CBCUSA le CNF nih ralzaam sok ti lo ding tiah ca an chuahmi cu Vawleicung ram kip Nih an cohlang kho lai lo!

CBCUSA le CNF nih ralzaam sok ti lo ding tiah ca an chuahmi cu Vawleicung ram kip Nih an cohlang kho lai lo!
=========
CBCUSA le CNF nih ralzaam sok ti lo ding tiah ca an chuahmi cu mizei ram le miphun le buu hmanh nih an cohlang kho lai lo. Mah kong hi ka manh si le tlawmpal in ka ttial te lai ka ti.

Aruang cu Kawlram thilcang mi le Lairam (Chin state) thil cangmi nih a langhter dih ko. Mah ti ca an chuahnak cha cun Lai miphun (Chin miphun) lak ah pa pakhat nih nupi pahnih neih khawh si seh tiah nawlchuahnak le i forhfialnak hmanh tuah hna seh law a ttha deuh lai. Chin miphun milu tam kan herh ko.

Cun Laimi (Chinmi) nih kan palh ngai tiah ka ruahmi pakhat cu cawnnak nei, mifim thiam le mirum mi chungkhar poah nih fa tlawmte neih (pahnih or pathum) kan hmangmi hi a si. Mah ruahnak hi kaltak kan hau cang. Mi sifak chungkhar poah nih fa tampi an neih cu, Laimi lak ah.

Mah nih hin tthangcho lonak a chuahpi ve. Mi fimthiam le mirum chungkhar nih fa tampi nei hna uh sih law a cawm zong kan i harh fawn lai lo. Mi sifak chungkhar tuk nih fa tampi an neih tik ah an cawm kho hna lo i an vaivuan dih pin ah an zawtfah caan ah an thlawp kho ti hna lo i an thi lengmang tawn.

Mah tik ah Chin miphun milu kan karh kho lo. Atu thok in fim cawnnak a neimi le mirum poah nih fa tampi neih si cang seh. Mi sifak chungkhar nih fa tlawm deuh neih si cang seh tiah nawl ka chuah ve, Laimi lak ah. Nupi pahnih neih zong Laimi lak ah onh ve cang hna uh sih. Mah kha kan tthangcho deuhnak lam pakhat a si ve lai tiah ka ruah.

Kum 100 leng Khrihfa a si cangmi Laimi (Chinmi) lak ah biatak le biahman le thildik thilhman, a chim ngammi le a ttanh ngammi cu 100 chungah 20 hrawng lawng kan um lai. 100 chungah 80 cu thil dik lo le thil hman lo le biadik lo le biahman lo lei ah kan kal dih cang hna tiah ka ruah. 100 chungah 20 lawng nih biadik le thil man le biahman kan dirpi ngam. 20 chungah na tel ve maw? Meithal ttih ruangah na Khrihfa sinak cu na kaltak sual ve maw/na hlawt sual ve maw?

Atu chan Laimi hi Biakam hlunchan i Prophet Isaiah and Amos chan Israel miphun bantuk kan si cang. Isaiah le Amos lawnglawng nih thilhman le thil dik le biahman cu an dirpi ngam i an aupi ngam. Thih an ttih lo. Uktu siangpahrang an ttih hna lo. Aruang cu a nungmi Yahweh Pathian nih biadik le thilhman le dinnak kong chim ding in a fial hna ruangah a si.

Isaiah le Amos bantuk a raltha mi le a felmi le a dingmi, din lonak le thil dik lo a do ngammi, Laimi (Chinmi) lak ah tampi kan herh ko hna. Mah lawnglawng ah Lairam (Chin state) le Chin miphun kan tthangcho deuh lai i thluachuah zong kan hmu deuh fawn lai. Kum 100 leng Khrihfa kan sinak cu kan kaltak thluahmah cang ko rua hi aw. Credit: Saya Van TUm