CBCUSABD nih Mizoram tlawnnak kong an kan tialter mi hi!
CBCUSABD nih Mizoram tlawnnak kong an kan tialter mi hi!
============
USA le Ram dangdang in Mizoram, India in kawlral lei tiangzong kan miphun hawi bawmhchanhduh ah tlun a duhmi kan tampi i lawmh a um ngaingai. Mizoram lei in tlunkal a duhmi chungin tlunkalnak kong ruahnak a ka halmi nan um pah caah CBCUSABD nih Mizoram tlawnnak kong an kan tialter mi hi bawmchantu a si theu lai tiah facebook cungah ka huntar.
Tlamtling deuh in ka tialmi File in a um. A herhmi nan um sualcun pumpak in ca kuat khawh ka si. Zapi caah bawmchan tu a si theu lai tiah ka ruahmi zawn ka van tar.
I. Ramchung Tlun Timh tikah, Ramchung ramlengah Ral ruangah a zammi kan miphun hawi hna bawmhchanh duh ah tlun kan timh tikah theihtha tampi a um. Tawifiang in van langhter asi lai. a. India Visa, Kan mah ramah Direct in tlun cu a him lo caah India lei in kal aherh.
India ram luhnak dingcaah India Visa sawk a hau. E-Visa (Tourist Visa) kha Online in Sawk khawh asi. India ramchung umnak nawl pekmi ni 30 a si. Ni 30 chungah rian lim dingin i timh a hau. Ni 30 cung hi thlennawn khawh (Extend) asi lo. India Visa Sawknak hi hmeh law na sawk khawh. Visa na sawk hnu ah Print ding. Check Your Visa Status ah an in pek le pek lo zoh khawh le Visa an in pekmi Printkhawh asi.
A Herhmi: Passport Hmanthlak (PDF format), Passport Hmanthlak 2×2 (PNG Format), Covid Rai Sikhan naa chunhnak Hmanthlak, Mizoram na thutdirnak ding Add le pehtlaih dingmi na hawi le min le Phone No. Visa cu Nikhat in ni li kar a rau lai. Man pek a hau lo.
b. Vanlawng Kai Hlan ah a Herhmi: Vanlawng na kai hlan Suimilam 72 chungah naa checkmi Covid PCR test Negative Result kha Print i Hard Copy (Catlap) in i ken a herh. PCR Test Khawnak Hmun: City ahkhan na umnak hmun tial law, Orhlei kam ahkhan PCR tiah thim; Search hmet law nan umnak pawng i PCR test tuah khawhnak hmun an lang lai.
Covid Vaccine i chunhnak Catlap kha i ken zungzal ding. Passport i Ken zungzal ding. E-Visa, Na hmanthlak a cuangmi kha Catlap in i ken ding. Vanlawng Ticket cawknak Confirmation, Biapi taktakmi: Zuanhlan ah herhhai vialte Upload tuah a hau caah Airport in tuahchom lo in Inn hrimhrim in tuahcia a hau. Inn in na tuah cia lo ahcun Airport ah na tlai lai i ka kal kho lai lo.
Van thutdir nak ding hmunhma, Flight Number, Arline, India Luhni Chuahni tbk.. pawl kha Detail in Online ah tial dih cia a hau. India Airport nan phak tikah, Custom Pass pek dingmi Catlap nan herh lai. Vanlawng cungah ah hal khawh zong asi i Airport chung i Custom Pass phak lai te zongah cabuai in an chiah. Mah siarem ningin tuah ding asi lai. Custom pass na ngeih lo ahcun na tang lai.
Kalhlan tein Airline le India ram nih an herhmi vialte hlathlai cia hrimhrim ding. Policy aa thleng lengmang. Tangka $10,000 i ken khawh asi nain Passport pakhat in India ram chungah $3000 lawng thlen khawh asi. ATM ah US Debit/Credit in tangka chuah khawh asi. India ram hi Digital an hman lo ngai caah kan herhmi Ca vialte hi Folder pakhat ah chia in Catlap bakin i ken ah a himmi,
c. RIAHCAMNAK; India ram hi Hotel man a fawi ngai ko. A tha deuh mi lawlaw ah riah ahhin a him deuh rua tiah ka ruah. USA te in Hotel I Book cia dih ahcun a tha. Aizawl hi Hotel man a fak ngaingai. Hotel tha a um lonak khua Lawngtlai tibantuk ah riahding a si ahcun Tourist Lounge an ngei i a busy ngai tawn. Tuan in chimhcia ah cun a tha bik. Credit: Zathawngcin Siakhel