, CCN