Britain Cozah Nih Myanmar Buainak Kongah Zohfel Tein Tuanvo Ka Lak Lai!
Britain Cozah Nih Myanmar Buainak Kongah Zohfel Tein Tuanvo Ka Lak Lai!
========
Myanmyar buainak hi kut kee, mithmai thla loin ka zoh i Fak piin tuanvo ka lak lai tiah Britain cozah i Asian vuanci a si mi Ms. Amanda Milling nih a chim. March thla ni 7 ah, Britain cozah phu ramdang he aa pehtlai mi zung, ASEAN vuanci Amanda le NUG le Ramdang vuanci Daw Zin Mar Aung hna cu online in ton biaruah nak an ngeih nak hna ah a tu bantuk in a chim nak hi a si.
caption id=”attachment_31558″ align=”alignnone” width=”300″]
FILE PHOTO: British Prime Minister Boris Johnson speaks during the weekly question time debate at Parliament in London, Britain, January 19, 2022. UK Parliament/Jessica Taylor/Handout via REUTERS ATTENTION EDITORS – THIS IMAGE HAS BEEN SUPPLIED BY A THIRD PARTY. MANDATORY CREDIT. NO ALTERATIONS/File Photo
Britain cozah lei nih hramhram in uknak a la tu SAC ralhrang phu he aa pehtlai mi phu paoh paoh cu chawlehnak lei ah phihkhamnak an tuah hna i rampi thimnak cozah a si mi NUG cu a cohlang i thazaang a pek nak kong zong a chim chap.
caption id=”attachment_31558″ align=”alignnone” width=”300″] FILE PHOTO: British Prime Minister Boris Johnson speaks during the weekly question time debate at Parliament in London, Britain, January 19, 2022. UK Parliament/Jessica Taylor/Handout via REUTERS ATTENTION EDITORS – THIS IMAGE HAS BEEN SUPPLIED BY A THIRD PARTY. MANDATORY CREDIT. NO ALTERATIONS/File Photo
Cu pinah ASEAN special palai khual tlawmnak ah an duh ning, thongtla pawl sinah nawl an bual nak kong, ICRC nih a tuah cuah mah mi Cahmai, SAC ralhrang a hlawhtling lo mi uknak a la mi SAC ralhrang hruainak sining, Khuami, ram mi hna sinah harnak pek, dawhcah loin a tuahserh nak kong, ICC/ICJ he lunghlinh mi tuanvo lak nak ding, minung zawn ruahnak bomhchanh nak peetu tbt;… mah kong he pehtlai in zohfel tein tuanvo lak nak kong zong a chim.
caption id=”attachment_31558″ align=”alignnone” width=”300″] FILE PHOTO: British Prime Minister Boris Johnson speaks during the weekly question time debate at Parliament in London, Britain, January 19, 2022. UK Parliament/Jessica Taylor/Handout via REUTERS ATTENTION EDITORS – THIS IMAGE HAS BEEN SUPPLIED BY A THIRD PARTY. MANDATORY CREDIT. NO ALTERATIONS/File Photo
Min Aung Hlaing Covid In A Zaw! SAC Chairman Min Aung Hlaing cu Covid in a zawt caah mizapi hmaika ah a langh ti lo nak a si, tiah Zumhtlak a si mi Naypyidaw thawngpang chirhchan in Mizzima nih a ṭial.
Febuary 27 ah Naypyidaw Detking Thiri peng puai pakhat a kal hnu in atu tiang mizapi sin in Min Aung Hlaing cu a tlau. Mizapi hmaika in a tlau hlan deuh ah a tai a fak i cu hnu ah Covid in a zawt caah a inn ah Quarantine in an chiah i Office rian zong a ṭuan kho lo, tiah theih a si.
Kum 65 upa cang mi SAC lutlai Min Aung Hlaing cu a tai a fah lengmang mi hi tai(tawkawng) cancer a ngeih caah si tiah biachokvai a chuak nain “Cancer ka ngei lo” tiah amah nih a chim i SAC zong nih Min Aung Hlaing ngandamnak kongkau thanh an duh lo, tiah theih asi.
Min Aung Hlaing hi Russia nih pekmi Covid raikhamsii le Booster dose zong ai chun ko cang nain Covid an test i Positive a si ṭhiam. Naypyidaw khuapi chung ah Omicron zawtnak a karh ngai i SAC chungtel upa cheukhat zong an i chawnh len, tiah theih a si.
Interior Ministry i Duh- Vuanci le Palek Bawizik chang si mi Than Hlaing zong March 1-4 tiang kha Cambodia ram i tuahmi A Voi 40nak ASEAN Palek bawi pawl tonnak ah a va kal i, a positive ve caah Quarantine in an chiah ve, tiah theih a si.
Kyaukthu- PDF le CDF Phufonh Nih SAC Ralkal An Kah Hna; Magwe ramṭhen, Saw peng, Kyaukthu khuapi ah aa chok mi SAC ralkap phu hna cu PDF-Kyaukthu le CDF-Mindat i fonh in an kah hna i SAC ralkap 7 an thi i, hliam an tuar mi 8 cu helicopter in an laak hna, tiah Kyaukthu PDF nih a chim.
March 8 zinglei Sml 8:30 hrawng ah Kyaukthu palik sakhan in khuachung ah ralveng in aa chok mi SAC ralkap 20 hrawng cu Kyaukthu PDF le CDF Mindat hna i bawm in, bomb lung 3 in an puah hna i hriamhme in an kah chap hna caah SAC ralkap 7 an thi; minung 8 hliam an tuar, tiah theih a si.
Cu lio ah cun Kyaukthu palik sakhan in bawmtu an rat khawh lo nakding caah Kyaukthu khuapi palik sakhan chung ah hriamngan in an kah hna. Sakhan chung ah aa hliam mi le a thi mi an um le um lo fiang in kan thei kho rih lo, tiah Kyaukthu PDF nih an cathanh chung ah an langhter.
Cu hnu ah helicopter pakhat in SAC ralkap bawmtu a ra i hriamnam pawl zong a run thlak hna lengah hliam a tuar mi hna cu a laak hna. Kyaukthu ralkap sakhan in a ra mi Tank 2 cu Kyaukthu Bank Zung pawng ah an dir i micheknak an tuah lengah Kyaukthu khuapi chung ah Tank in an duhnak poh an kah. Kahdohnak a chuahnak pawngkam um mi, sualnak ngei lo nu 3 le pa 2 hna cu SAC ralkap nih an tlaih hna, tiah Kyaukthu PDF nih cathanh an chuah.
SAC Ralkap Phuruso Sakhan Batallion Pahnih KNDF Nih Voi 2 An Doh: Karenni ramkulh, Demoso peng ah umhmun a khuar mi SAC ralkap batallion pahnih cu Karenni National Defense Force(KNDF) batallion 15 nih a thli tein voi 2 an doh hna i ralbawi 1 le ralkap 2 an thi, tiah KNDF batallion 15 nih thawng an thanh.
March 6 ah SAC ralkap No-14 training tuah lio hna cu KNDF nih an va doh hna i ralkap 1 a thi. Nihin March 8 ah khah-mah-yiah 531 batallion an doh ṭhan hna i ralbawi 1 a thi ṭhan, tiah KNDF B-15 nih an thanh.
February 26, zaanlei Sml 2 hrawng ah khan Phuruso peng ah umhmun a khuar mi khah-mah-yiah 428 batallion gate cu KA le KNDF nih an doh hna i Sml 1 chung an i kap hnu ah ralkap lei a thi mi an um, tiah KNDF sin in theih a si. Karenni peng, Phuruso peng ah SAC ralkap kah-mah-yiah 428 le 531 hna nih umhmun an khuar, tiah theih a si. Credit: The Chin Post