Breaking News: US Citizenship Test An Thlen Cang

BREAKING NEWS: Top Stories: US Citizenship Test:

Hmai thla December 1, 2020 in US Citizenship test phit ning an thlenmi hman a si cang lai. Cuhlan ah cun US citizen phit (interview) tik ah biahalnak (question) pa 6 thiam/leh khawh ahcun awnter a si. Atu a thar an hmanmi ah Cun questions 20 hal a si cang lai i a tlawmbik 12 tal thiam/leh khawh lawng ah awnter a si cang lai ti a si.

Kum upa cangmi le US ah kum 20 naak tam a um cangmi cu biahalnak hi tlawm deuh in hal an si ko lai tiah USCIS officials nih cun an ti. Zapi zaraan, miraang holh thiam lo caah cun citizen si a har deuh cang lai ti nak si.
Ref: The Chin Voice, TheEashingtonPost

Relchap duhmi caah; RAM TAMPI NIH ISRAEL AN I UK SUAL; 1. IZIP NIK KUM 400 SAL AH A SER; Cucaah (a) Izip miphun cu Pathian nih an fapa upabik poh a thah piak dih hna i harnak phunphun an cungah a tlun ter. (b) Pharoah ralkap rili sen ah Pathaian nih a thah piak dih hna. (c) Hlan lio Izip ram cu Assyria, Grcece le Rome nih caan saupi a rak uk ve hna. (d) Arab muslim siangpahrang pawl nih kum 1000 reng lo an rak uk. (e) Cucaah an miphun a tlau, an holh a tlau. Original Izip holh vawlei ah a tlau cang, Arab holh in atu an holh dih cang. (f) Britain nih can saupi a rak uk ve tthan hna. (g) Atu ah cun Muslim lawngte an si ngawt. (h) Atu ah ram sifaak ngaimi asi.
2. ASSYRIA LE BABYLONE (IRAQ); Chaklei pennak Israel cu Assyria nih a rak laak i thlanglei pennak Judah cu Babylone nih a rak laak ve. Judahmi cu sal ah an rak ser hna. Cucaah Assyria cu Babylone nih a rak tei ve i Babylone cu Medo le Persia nih an rak hrawh cikcek ve. Cun Assyria le Babylone cu atu i Iraq hi asi i ral a dai bal lo. An khuapi an cim dih cang. Ram a tthangcho kho lo. Cun, muslim lawngte an si.
3. PERSIA (IRAN); Persia (Iran) nih Israel a rak uk caah Greece nih a rak tei ve hna. Cun atu Iran ram sifaak ngai asi hlei ah Europe, America le Sunni muslim ram vialte nih an huat bikmi ram ah ai cang. Vawlei cungah Shi’a muslim an tthawnnak bik ram asi.
4. GREECE; Alexander nih Israel cu a rak laak caah caan rau lo ah a thi. A pennak cu cheu li ah a ralbawi pawl nih an cheu. Cun, Greece pennak cu a dong tthan. Rome nih anmah tu kha an uk hna.
5. ITALY; Rome nih Israel a rak uk. Vawlei cung ralpi pahnihnak ah a sung ve. Cun catholic lawngte an si.
6. GERMANY; Hittler nih Judah mi thong relcawklo a rak thah hna. Cucaah Germany cu ralpi pahnihnak ah a sung ve. Hittler zong amah le amah ai that ti in theih asi. Germanry cu Russia le nitlaklei ram an i cheu i caan saupi an uk ve hna.
7. PALESTINE, SYRIA, IRAN; Atu lio ah Israel i a ral ngan bik hna cu Palestine, Syria le Iran an si. Palestine cu anmah tu an faak deuh. Syria cu ISIS raldohnak le biaknak buainak Sunni le Shi’a raltuknak ruang ah an khuapi an cim dih ngawt. Iran cu lohtlaunak lam a zul len ko. Zaapi theih asi. Cun hi rampawl hi Muslim lawngte an si.
Pathian nih Abraham sinah thluachuah an pemi cu thluachuah ka peek ve hna lai, chiat an serhmi cu chiat ka serh ve hna lai (Gen. 12: 1-6) tiah bia a kamhmi hi atu tiang ah a hmun. Abraham chan in thluachuah peek asimi Israel a uktu pawl cu rawhralnak a tong lomi an um lo. America cu Israel a dirkamh peng caah a tthangcho chin lengmang. Israel thuachuah a petu cu Pathian nih thlua a chuah ve hna. Israel a uktu ram tampi cu adikmi Pathian an bia lo i cucu thluachuah hmuh lo adonghnak asi. Rev. Dr. Aung Myint Thang

Leave a Reply

Your email address will not be published. Required fields are marked *