Breaking News; Vuangtu SAC Ralhrang nih an Sakhaan an Chuahtak!

Vuangtu SAC Ralhrang nih an Sakhaan an Chuahtak
———–
Nihin (September 30) zinglei sml. 10:30 hrawng ah Vuangtu khua SAC ralhrang pawl nih an sakhaan an chuahtak, tiah thawng kan theih. “Nihin zinglei ah khan Helicopter pakhat in an rak thiar dih hna. Vok an zuatmi pawl le an facang pawl zong khuami a kan pek ta,” tiah Vuangtu khuami tampi nih The Chin Journal ah an chim.

Vuangtu lei ah Helicopter a zuang timi thawngpang zong nihin zinglei ah The Chin Journal nih kan rak ttial cang.
An chuahtakmi Vuangtu SAC ralhrang sakhaan ah hin ralkap 8 hrawng lawng an rak um, tiah khuami hna nih an chim.

SAC ralkap nih Vawngtu khua an sakhaan an chuahtak cang. September 30| Thantlang Peng Vawngtu (Vuangtu) khua ah a um mi SAC ralkap sakhaan cu nihin zing in zaanlei tiang minung le thilri i cheek in an chuahtak cang, tiah kan theih.

Hi kong ah min langhter lo mi pakhat nih a tanglei bantuk in a tial. “Nihin Vuangtu ah Helicopter a zuannak kong ah Vuangtu khua um mi anmah ralkap tu kha an rak lak hna. Aruang cu nizaan ah anmah ei lio mi facang dip 20 khuami sin ah an zuar. Cun, nihin ah chihti, pe, ngapih le a dangdang zong khuami sin ah an zuar,” tiah a chim.

Cu lawng si loin amah Bogyi pa zong nih Vuangtu khua ah a hawipa kha Hakha in phone a chawnh i sakhaan leng ah facang dip 30 le chiti ka chiah. Mah kha khuami sifak deuh rak phaw hna ulaw a ti. Cun, amah Bogyi pa motorcycle kha a hawipa cu rak i lak te law tiah mitthli he phone a chawnh. Cucaah, Vuangtu sakhaan cu an chuahtak cang tiah a cunglei min langhter lo mi nih a chim.

CDF/CNA nih rak doh hna sehlaw fawi tuk in an lak ding. Thantlang le Hakha zong mizapi duhnak zoh pah loin zoh sawh in an zoh ko ahcun mipi an tha ba te lai, mipi an lungzor te lai cun an mah le an chungkhar rian herh kha biapi ah an chiah deuh te lai ii kan thazang zor ngai te lai.

Meithal zunriat kan sung ti ko usih a fawinak cun. Tu lio Dattsi le Disel man kai he cun an mah zong meithal zun 2 man tluk da kaw Helicopter petrol ah an sungh ve la chuh. I Kah hnu i teinak co cu lung a hmui tuk ko nain i kah lo i teinak co hi rumra a ngei deuh. PATHIAN khuakhaan hi.

Zeiruang ah dah an kir dih ti aho hmanh nih kan theih kho rih lo zeidah timhtuahnak an ngeih hnga ti kha fim deuh in ruah hau ngai. Minung pa8 lawng te hna i a tu tiang an um ngam mi cu zei te ah an kan rel ziar lo ko hih online minta deuh ah an kan rt cang rua.

An kan ttih tuk tinak si ko. Khuadang i ummi pawl zong rak thiar thluahmah hna sehlaw tha hnga An chuah hnu zg ah an sakhan cu Khang vial hna Seh, chuah tak lawng a za lo.