Breaking News: UK nih Kawlram kong ah UN Security Council meeting a auh; Nihin an tuah lai!

UK nih Kawlram kong ah UN Security Council meeting a auh; Nihin an tuah lai
==========
Kawlram kong ah UN Security Council ah tuanvo ngei tu UK nih November 5 in khan UN Security Council Meeting tuahding ah a auh i, nihin (8 November) tuah tuah ding in biachahnak an tuah.

Hi lakhruak meeting hi Security zungzal chungtel (Permanent Member) a si mi US ram le caankarlak UN Security chungtel Maxico nih zapi theih khawhnak ding in UN Security meeting tuah an duh nain Tuluk nih a leng mi ngaih lo in “Private Meeting” tu in tuah ding a ti caah anmah chung lawng in Kawlram kong ceihmaihnak an ngei lai.

Atu bantuk in Kawlram kong ah Security Council auhpiak ding ah tuanvo ngeitu UK cozah cu CHRO hruainak Chin zatlang bu nih October 26 ah siseh, Thantlang an kaangh in CHRO nih October 29 ah le CHRO le Progressive hruainak in Kawlram zatlang bu 500 renglo nih November 4 ah Chin ramkulh le Kawlram buainak kong ah lakhruak (emergency meeting) auh ding in thanhca an rak chuah.

Hi kong he pehtlai in CHRO in Salai Za Uk Ling nih, “UN Security Council tuah ding in UK nih lakhruak meeting a van auh caah kan i lawm. Hi auhnak ah aa zuam mi Chin zatlang bu, Kawlram zatlang bu cung zong ah lawmh a um. Zatlang bu nih kan tuah khawh mi cu Security Council auhpiak tiang lawng a si. A phichuak cu phundang a si ko hnga. Atu bantuk in lakhruak meeting an kan auhpiak hi an aw-aan an ngaih le kan kongkau biapi ah an chiahnak a langh caah zatlang bu kan auhnak kan hlawh a tling ko,” tiah The Chinland Post ah a chim.

Aluancia October 25 ah CHRO le British cozah biaruahnak an ngeih lio ah CHRO nih Security Emergency meeting auhpiak ding in an rak chimh kong, British cozah nih November thladongh i caan-hman meeting an ngei tik tu ah Kawlram kong agenda ceihte ding in an i timh kong Salai Za Uk Ling nih a peh chah.

“November thla dih ah UN Security caanhman ton pumnak a um tikah Kawlram kong kan ceih te lai tiah British cozah nih an kan ti. Lakhruak meeting auh cu a fawi lo. Cu lakhruak auh ding ah UK in MP pahnih nih an Parliament ah biahalnak zong an rak tuah. Cu tikah UK cozah nih a biapi taktak mi a um ahcun sml 48 – 72 a hlankan in auhnak nawl kan ngei.

Cu ban tuk thilcang a um ahcun sml a tlawmbik 48 – 72 caan pek in kan thanh te uh tiin British cozah nih an rak kan leh. Atu Thantlang thil kan vun ton i zatlang bu pawl fonh in halnak kan tuah i lakhruak meeting an auh colh tikah mipi le zatlang bu lei in kan tuanvo a tlamtling, kan hlawh a tling ko,” tiah Salai Za Uk Ling nih a chim.

Atu lio UN Security Council chungtel hna cu Permanent Member in US, UK, Frace, China, Russia le kumhnih dan tuanvo pek in Estonia, India, Ireland, Kenya, Mexico, Niger, Norway, Saint Vincent and the Grenadines, Tunisia le Viet Nam hna an si. Credit: The Chinland Post

NLD NIH RAMCHUNGAH EXECUTIVE COMMITTEE THAR AN DIRH THAN. (NLD Party Phuhnih ah an i then kho men!). Tuzarh ah Daw Aungsan Suukyi le U WinMyint Court an kai dih hnu’in Suukyi thawng thanhnak cu amah Sihni lei’in ” Remte le lungrual te’in um rak i zuam uh” ti’ah biachahnak a neih dih hnu Nizaan November 6, 2021 ah khan Myanmar Ramchungah NLD Party MP- 110 le hruaitu dang pawl fawnhtomh mi hna nih NLD Central Executive Members thar Mi-7 umnak cu an dirh tha’n ti’ah thawngthanhnak an tuah.

Members 7 hna cu tuhlan CEC hlun minthang U Aung Kyi Nyut,U Tin Thut Oo, Dr.Khin Saung,EC Member hlun U Thun Myint, U Kyaw Thwe, U Myo Niang le U Win Aung pawl an si i, Party President ah Daw Aungsan Suukyi le Vice President I&II ah U WinMyint le Dr. ZawMyintMuang an chiah ve hna.

Ramchung NLD Party Executive Committee thar nih cun, tuhlan NLD nih an Tleihtleng asi mi 1. Taingyinta kongkua le 2.Ramchung rem daihnak le 3. A dikmi Democracy Federal Uknak a chuah khawh nak lai Phunghrampi thar siam” kha kan kalpi tha’n lai ti’ah an ti.

(RFA) Hi NLD Ramchungah buainak kan tuah ve loh a timi MP- 110 fawnhtomh pawl nih hin kan hnu lei thla zongah khan ASEAN Palai Erywan Yusof tawn dingin Ralkap Cozah sinah halnak an rak tuah cang. Anmah lakin biachim tu U Kyaw Thwe nih cun, kan EC thar nih hin Ramchung/ Ramleng Party pawl he Pehtlaihnak thar kan siam hna lai ti’ah a chim.

Atutiang NLD hruaitu SAC nih an tlaihmi pawl Aungsan Suukyi le U WinMyint telhin CEC -14, MP le Party hruaitu 458 leng thong an thlak lio hna ti’ah theih asi.Khatti lei’ah NLD in ramleng a zammi Dr. Zaw Wai Soe le Daw Zin Ma Aung hruaimi CRPH (NUG) an dirh ve fawn i, a zei hi deuh dah Daw Aungsan Suukyi a telnak NLD asi te hnga!.

Cu asi loah an pahnih in i fawnh tha’n maw, tuhnu’ah Phuhnih zongin i than thai kho menmi an si. Tlawmpal ah thawngpang thar a um te lai…hngak rih hna usih. Credit: MC Biklian