CBCUSA nih a huap kho ti lo. Kawl holh hmangmi thlanglei laitlang lei kan unau hna Church tampi
=========
Tu kar hi USA ahcun Chin puai caan asi rua. Peng le tlang le miphun then te cio in tonnak le civui tuah asi. Chindianapolis ko ah hin, Chin puai cu a tam. A nuam ngai i, lung zong a hmui. Miphun then Tete Zomi, Zotung, Lautu, Mara, Senthang, Mizo, Zophei, CYO, Falam Pawlpi, Dai/Khumi, Matu, Cho, tbtk in mah le family cio in organisation dirh cio dih asi.
USA State cio ah Chin Community aum cio rih. Mah le State cio in CND tuahnak tbtk le Chin community tete rak tuah cio asi. Biaknak lei bu (CBCUSA) cu a um. Church 100 leng an i tel kho i a tha tuk. However, US congress tbtk nih hin hrapcheu aiawh tbtk an pom kho lo.
Tahchunhnak ah Catholic kha CBCUSA nih a huap kho ti lo. Kawl holh hmangmi thlanglei laitlang lei kan unau hna Church tampi, Gospel, UPC, tbtk an huap ti lo. Mid America Chin Churches pawl dang tein an um rih. Falam Churches tampi a huap ti lo. Zomi le Sizang Churches huap lo. Mizo, Matu, Khumi, Dai, Church pawl huap thlu lo. Lautu, Mara le Zotung a huap ti lo.
Miphun then kan rak tam ngai nain, UN le US cozah tbtk sin ah Chin miphun dihlak aiawh in bia a chim kho ding Chin huap dihmi Bu/org kan nei rih lo. Ralzam kong, IDP, le Chin dothlennak tbtk caah kan mah te lawng in kan um cio. Chin miphun USA ram chung ummi hna ca zong ah represent a tuah kho ding phu pakhat hmanh kan nei kho rih lo.
Kan unau Kachin hna hi, “Kachin Alliances” tiin bu anganpi an dirh khawh. Kachin Khrihfabu le bu le phu tete an aiawh dih cikcek. Unity an ser khawh i, US Congress ah Lobby an cak hringhran. Kachin kong an chim khawh ngai. An hruaitu le hna an fim ca lawng si lo in, an miphun dihlak in an lung a var i, united si khawh a biapi ning kha an i fiang tuk cang caah asi.
America ah um mi Chin miphun dihlak kan i pehtlaihnak bu pakhat cu ser kan herh ko cang. 2010 kum deuh in Chin mipi tam deuh USA ah rat asi. 2010-2023 kar ah kan karh meisei. Kumpi kum 10 ram kan tlaknak asi nain, mah le dang te cio in a khua leng khua le peng le tlang in kan i then thek chin chin. Cu lio ahcun, UNHCR tbtk le US Congress tbtk nih Chin mi kong ah chawnh biak rak kan duh hna seh law – Kawl pa le Kachin pa tu an chimh hna ding dirhmun kan si. Mah caah cun, US ah Chin dihlak huap bu ser a herh ngai ko. Credit: Peter Biak
Ralhrang in ram an lak hnuah Chinram Chin ralkap le Dothlengnak ruangih Pawlkom dingmi hman Chin aiawh nei cuca lo kan sikha US ih cuvek din ding cu van ah a rah lai ding. Tlangcung cawnpiaknak, Pengtlang a uartuk rihmi cu, Chinmiphun ralchanh tu ah an i chuah zau lai. Aluan cia kum hninh hrawng i an rak dir mi kha ta Rev.Dr Hre Mang le Dr.Thla Awr te hruai mi kha chin a huap dih mi asi lo maw?
Kan unau Kachin khi ral an rak thawh tir lio ahkhin an miphun chungin, Cingphawh, rauang, Lisu tbk: in tipung an rak um ve. anmah le anmah an rak o do ve, a hnu ahcun an lung a hungfim i, KIO, KIA ah an van i fonh kho hna, ramchung ah lungrualnak an neih hnu ahcun ramleng zongah Khrifabu lei zongin an i fonh kho dih ko khi teh mu. kan nih Laimi pawl bel hi ramchung he ramleng he, Biaknak lei he ramkhel lei he i fonh cu chimhlah, zeitluk indah kan tthencheu lai timi lawng kan bawh ko rua hi teh mu.
A tha tuk, a herh tuk fawn. Chin i miphun then in kan pa le vialte nih kan tuah kho pi hna sehlaw saduhthah a si. Cu belte a har taktak rih hnga maw? 1. Chin ah i pakhat kan si ti mi khi a pom kho/duh lo mi an um tawn maw kan ti? 2. Buu pakhatkhat dirh ding ah a sawm tu nih president title cia in a sawm tawn hna i sawm mi nih cohlan kha a har tuk tawn lai!?
Ka ruat ngai ve. Ka lung a ka doh ngai mi pakhat cu Biaknak hmanh ah lungrual nak, pumkhat/hmunkhat tein kan um ti kho lo. Cutik ah hihi ser khawh nak ding ahcun kan u, kan pa le a fitbak mi ngeih kan hau. Kan unau Kachin pawl hi kan tluk rih hna lo hih te.
A tawinak cun hihi cu Chinmi kan leaderships nih a phan rih lo. Kanmah thirual pawl khuacuanhning lebang cu mah dirhmun i zoh loin mi dang mit khoih awk long a hngalmi kan tam. I sawi cio hmangmi dirhhmun ahkhin kan dir cio rih ko hna. Upa sawm in biaruahnak ka tuah khawh lo sual ahcun pengtlang/Myohne tanh timi ai thawknak muru le nihin kan Chin miphun kan leaderships kong hi chim te kai timhmi asi. Very interesting issue asi.