CDF biakhiahmi le thil tuahmi ah bia a el ngam ding le nawl a pe ngam ding dirhmun kan um hna lo!

CDF biakhiahmi le thil tuahmi ah bia a el ngam ding le nawl a pe ngam ding dirhmun kan um hna lo!
============
CDF biakhiahmi le thil tuahmi ah bia a el ngam ding le nawl a pe ngam ding dirhmun kan um hna lo. CDF hruaitu hna khi nanmah khua kan mah khua lawng an si lo. Hmun kip fonh in thil a tuah khomi le khua a ruat khomi, catang sang tampi an tam. Peng tlang le khua hoih in a ṭangmi pawl an si lo. Pumpak in a ṭangmi an um hmanhah khua 50 nak tam aa funtommi an si.

Mi lungfim lo an si lo. An hringtu an nu le an pa hmanh Kawl ralkap lei ṭang in an dir ahcun an lung an i thlen hlan lo a hlaw ngam dingmi an si.

An thisen man hi zei rel loin um hna hlah u sih. Kanmah sinin zeihmanh miaknak an ngei lo ti theih ah a ttha bik. Ruahnak cheuh an hau lo. An tuahmi kongah soisel len awk an si lo. Inn ah hnangam huar in na tthut buin comment men men in cu tin tuah uh, cutin um uh tiah vuivai hi ningzak thil a si. An palhnak a um hmanhah an tuarinnnak theihpiak in a theithiamtu ding tu kan si.

Pathian riantuantu min i bunh tung i mifir phu sin ah tender bawh than, mifir sin in pumpak or bu pakhat hlawknak kawl a hmangmi cu sehtan nakin tih a nung deuh i mifir nak zong in fihnung deuh fawn. company tuah in ralkap pekmi tender a bawhmi hrim khi fihnung a si, sipuazi tama sisehlaw phun dang, Pathian riantuantu i ti tung i firmi i cuh ve khi a ningzah awk a si.

Father Fr. Hrang Tin Thang hi RC father a si ruang ah, Senthang a si ruangah, Dongva a si ruangah tlaihmi a silo. Miphun dothlennak rianah dawnkhantu a si caah tlaihmi a si. Chin miphun hi miphun pi huap rian kan tuan tikah bu, khua le pengtlang rualchan cingla sahlawh ttanhnak lungput in kan kal lengmang caah rianhma kan tei lo nak a si. Nihin ah Father Fr. Hrang Tin Thang tlaihmi kongah a buin an cawlcanghmi le miphun caah nunnak thap in rian a tuanmi hna zeirel loin hibantuk cathanh chuah hi aa dawh lo ngai.

A thawngpang theih kan duh an ti caah Bishop pa he zong phone chawnhter an si. A dam, a him ko…Thlah le thlah lo cu miphun aiawh hriamtlai nih a za tiah kan tlaih ve cangmi cu thlah a za kan ti tikah kan thlah ko lai. Hohmanh nih command and order an kan pe kho lo. Kan miphun caah kanmah zong kan nunnak kan ipek bantuk a herh ahcun hohmanh kan hrial lai lo. Credit: NS Hrangtlung, Salai Aung