CDF-Senthang Nih IDPs Cung Ah An Tuahser Mi Kong CDF-Hakha Council Nih Dohdalnak Cathanh An Chuah
============
========================
SAC ralhrang ruangah hmun dangdang in Senthang peng chungah ralzam in aa dor mi hna cu Biaknak lei le zatlaang phu hna i bawm i hmun pakhat ah hmunhma chiah piak in bawmhnak an pek hna.
Ralzam camp um mi chung in Commitee dirh le zulhding phungphai zong an ser, cu chungah a bik in Camp chungah ralthuam in luh lo ding le Camp um mi hna nih luhchuah duh paoh ah Committee theih ter hmasa ding tiah zulhphung an nei.
https://www.facebook.com/photo/?fbid=271738245372752&set=pcb.271738265372750&__cft__[0]=AZXy92ZAAz3meXMjQXrMr1aYUsoEuPmVG0WWO_PcgCbK64aKjoy_7fhEy3reWaDhbc2IpGeZU_pHCYrToLVnP-z2GQ3MuoDwnpB0v0sCZv0J4-xahsED32iIVUrTfynHVs6qaROz6sC8lUZOESGq2n9E-xDJoysCMaDiA305-fbTGTTs6Aao9f8N0fwZiT3Vwik&__tn__=*bH-R
Cu zulhphung cu CDF-Senthang aa ti mi chungtel minung 3 nih nawlngai lo in 2023 April 10 ah tuanvo ngeitu pakhat cu velh in an hrocer. Sual a tuah tu hna cu Senthang Council nawlpek nak in CDF-Hakha Council biaceih bawi nih tlaihding in April 10 ah nawl a chuah i April 24 ni ah Palik hna nih an va tlaih hna. CDF-Senthang aa ti mi hna nih lam ton nak check gate pakhat ah an hruaitu (တပ်ရင်းမှူး) thit hruainak in ralkap minung 15 hna nih hriamnam tling he hnahnawhnak an rak pek hna pin ah thongthlak a tong mi hna cu hramhram in an chuah pi hna.
Cucaah a tuni tiang biaceih lo in an luat. CDF-Hakha Council nih ralkap thazaang le a herh ningin kan cawl kho ve ko nain a herh lo tiang thisen a chuak lai tiphan ah kan lung kan thul. Sualnak a tuah tu hna cu biaceih piak than dingin biafunnak an nei than. Cucaah tualchung mipi nih an herh mi deihnak, biaceih khuakhan nak kongkau le zatlaang nun kongkau a dawnkhan tu mizei bantuk phu le pumpak paoh CDF-Hakha Council nih a herh ningin tuanvo kan lak cang hna lai. A cunglei CDF-Senthang nih an thil tuah mi cu fak piin kan doh i hi hnu ah hi ban tuk thil cang ti hlah seh tiah CDF-Hakha Council nih June 10 ah ralrin peknak cathanh an chuah. crd- Chinland Defense Force – Hakha Council
Thailand ram ah a ruang tampi ruangah tlaih a tongmi minung 173 hna cu June 10 ah tuanvo ngeitu hna nih Myanmar ram lei ah an kir ter ṭhan hna, tiah kan theih. Thailand ram Ya-naung khua in Kawtawng khua ah tilawng in an kuat hna i mah hna pawl cu a ruang tampi ruangah tlaih in thongthlak mi deuh an si hna. Myanmar minung 173 chungah Nu 49 le Pa 127 an si. Mah hna pawl cu Kawtawng khua an phak in COVID-19 zawtnak hrik le pumpak an sining kong check fel hnu ah a dang tein chiah an si rih lai tiah kan theih.
Sagaing ramṭhen, Salingyi peng, Nyaung-pin-gyi khua palik sakhan cu PDF ṭangṭi phufonh nih nizan ah luhhnawh in kan kah i kan laak. Cu kahdohnak ah SAC ralhrang lei 10 leng a thi pinah hriamthil zuun 7 zong kan lak chih, tiah Buffalo People Defense Force in ṭuanvo ngeitu pakhat nih a chim. June 9, zanlei suimilam 5:45 tluk ah Monywa khuapi nitlak lei hmun um, Nyaungpingyi palik sakhan cu Buffalo People Defense Force le Sagaing hriamtlai ṭangṭi phufonh (ULF) nih luhhnawh in an kah hi a si.
SAC ralhrang 10 leng an thih pinah an sakhan zong an khanghpiak dih hna. G3 meithal zuun 4, MA zuun 1, seh meithal zuun 1, 79 zuun 1 le hriamthil tam ngai zong an laak chih khawh, tiah theih a si. “An sakhan cu kan laak khawh in kan khangh dih. Mah lio ah SAC ralhrang nih jet vanlawng 2 in an kan kah, kan tlaihmi hna ralhrang 2 zong kan thah colh hna. Pakhat nam in kan thah hnu ah pakhat cu khur chung aa thuhnak hmun ah kan kahthah, ralhrang nih an tlaihmi hna zong kan chanhchuah khawh hna i, Bo Naga hawi le zong an i tel caah an umnak hmun ah kan kuat hna” tiah a chunglei upa nih Khit Thit ah a chim.
SAC ralhrang nih cunglei kahdohnak a tuahmi ruang ah mipi ralkap pakhat a paw ah kuan nih a khen i a nunnak a liam. Sagaing hriamtlai ṭangṭi phufonh (ULF) in minung 4 nih hliamhma an tuar, tiah Buffalo People Defense Force nih thawngthanhnak an tuah ve.