Breaking News: Yangon Khuasa Nih Ramleng Ah Kawlram Thawngpang An Hal Cang Hna

Cu thil ngai cu
***************
Atu te kha Rangoon in Pu Joel Ling nih a rak ka chawnh. Kawlram thawngpang zeidah a lawh a rak ka ti ko. Capo ah ka rel i, Rangoon ah a ummi nih Norway ah a ummi kawlram thawngpang hal cu dah ka ti ve. Hnawhsare khin, atu kan chawnhnak hi Ks. 15000 hrawng a dih cang lai hih, Aung San Su Kyi a chuak cang an ti a si maw a rak ka ti ko. A biatak tukmi ka theih caah thawngpang deu a si an ti ko kha, a chuak rih lo ka hei ti colh ve. Aze a ti i a tha a chia nawn.

Khoita rih hmanh, na tangka cu dih rih ko seh, tadinca nan rel kho ti lo maw ka ti i, kan rel kho ko nain, anmah duhmi lawng pei an ṭial ko cang cu, TV zoh he ai lo ko a ti. Pu Tu(Pu Richard Zatu)ka chawnh i a phone a tlai lo. A fanu ka chawnh ṭhan i, ka pa a lung a rawk tuk i a it ko a ka ti, a ti. Na lung rak rawk hlah seh, Pathian khuakhan a si kho ko dahkaw ka hei ti i, hi hna pawl sinah Pathian nih khua a khang duh pek lai lo a rak ka ti.

Min Aung Hlaing chiat kan serh; Rogaland pengah a ummi Norway Laimi minung 200 nih Stavanger khuaah kan va kal cio i, hmunkhat te ah Min Aung Hlaing chiat kan serh. Kan bia a chiatning hmanh hi theih sehlaw aa teng colh hnga.
Khi tluk Min Aung Hlaing molh khi Kawlram caah Pathian khuakhan a si kho ko. A mah zong a zam phah kho, 2008 phunghram pi zong a rawk phah kho. Cute tikah Pathian khuakhan kan ti khawhmi a si. Credit: Perhkalh Thawng