Delhi Ah Nungak Pakhat Tuksapur In Thah A Si:
========
Hi kan umnak Vawleicung minung kan hei sual ning hi,khuapi um mi si usih,khuate i khua a sa mi si usih,i ralrin ngaingai kan herh hna i cawlcangh ning zong kan thiam chih zong a herh taktak mi a si ti hi kan theih mi thawngpaang nih a kan cawnpiak.
Delhi khua chung ,Rohini ahcun nungak tleirawl pakhat a min ah ,Sakshi kum 16 mi cu thah a si.Hi thah a sinak kong he pehtlai in a thattu hi a tlangval,Sahil, kum 20 nih cuna thah,an ti.A thahnak a ruang an chim ning ahcun,”Nungak nih hin a ban ah hin Tlangval dang min cu Tattoo ai suai i cu ai sual mi cu a tlangval nih cun a thinhung i a thah hi a si e,an ti.
Hi a thahlio ah hin CCTV ah fiang te in a langh ning ahcun,mi tampi nih an hmuh ko nain an chanh ngamlo,tlangval nih hin a nungak cu voi 20 namte in a sawh hnu ah lung in thi lak in a den chih rih.Hi thil a can hi nai Pathian ni 28 May ah khan a cang mi a si.Mi thattu,Sahil, hi Police nih an tleih cang tiah theih a si.
SAC Nih Thimnak A Tuah Dingmi Ah Russia Nih A Bawmh Lai; SAC nih a tuah dingmi thimnak(election) cu tlukruannak a ngeimi a si khawh nakding ah Russia nih kan bawmh lai, tiah Russia Duma Hluttaw Deputy Chairman Sholban Kara-ool nih a chim.
May 30 ah Sholban Kara-ool le Min Aung Hlaing cu Shan ramkulh, Taunggyi khuapi ah tonnak an ngei i, atu bantukin Mr. Sholban Kara-Ool nih Myanmar cu thimnak ah a bawmh naklai kong a chim nain zeitindah a bawmh lai ti cu fianghlang tein a chim lo.
Russia Duma Hluttaw Deputy Chairman le SAC kuttang Union Election Commission Chairman Thein Soe nih a hruaimi aiawhtu phu he zong May 30 zinglei ah tonnak an ngei. Sholban Kara-ool nih cun Myanmar ram i ukhruainak a upatnak kong a chim pinah SAC kuttang Union Election Commission Chairman Thein Soe zong nih tlukruannak a ngeimi si ding in thimnak kan tuah lai i vote firnak a um lonak ding zong upadi kan ser, tiah Myanmar Alin ah a chim.
SAC nih zeitik ah dah thimnak kan tuah lai ti cu biafiang a thanh rih lo nain SAC hruaitu hna he tonnak an ngeih lio atu bantuk in Myanmar ram thimnak kong he pehtlaih in Russia Hlttaw palai Sholban Kara-ool nih cun a chim, tiah The Irrawaddy nih a ṭial. Crdt; Chin News