Breaking News: U.S Nih Min Aung Hlaing A Fa Le Pahnih Dantat Ve Cang

Breaking News: U.S Nih Min Aung Hlaing A Fa Le Pahnih An Hrem Ve Cang
=========================
American state secretary Antony Blinken nih ralkap uknak lakmi hruaitu (hotu) Commander-in-Chief Min Aung Hlaing a fanu pakhat le a fapa pakhat cu U.S ram nih dantat an tuahnak kong cu March 11, 2021 ni ah thawngthanh nak an tuah.

Commander-in-Chief Min Aung Hlaing a fale pahnih dantat hi anmah pahnih pumpak hremnak lawng si loin an ngeihmi company vialte zong dantat nak min list ah aa tel chih cang tiah a langhter. Mipi nawlngeihnak hramhram in a laktu ralkap pawl nih phungning lo le hru hru hranghrang in an cawlcanghnak pawl hi Democracy phunglam he a kalh caah ralkap hruaitu upa lawng si loin an rualchan cingla vialte ca tiang ah zei hmanh thathnemnak um loin kan philhkhar piak dih hna lai tiah an langhter chih.

Relchap, UN SECURITY COUNCIL AN BUAI.CHINA LE ASEAN NIH DAIHNAK TUAH AN TIMH. (France,S.Korea President le Mizoram lei kong). Ni 38 nak Myanmar ram buainak cu a zual chin lengmang ko. March 8,2021 ah CRPH nih CDM a tuah dingmi ca’ah a donghnak caan asi lai an ti bantukin SAC Ralkap Cozah zongnih Private Banks pawl le Cozah Zung le Sianginn vialte ong dih dingin nawl an chuah ve. BBC le AAPP nih an chim ningah an kahnakin Mithi-68, hliam mi-376 le an tlaihmi Daw Suukyi le U WinMyint tiamin Mi-1527 (307 chuah cang) an si ti’ah an chim. A thimi lakah Kan Chinram Teddim leimi Mang Suan Khai cu North- Okkala Pah,Yangon Sandahpiah nakah 7/2/21 ah a thi.

March 5,2021 ah khan UN Security Council cu Myanmar ram ca’ah Special Innkhar meeting Suimilam 3 chung an nei i, UK, USA le France nih Ralkap Cozah cu a fak bikin hremnak a herh ningin UN Peace Mission( UNPKF) tiang thlah dingin an duh na’in Russia, China nih a daihnak in (Peaceful Solutions)in zoh rih hna usih an ti ve i, Japan, India le Australia cu Neutral ah an um ca’ah an buai i zeihmanh an tlamtling kho loh(No Statement) ti’ah AFP nih a tial.
Cu hnu ah France President Emmanuel Macron nih Press Meet a tuah i,Myanmar Ralkap Cozah nih Mipi kap le thah tilo dingin warning a pek hna i,Ralkap cu remdaihnak tuah dingin le Mipi sinah Democracy pek tha’n colh dingin a chimh hna. Kei cu Vawleicung ah daihnak le rualrem te’in um a duhmi ka si bantukin Kawl Ralkap pawl zongnih daihnak rak duh ve uh. Nan tuah lo asi ah cun, France, EU le kan hoikawm pawl he a herhning in kan cawlcang lai ti’ah a hrocer cang.Hi President Pa hi Libya Detector Colonel Muammar Gadhafi a donghnak i Nigeria Ramri a tlik lio i France Air Forces nih Drone Missile in a kah ter tu (Order) a pe tu Pa kha asi. US President Donald Trump bantuk Pa raltha le ro rum ngaimi asi i ka tuah lai a timi hi a tuah tak tak fawn.

March 6 ah Chinese Communist Party General Conference an neih dih hnu ah China Foreign Minister Wang Yi nih cun Myanmar ram buai nak kong hi ASEAN ram pawl he kan ceihhmai ti hna lai i, remdaihnak le Democracy asi khawh tha’n nak lai rian kan tuan lai ti’ah Press Meet ah a chim.ASEAN Foreign Ministers pawl zong Indonesia Minister Mar Sudi hruainak in Online Meeting an tuah i, Filipine,Malaysia,Indonesia nih Ralkap Cozah hremnak tuah an duh na’in, Vietnam, Cambodia, Laos nih Myanmar ram chung buainak asi i remnak lawng lawng kan tuah awk asi an ti ve.Singapore le Thailand le East Timor cu Neutral ah an um ti’ah Xinghua News nih a chim.Myanmar kongah Japan,India le Australia cu a ho hmanh tanh lo Neutral ah an um na’in S. Korea President Moon Jea-In nih cun, Ralkap Cozah cu Mipi kah/ thah ti lo ding in le Democracy pek tha’n uh ti’ah a hrocer ve hna ti’ah AFP nih a tial.Myanmar Ralkap Cozah nih hin UN, US le EU hi cu tipi’in a tih Nemman loh. A tih bikmi tu cu China le ASEAN ram pawl hi an si. Cu cu kan theih cio dingah a tha.

Chin he Unau Chinlung Chuak asi mi Mizoram Chief Minister Pu.Zoramthanga nih Chapchar Kut an tuahnak Vanapa Hall, Aizawl, Mizoram ah Myanmar ram um Chin kan Unau le nih buai nak an tawn i Mizoram ah Ralzam(Refugees)in an rat ah cun, Mizoram Cozah nih tha te’in kan mikhual hna lai i, an ei le din le thil dang ca’ah Poisa( Budgets) kan chiah piak cang hna ti’ah a chim. 3/3/21 khan Chinram Palik-3 hna cu Cer hlun khua le North Van Lai Phai khua kar i um Lungkawlh khua ah CDM le Ralkap nawlpek duh lo’in an phan. Cu hnu ah Midang- 5 le an chungkhar-34 hna cu Champhai District chung ah an phan tha’n. 7/3/21 ah NLD hruaitu cheu khat le Thantlang Sakhan ralbawi te Bo Balah (An min le Um nak hi thuh piak an si) mi- 50 hrawnghrang Mizoram chungah an lut cang ti’ah Champhai District, Deputy Commissioner Ms.Maria CT Zuali le Lawngtlai District, DC Dr.Andrew H. Vanlaldika nih PTI le AFP sinah an chim.
Hi kong hi Kawl Ralkap Cozah nih an theih dih cang i, Falam District Administrator U. Saw Thun Win nih Kawlram Palik pawl cu kuat tha’n dingin Champhai DC sinah a hal na’in, DC nih cun India Central Home le External Affairs Ministry i Nawl( Order) hngak rih asi lai ti’ah a chim. Hi kong hi News Delhi i UNHCR Zungpi nih zong an theih cang ti’ah zung riantuan Pa khat nih Caatial tu sinah a chim.An chungkhar cheukhat cu Aizawl lei a phanmi zong an um cang ti’ah theih asi fawn. Zaa rih seh. Credit: MC Biklian